Диққат, танлов! «Армия — юртимиз тинчлиги ва осойишталиги рамзи» Республика танлови
  • 11 Январь 2017

Диққат, танлов! «Армия — юртимиз тинчлиги ва осойишталиги рамзи» Республика танлови

Ўзбекистон Журналистлари ижодий уюшмаси Матбуот ва ахборот агентлиги, Мустақил босма ОАВ ва ахборот агентликларини қўллаб-қувватлаш ва ривожлантириш жамоат фонди, Касаба уюшмалари Федерацияси Кенгаши, Мудофаа вазирлиги ва Миллий телерадиокомпания билан ҳамкорликда Ўзбекистон Республикаси Қуролли Кучлари ташкил этилганлигининг 25 йиллиги ҳамда Ватан ҳимоячилари куни муносабати билан журналистлар ўртасида «Армия — юртимиз тинчлиги ва осойишталиги рамзи» республика танловини эълон қилади.

Танловга тақдим этилган ижодий ишларда Қуролли Кучларимиз салоҳияти ва ҳарбий соҳада олиб борилаётган ислоҳотларнинг мазмун-моҳияти, сарҳадларимиз дахлсизлиги, осмонимиз мусаффолиги, юртимиз тинчлиги ва мамлакатимиз осойишталигини таъминлаш йўлида фидойилик кўрсатаётган ҳарбийларнинг мардона хизмати, офицер ва сержант кадрларни тайёрлаш, қайта тайёрлаш, уларнинг малакасини ошириш, ҳарбий хизматчилар ва уларнинг оила аъзоларига ижтимоий-маиший шароитлар яратиш борасида амалга оширилаётган ишлар чуқур таҳлил этилган ва маҳорат билан ёритилган бўлиши лозим.

«Армия — юртимиз тинчлиги ва осойишталиги рамзи» танлови оммавий ахборот воситаларининг қуйидаги йўналишлари бўйича ўтказилади:

— босма ОАВ ходимларининг журналистик

    ишлари (1, 2, 3-ўрин);

— тележурналистларнинг кўрсатувлари

    (1, 2, 3-ўрин);

— радиожурналистларнинг эшиттиришлари 

    (1, 2, 3-ўрин);

— интернет нашрларидаги материаллар 

    (1, 2, 3-ўрин);

— фотожурналистикага оид материаллар 

    (1, 2, 3-ўрин).

Танлов ғолиблари диплом ва қимматбаҳо мукофотлар билан тақдирланади.

Танловга 2016 йил давомида ҳамда 2017 йилнинг 31 мартигача газета-журналлар ва интернет нашрларида эълон қилинган мақолалар, фоторепортажлар, радио ва телевидение каналларида эфирга узатилган материаллар (камида 5 та) 2017 йилнинг 5 апрелигача қабул қилинади.

Танлов ғолиблари ва совриндорлари рўйхати матбуотда эълон қилинади.

Танловга тақдим этилаётган ижодий ишларга қуйидаги ҳужжатлар илова қилиниши лозим:

— муаллиф ва унинг профессионал фаолияти 

   тўғрисида маълумот (объективка);

— муаллифнинг паспорти нусхаси;

— иш жойидан тавсиянома;

— муаллифнинг манзили ва боғланиш

   телефонлари.

Ижодий ишлар «Армия — юртимиз тинчлиги ва осойишталиги рамзи» танловига» деб кўрсатилган ҳолда қуйидаги манзилга юборилиши лозим:

100011, Тошкент шаҳри, Навоий кўчаси, 30-уй.

Ўзбекистон Журналистлари ижодий уюшмаси.

Телефонлар: 244-64-61; 244-37-87.

Веб-сайт: www.journalist.uz

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn