Табиат — мўъжизакор табиб
XS.UZ
Абдулазиз Комилов АҚШ Конгрессининг Вакиллар палатаси аъзолари гуруҳи билан учрашди "ТС-АПТEКА" автоматлашган ахборот тизими яратилди Бош прокуратуранинг Олий ўқув курслари ҳамда Корея қонунчилик тадқиқоти институти ўртасида меморандум имзоланди Тижорат банклари томонидан кам таъминланган оилаларни қўллаб-қувватлашга имтиёзли кредитлар ажратилмоқда Ўзбекистон — Германия: савдо-иқтисодий ва сармоявий ҳамкорлик ривожланмоқда Депутатликка  номзодлар  рўйхатга олинди «Ўзбекистон фуқаросиман!» Қурилиш материаллари саноати ва манфаатли алоқалар Коммунал соҳа: хизмат сифати яхшиланмоқда Фермерлик ҳаракати: истиқболи амалиёт, муаммо ва ечимлар. Халқ қабулхонаси: ҳар бир мурожаат ортида инсон тақдири бор Юридик ёрдам кафолатланган Эзгу ғоялар, ёрқин таассуротлар Ҳуқуқбузарликларнинг барвақт олдини олишда  маҳалла фаолларининг ролини ошириш — давр талаби Ўзбек спорти: бугунги натижалар биз учун якуний марра эмас Ўзбекистонлик ижрочиларнинг маҳорати Варшавада эътироф этилди Президент: мактаб ўқувчилари томонидан 310 та оғир ва ўта оғир жиноятлар содир этилган 54 мамлакатга мева-сабзавот экспорт қилинди, кўплаб янги бозорлар ўзлаштирилди Ҳудудларда йирик логистика марказлари ташкил этилиши мумкин Президент қиш-баҳор мавсуми учун қишлоқ хўжалиги маҳсулотларини ғамлашда сусткашликка йўл қўйган айрим вилоятларни танқид қилди Ўзбекистон Президенти Шавкат Мирзиёев Корея Республикасига келди Шавкат Мирзиёев: қиш-баҳор мавсумида халқимиз дастурхони сархил мевалар, сифатли ва арзон озиқ-овқат маҳсулотлари билан тўкин бўлиши Президент: олдини олиш мумкин бўлган жиноятлар содир этилмоқда Ҳафта охирида мамлакатимизда қор ёғиши мумкин Ўзбекистон ва Германия фавқулодда вазиятларда аҳоли ва ҳудудларни муҳофаза қилиш соҳасида ҳамкорлик қилади Тошкент, Жиззах вилоятлари ҳамда Қорақалпоғистон Республикасига янги прокурор тайинланди «Тошкент» РФБ савдо айланмаси 2,6 маротабага ошди Қонунчиликдаги янгилик: бир неча касб ва лавозимда ишлагайдиганлар учун 50 фоиздан кўп ҳақ тўланмайди Охирги беш йилда товар белгилари бўйича қарийб 13,4 мингта талабнома келиб тушди Тадбиркорлар учун яна бир қулайлик: Товарларни реэкспорт қилишда рухсатнома олиш тартиби бекор қилинди
  • 16 Август 2016

Табиат — мўъжизакор табиб

Мамлакатимизда бетакрор табиати, шифобахш суви, иқлими билан Бўстонлиқ, Китоб, Бойсун, Ургут, Зомин, Нурота, Чортоқ каби кишини ўзига мафтун этувчи масканлар кўп. Ушбу жаннатмонанд манзилларни нафақат юртдошларимиз, балки хорижликлар ҳам бир бориб кўришга қизиқади.

Зомин тумани ҳам табиий жозибаси билан алоҳида ажралиб туради. Кейинги йилларда мазкур ҳудудда амалга оширилган кенг кўламли бунёдкорлик ишлари туфайли унинг қиёфаси янада кўркамлашди, аҳолига кўпдан-кўп қулайликлар яратилди. Хусусан, Қизилсой қишлоғида намунавий лойиҳалар асосида олтмишдан ортиқ янги уйлар қурилди. Улар гўё моҳир мусаввир яратган гўзал асардек ажиб манзара ҳосил қилган. Туман маркази ҳам обод. Кўчалар кенгайтирилган, йўлларнинг икки чети бўйлаб барпо этилган турли маиший хизмат ва савдо иншоотлари, замонавий стадион, болалар сузиш ҳавзаси, “Бахт уйи”, мусиқа ва санъат мактаби истиқлолимиз шарофатини ўзида яққол ифодалайди.

Ҳар бир қишлоқнинг ўзига яраша тарихи бор. Еттикечув қишлоғидаги Мих номли қадамжо қадимда карвонлар тўхтайдиган жой бўлгани ҳақида манбаларда келтирилган. Эни йигирма етти метрли, 700 ёшда деб тахмин қилинадиган Бобоёнғоқ ноёб табиат обидалари рўйхатига киритилган. Зомин тоғларидаги арча турлари Швейцариядагидан кўра кўпроқ. Дуоба, яъни “икки сув” қишлоғида икки сой бирлашади. Барча тоғ суви жамланиб, Зомин сув омборини ташкил этади. Ҳудуд аҳолиси шу тарзда обиҳаёт билан таъминланади. Ўриклисой, Сувлисой, Қуруқсой, Сарикамар, Усмонлисой, Пишағор каби тоғ ёнқишлоқларининг ерлари лалмикор бўлганидан аввал одамлар, асосан, овчилик, чорвачилик билан шуғулланган бўлса, ҳозир деҳқончилик ривожланиб, маҳсар, зиғир, арпа, нўхат, буғдой етиштириш йўлга қўйилган. Пишағор асли пешғор, яъни “ғоролди” деган маънони англатади. Бу қишлоқ ҳудуди катталиги, аҳоли сони кўплиги билан ажралиб туради. Намунавий лойиҳалар асосидаги уйлар Тоғтерак қишлоғида ҳам қад ростлаган. 

Зомин ҳақида гап кетганда, албатта, бу ердаги машҳур сиҳатгоҳ кўпчиликнинг хаёлига келади. Ушбу маскан ҳам қайта таъмирланиб, энг замонавий тиббий ускуналар, зарур техника воситаларига эга бўлди. Ҳар йили бу ерга турли гўшалардан минглаб юртдошларимиз келиб, саломатликларини мустаҳкамлаб қайтишади. Айниқса, ёз жазирамасида ташриф буюрувчилар сони сезиларли даражада ортади. Чунки Зоминнинг танга ҳузур бахш этувчи ҳавоси табиат яратган энг улуғ табиб, мўъжиза! Денгиз сатҳидан икки ярим минг метр юксакликда арчалар, тоғ гиёҳларининг ифори киши кайфиятини кўтариб, руҳига ором бағишлайди...

“Минг марта эшитгандан бир марта кўрган афзал”, дейди халқимиз. Яхшиси, ўзингиз Зоминга келиб, ҳаммасига гувоҳ бўлинг.

 

Толибжон ЭРГАШЕВ,

«Халқ сўзи» мухбири. 

СЎНГГИ ЯНГИЛИКЛАР