Хусусий мулк кафолатини таъминлаш —  пировард мақсад
XS.UZ
Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини
  • 20 Июль 2016

Хусусий мулк кафолатини таъминлаш —  пировард мақсад

Ўзбекистон Республикаси Бош прокуратураси ташаббуси билан манфаатдор вазирлик, идоралар, маҳаллий давлат ҳокимияти органлари, тадбиркорлик субъектлари ва оммавий ахборот воситалари вакиллари иштирокида видеоконференция ташкил этилди.

Унда тадбиркорлик субъектларининг ҳуқуқий ҳимоясини, уларни ҳар томонлама қўллаб-қувватлашга доир қонунчилик ижросини янада самарали таъминлаш масалалари муҳокама қилинди.

Қайд этилганидек, мамлакатимизда хусусий секторнинг жадал ривожланиши ва янги иш ўринларини яратишдаги фаолиятини давлат томонидан рағбатлантириш учун барча ташкилий ҳамда ҳуқуқий асослар яратилган. Энг муҳими, у замон талаби асосида изчил такомиллаштирилаётир.

Хусусан, Президентимизнинг 2015 йил 15 майдаги Фармони асосида “Ўзбекистон Республикасининг айрим қонун ҳужжатларига хусусий мулкни, тадбиркорлик субъектларини ишончли ҳимоя қилишни янада кучайтиришга, уларни жадал ривож-лантириш йўлидаги тўсиқларни бартараф этишга қаратилган ўзгартиш ва қўшимчалар киритиш тўғрисида”ги Қонун қабул қилинганлиги соҳа тараққиётида янги босқични бошлаб берди. Ушбу Қонун нормалари ижросини таъминлашда прокуратура органлари зиммасига катта масъулият юкланган.

Видеоконференцияда прокуратура органлари томонидан тадбиркорлик субъектларининг ҳуқуқий ҳимоясини таъминлаш, уларни ҳар томонлама қўллаб-қувватлаш борасида қатор тадбирлар амалга оширилаётгани кўрсатиб ўтилди. Жумладан, бу борада 2015 йил ва 2016 йилнинг олти ойи мобайнида ўтказилган назорат тадбирлари давомида ҳуқуқни муҳофаза қилувчи, назорат ва бошқа давлат органлари ходимлари томонидан содир этилган 12 мингдан ортиқ қонунбузилиш ҳолатлари аниқланди. Натижада 1200 нафардан зиёд мансабдор шахслар маъмурий ёки интизомий жавобгарликка тортилди, назорат тадбирлари натижаси асосида 250 дан ортиқ жиноят иши қўзғатилди. Ушбу саъй-ҳаракатлар 9350 нафар тадбиркорнинг бузилган ҳуқуқларини тиклаш имконини бергани диққатга сазовордир.

Видеоконференцияда юртимизда кейинги йилларда қабул қилинган тадбиркорлик фаолияти эркинлигини кафолатловчи қонун ҳужжатлари, шу жумладан, давлатимиз раҳбарининг ўтган йил 28 сентябрдаги “Тадбиркорлик субъектларига “ягона дарча” тамойили бўйича давлат хизматлари кўрсатиш тартибини янада такомиллаштириш чора-тадбирлари тўғрисида”ги қарори ижроси доирасида ҳаётга татбиқ этилаётган ишлар муҳокама қилинди.

Тадбирда таъкидланганидек, юқоридаги қарорга асосан, 194 та “ягона дарча” маркази фаолияти йўлга қўйилиб, уларда тадбиркорлик субъектларига давлат хизматларини кўрсатиш учун барча зарур шароит яратилган. Ушбу марказлар орқали 16 турдаги давлат хизматлари кўрсатилиши кўзда тутилган бўлиб, фуқаролар уларда тадбиркор сифатида рўйхатдан ўтишлари ва тадбиркорлик фаолиятини амалга ошириш учун зарур рухсатномаларни олишлари мумкин. Шу билан бирга, ер участкасига бўлган ҳуқуқни давлат рўйхатидан ўтказиш, инженерлик-коммуникация тармоқларига уланиш, бино ва иншоотларни рўйхатдан ўтказиш каби давлат хизматлари ҳам мазкур марказлар ёрдамида амалга оширилмоқда.

Прокуратура органлари томонидан тадбиркорлик субъектлари ҳуқуқ ва қонуний манфаатларини ҳимоя қилиш борасида кўрилаётган чора-тадбирлар ҳам иштирокчиларнинг диққат-эътиборида бўлди. Хусусан,  Бош прокуратурада мурожаатларни туну кун телефон орқали қабул қилиш маркази ташкил этилган бўлиб, 34 та вазирлик ва идора билан тўғридан-тўғри алоқа ўрнатилган. Мурожаатлар кўриб чиқилиши устидан электрон назорат тизими жорий қилинган.

Марказга келиб тушган мурожаатларнинг 64 мингдан ортиғи ўз вақтида ҳал этилиб, натижаси бўйича 330 та ноқонуний қарорга нисбатан протестлар келтирилди ҳамда қонунбузилишлар ва уларнинг сабабларини бартараф этиш юзасидан 364 та тақдимнома ҳамда судларга 23,4 млрд. сўмни ундириш юзасидан даъво аризалари киритилди. Қонунбузилишларга йўл қўйган 886 нафар шахс маъмурий жавобгарликка тортилди, қўпол қонунбузилиш ҳолатлари бўйича 402 та жиноят иши қўзғатилди.

Анжуманда айрим давлат бошқаруви, маҳаллий давлат ҳокимияти органлари, шунингдек, назорат ва ҳуқуқни муҳофаза қилувчи органлар томонидан тадбиркорлик субъектлари фаолиятига ноқонуний аралашиш, уларга тўсқинлик қилиш, ҳуқуқларини чеклаш ҳамда давлат хизматларини кўрсатишда қонунбузилиш ҳолатларига йўл қўйилаётгани танқид остига олинди.

Қолаверса, тадбиркорликни янада ривожлантиришнинг амалий ва ҳуқуқий механизмларини такомиллаштириш масалалари муҳокама қилиниб, ушбу йўналишдаги ишларни изчиллик билан давом эттириш, шу жумладан, бу борада аниқланган камчиликларга барҳам бериш, амалдаги қонунчиликни такомиллаштиришга оид зарур -чоралар кўриш ва таклифлар ишлаб чиқиш лозимлиги алоҳида таъкидланди.

Видеоконференцияда мамлакатимизда фаолият олиб бораётган мингга яқин тадбиркор қатнашди. Уларни қизиқтираётган масалалар бўйича тегишли ҳуқуқий тушунтиришлар берилди.

Мулоқотда тадбиркорлик субъектларининг ҳуқуқий ҳимоясини янада кучайтиришга қаратилган зарур чора-тадбирлар белгилаб олинди.

 

Қобил ХИДИРОВ,

«Халқ сўзи» мухбири.