XS.UZ
Халқимиз фаровонлигини юксалтириш, турмуш шароитини янада яхшилаш — асосий вазифамиздир Фракцияларда мамлакатимиз бош молиявий ҳужжати ижроси муҳокама этилди Хорижий инвестициялар ва замонавий технологиялар — тараққиёт гарови Ҳаракатлар стратегияси – халқаро нашрларда Орзулар рўёбга чиққан кун Қадимий ёзма манбалар — бебаҳо бойлик Йигирма уч миллиард сўмлик шартномалар Қонуний талаб ва амалий ечим Фарзанд — оила қувончи Битирувчилар учун муносиб таклиф Боқий меросимиз намойиши Дунёнинг энг кучли полвонлари Президент соврини учун беллашади Чинакам чиниқиш ва маҳорат мактаби, парвоз майдончаси Ўзбекистон Президенти Туркия Бош вазири ўринбосарини қабул қилди «Баркамол авлод» спорт ўйинлари қатнашчиларига Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида «Йирик саноат корхоналари билан касаначиликни ривожлантириш асосидаги ишлаб чиқариш ва хизматлар ўртасида кооперацияни кенгайтиришни рағбатлантириш чора-тадбирлари тўғрисида»ги 2006 йил Ҳукуматлараро комиссия мажлиси Касаначиликни янада ривожлантириш учун қулай шароитлар яратиш чора-тадбирлари тўғрисида Йилдирим Туғрул Туркеш: мамлакатларимиз ўртасидаги ҳамкорлик мустаҳкамланишидан манфаатдормиз Ёшлик ва нафосат байрами, маҳорат ва камолот кўриги Конституциявий суд фаолияти янада такомиллаштирилади Давлат бюджети ижроси депутатлар томонидан кўриб чиқилмоқда Улкан орзулар остонасида «Ўзбекистон фуқароси бўлиш — улкан шараф» Ўзбек миллий матолари дунё мода саноатидан мустаҳкам ўрин эгалламоқда Адабиётга эътибор —  маънавиятга, келажакка эътибор Ўзбекистон Президенти Бирлашган Араб Амирликлари ташқи ишлар ва халқаро ҳамкорлик вазирини қабул қилди Ташқи ишлар вазирлигида учрашув Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида
  • 05 Июль 2016

Кичик бизнес салоҳияти юксалмоқда

Тарих зарварақларига зарҳал ҳарфлар билан битилаётган ҳар бир кунимиз бизни чексиз ғурур ва ифтихор туйғуларига ошно этмоқда. Зеро, юртимизда истиқлол йилларида қўлга киритилган ютуқлар, аҳоли турмуш тарзидаги ўзгаришларнинг кўлами ниҳоятда кенг.

“Гўзал ва бетакроримсан, муқаддас Ватаним, жоним сенга фидо, Ўзбекистоним!” деган эзгу ғояни мужассамлаштирган қутлуғ тантанага тайёргарлик ишлари астойдил кечаётган айни дамларда эришилаётган муваффақиятларни қайд этиш ўринлидир.

Жорий йилнинг биринчи чорагида Андижон вилоятида кичик бизнес ҳамда хусусий тадбиркорликнинг ялпи ҳудудий маҳсулотдаги улуши 47,4 фоизни ташкил қилгани бунга яққол мисол бўла олади.

Ана шу ўсиш суръатларида Андижон шаҳридаги “Барака” масъулияти чекланган жамиятининг ҳам муносиб ҳиссаси бор. Ушбу жамоа аҳли яратилган имкониятлардан унумли фойдаланган ҳолда, юртимиз истеъмолчиларини сифатли маҳсулотлар билан таъминлаб келаяпти. Бу ерда ўтган йили 800 миллион сўмлик мебель ишлаб чиқарилган бўлса, мазкур кўрсаткич шу йилнинг январь — март ойларида 400 миллион сўмликка етди. Бундай ижобий натижага 2015 йилнинг октябрь ойида Тошкент шаҳрида бўлиб ўтган Халқаро саноат ярмаркасида тузилган 250 миллион сўмлик ҳамкорлик шартномаси шартлари бажарилгани, эндиликда корхона янги буюртмалар асосида ишлаётгани туфайли эришилди.

“Сифатли тикувчи” масъулияти чекланган жамиятида эса Маҳаллийлаштириш дастури доирасида янги маҳсулот турларини ишлаб чиқариш ўзлаштирилди. Бу борада банк томонидан ажратилган 150 миллион сўмлик кредит қўл келди. Пировардида корхонада биринчи чоракнинг ўзида 500 миллион сўмлик кийим-кечаклар тикилиб, харидорларга етказиб берилди.

“Салом ҳамкор текстиль” хусусий корхонаси маҳсулотлари — аёлларнинг 20 турдан зиёд либосларига бўлган талаб ҳам кундан-кунга ортиб бормоқда.

— Шу йилнинг бошида Япония ва Германия давлатларида бўлиб, у ердаги илғор ишлаб чиқарувчилар тажрибаси билан танишиш баробарида, 250 миллион сўмлик замонавий дастгоҳларни олиб келдик, — дейди корхона дизайнери Абдусалом Ҳошимов. — Бунинг самараси ўлароқ, янги маҳсулотларимиз хорижга экспортга чиқарилаётир.

“Evro ekfin” масъулияти чекланган жамияти бир пайтлар чўл ҳудуди ҳисобланган, айни пайтда эса мўъжазгина бўстонга айланган Бўз туманида фаолият кўрсатаяпти. Уни ташкил қилишда тадбиркор Мансурбек Рашидов пухта ва аниқ режаларга асосланди. Натижада сут маҳсулотлари ишлаб чиқаришга ихтисослаштирилган кичик бизнес субъекти пайдо бўлди.

Хабарингиз бор, юртимизга истиқлолгача бу каби маҳсулотлар четдан олиб келинарди. Ишбилармонлик салоҳиятининг кенгайиши, ички имкониятлардан унумли фойдаланиш эвазига эндиликда улар ўзимизда тайёрланамоқда. Бу эса маҳсулот сифатини таъминлаб қолмасдан, унинг нархи арзонлашишига ҳам сабаб бўлаётир. Яна бир аҳамиятли жиҳати, зарур хом ашёлар ҳам диёримизда етиштирилаяпти. Бу эса инсон организмига ижобий таъсир этувчи хусусиятларни кўпайтиришга хизмат қилмоқда.

Корхона жамоаси ўтган йили банкнинг 9 миллиард сўм миқдоридаги кредити эвазига хориждан келтирилган замонавий дастгоҳлар ёрдамида тайёрлаётган йогурт ҳамда айрон маҳсулотлари ана шундай жиҳатлари билан алоҳида ажралиб туради.

— Айни пайтда бир ойда 25 тонна, яъни ўртача 300 миллион сўмлик маҳсулот тайёрлаб, республикамиздаги савдо дўконларига етказиб бераяпмиз, — дейди корхона раҳбари Мансурбек Рашидов. — Шу кунларда музқаймоқ, шунингдек, йогурт ва айроннинг янги турини ишлаб чиқаришни йўлга қўймоқчимиз.

Ҳозир корхонада 30 нафар ишчи самарали меҳнат қилаётган бўлса, келгусида уларнинг сонини 80 нафарга етказиш кўзда тутилаяпти.

Қисқача айтганда, мамлакатимиз ички бозорини рақобатдош ҳамда сифатли маҳсулотлар билан тўлдириш борасида кўрилаётган чора-тадбирлар ўз самарасини бераётир. Бу эса эришилаётган ютуқлар салмоғини янада ошириш баробарида, иқтисодиётимиз барқарорлигини таъминлашда муҳим аҳамият касб этмоқда.

Саминжон ҲУСАНОВ,

«Халқ сўзи» мухбири.

СУРАТЛАРДА: “Evro ekfin” масъулияти чекланган жамияти фаолиятидан лавҳалар.

Хурсандбек АРАББОЕВ

олган суратлар.

 

Кўриш қобилияти чекланганлар учун

A- A A+

Кўп ўқилган