XS.UZ
Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини келгусида амалга ошириш Қонунчилик палатасининг навбатдаги мажлиси бўлиб ўтди Ижод аҳлига юксак эътибор Мусиқий таълимда ўзибўларчиликка йўл қўйиб бўлмайди Болалик олами Биринчи Президентимизнинг эл-юртимиз равнақи йўлидаги буюк тарихий хизматлари ҳеч қачон унутилмайди Бағрикенглик — тинчлик ва тараққиёт асоси Судьяларга холис баҳо берилади Қаҳрамонлар — орамизда «Ўз билимим билан ўқишга кирдим» Маданият ва санъат ташкилотлари, ижодий уюшмалар ва оммавий ахборот воситалари фаолиятини янада ривожлантириш, соҳа ходимлари меҳнатини Ўзбекистон Республикаси Марказий банкининг қиймати 50000 сўм бўлган пул белгиларини муомалага чиқариш тўғрисида Одамларни ҳаётдан рози қилиш —  ислоҳотларнинг асосий мезони Бир-бирлари томон ташланган навбатдаги муҳим қадам Ўзбекистон — Жанубий Корея: АКТ соҳасидаги алоқалар ривожланмоқда Қонун лойиҳалари муҳокамасида асосли таклифларга эътибор қаратилмоқда Бухоро — Лебап: Дўстлик ва ҳамкорликнинг янги босқичи Банкоматлардан нақд пул олиш имконияти яратилди Таълим ва маърифат — тинчлик ва бунёдкорлик сари йўл Юртдан-юртга, дилдан-дилга ўтгувчи мўъжиза, бу — санъат Ўзбекистон — чемпионлар Ватани
  • 04 Январь 2017

Инсон манфаатлари ҳамма нарсадан улуғ

Халқимиз эзгуликни дилга тугиб, яхши ниятлар билан юксак мақсадларга интилиб яшайди. Бунёдкорлик иштиёқи, Ватан тараққиёти ва аҳоли фаровонлигига муносиб ҳисса қўшишдек улуғвор ғоялар ҳар бир юртдошимизнинг хайрли амалларида ўз ифодасини топаяпти.

Жумладан, 2017 йил — Халқ билан мулоқот ва инсон манфаатлари йилини кўтаринки кайфиятда кутиб олдик. Президентимиз Шавкат Мирзиёевнинг Ўзбекистон халқига йўллаган Янги йил табриги ҳар биримизга ғайрат-шижоат бахш этиб, янада юксак марралар сари руҳлантираётгани шубҳасиз. Зеро, айни пайтда юртдошларимизда ана шундай руҳиятнинг зоҳирлигини уларнинг ёруғ чеҳраси, юз-кўзи, болажонларнинг шўх-шодон кулгисидан ҳам яққол илғаш мумкин.

Биз, мамлакатимизнинг барча ҳудуди каби, пойтахтимизда ҳам қизғин давом этаётган байрам томошаларини кузатиб, турли соҳа вакилларининг фикр-мулоҳазаларига қулоқ тутдик. Чунончи, “Локомотив-Анҳор” боғи ёнидаги майдонга йиғилган каттаю кичикнинг завқу шавқи юртимиздаги тинчлик-осойишталикнинг ёрқин ифодаси -сифатида кишида шукроналик ва фахр туйғусини уйғотади.

— Давлатимиз раҳбарининг Янги йил табригини телевидение орқали кўриб, эзгу тилакларини бевосита ўзларидан эшитганимиздан беҳад тўлқинландик, — дейди меҳнат фахрийси, 76 ёшли Оқилжон ота Азимов. — Унда ҳар биримизнинг дилимиздаги гаплар айтилди. Айниқса, янги бошланган Халқ билан мулоқот ва инсон манфаатлари йилидаги амалга ошириладиган ҳар бир ислоҳот замирида “Инсон манфаатлари ҳамма нарсадан улуғ” деган олижаноб мақсад ҳамда вазифалар туриши кўнглимни тоғдек кўтариб юборди. Президентимиз Шавкат Мирзиёев томонидан қабул қилинаётган муҳим ҳужжатлар, ҳаётга татбиқ этилаётган эзгу ташаббуслар инсон омилига устувор аҳамият қаратиш, ижтимоий барқарорликни янада ривожлантириш, тинч, файзу баракага тўла бугунги турмушимизни кўз қорачиғидек асраб-авайлашда янги истиқболларни очиб беради. 

Таъкидлаш жоизки, байрам тадбирларининг юксак савияда, кўтаринки кайфиятда ўтказилишида Ўзбекистон Республикаси Маданият ва спорт ишлари вазирлиги, Тошкент шаҳар ҳокимлиги, “Ўзбекнаво” эстрада бирлашмаси, “Ўзбектеатр” ижодий-ишлаб чиқариш бирлашмаси, “Камолот” ёшлар ижтимоий ҳаракати, “Тошшаҳарнур” давлат унитар корхонаси, Ўзбекистон давлат консерваторияси ва бошқа кўплаб ташкилот ҳамда бирлашмалар муносиб ҳисса қўшди. 

Майдон марказидаги баландлиги 26 метр, айланаси 7 метрдан ортиқ гўзал арчага минглаб шар ва ўйинчоқлар, камалакранг чироқлар зеб бериб турибди. Арча “Ўзмахсусмонтажқурилиш” акциядорлик компаниясига қарашли “Чирчиқпўлатмонтаж” масъулияти чекланган жамияти ишчиларининг саъй-ҳаракати билан қад ростлади. Ён-атрофдаги прожекторлар унинг кечки пайтда янада мафтункор, маҳобатли кўринишини таъминлайди. 

— Юртбошимизнинг халқимизга йўллаган Янги йил табригини катта иштиёқ билан эшитдик, — дейди Самарқанд вилоятининг Иштихон туманидан келган Ойтўра Жумаева. — Инсон омилига устувор эътибор қаратилаётган, фарзандлари ҳеч кимдан кам бўлмай ўсаётган, кексалари иззат-икром топаётган шундай табаррук юртда яшаётганимиздан ғоят фахрланамиз. Турмуш ўртоғим билан касбимиз бир: ўқитувчимиз! Мамлакатимизда шарафли ва масъулиятли касб эгаларига кўрсатилаётган юксак эътибордан беҳад миннатдормиз. Ёшларимизнинг турли халқаро танловлар, фан олимпиадаларида ғолибликни қўлга киритиб келаётганини кўриб, қувонамиз. Мана бугун невараларимни олиб, байрам томошаларига келдик. Улар дилдан яйрашди. Барчамизнинг тилимизда, дилимизда ягона тилак — илоҳим, тинчлигимизга, истиқлолимизга, юртимизга, дориламон кунларимизга кўз тегмасин!

 

Омонулла ФАЙЗИЕВ,

«Халқ сўзи» мухбири.

Ҳасан ПАЙДОЕВ 

олган суратлар.

 

 

Кўриш қобилияти чекланганлар учун

A- A A+

Кўп ўқилган