XS.UZ
Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини келгусида амалга ошириш Қонунчилик палатасининг навбатдаги мажлиси бўлиб ўтди Ижод аҳлига юксак эътибор Мусиқий таълимда ўзибўларчиликка йўл қўйиб бўлмайди Болалик олами Биринчи Президентимизнинг эл-юртимиз равнақи йўлидаги буюк тарихий хизматлари ҳеч қачон унутилмайди Бағрикенглик — тинчлик ва тараққиёт асоси Судьяларга холис баҳо берилади Қаҳрамонлар — орамизда «Ўз билимим билан ўқишга кирдим» Маданият ва санъат ташкилотлари, ижодий уюшмалар ва оммавий ахборот воситалари фаолиятини янада ривожлантириш, соҳа ходимлари меҳнатини Ўзбекистон Республикаси Марказий банкининг қиймати 50000 сўм бўлган пул белгиларини муомалага чиқариш тўғрисида Одамларни ҳаётдан рози қилиш —  ислоҳотларнинг асосий мезони Бир-бирлари томон ташланган навбатдаги муҳим қадам Ўзбекистон — Жанубий Корея: АКТ соҳасидаги алоқалар ривожланмоқда Қонун лойиҳалари муҳокамасида асосли таклифларга эътибор қаратилмоқда Бухоро — Лебап: Дўстлик ва ҳамкорликнинг янги босқичи Банкоматлардан нақд пул олиш имконияти яратилди Таълим ва маърифат — тинчлик ва бунёдкорлик сари йўл Юртдан-юртга, дилдан-дилга ўтгувчи мўъжиза, бу — санъат Ўзбекистон — чемпионлар Ватани
  • 15 Март 2016

Саодатга йўғрилган иқбол

Яқинда Тошкент шаҳридаги олий таълим муассасаларида мамлакатимиз мустақиллигининг йигирма беш йиллиги муносабати билан “Ким эдигу ким бўлдик, эртага қандай юксак марраларни эгаллашимиз керак?” мавзуида тарғибот тадбирлари ташкил этилди.

Ўзбекистон Республикаси Маданият ва спорт ишлари, Олий ва ўрта махсус таълим,  Халқ таълими вазирликлари, Ёзувчилар уюшмаси, Республика Маънавият тарғибот маркази ҳамкорлигида ўтказилган тадбирларда таниқли шоир, ёзувчи ва ёш олимлар, кино ҳамда театр актёрлари, эстрада хонандалари ва “Ниҳол” мукофоти совриндорлари иштирок этди.

Ёшларни умуминсоний ва миллий қадриятлар руҳида тарбиялаш, уларнинг онги ва қалбини мафкуравий, маънавий ҳамда ахборот хуружларидан ишончли ҳимоя қилиш, фаол фуқаролик позициясини шакллантириш каби эзгу мақсадларни кўзлаган тадбирлар Жаҳон иқтисодиёти ва дипломатия университети, Турин политехника университети, Инха университети, Ўзбекистон Миллий университети, Тошкент халқаро Вестминстер университетида, айниқса, қизғин мулоқотларга бой бўлди. Негаки, учрашувларда -юртимизнинг истиқлол арафасидаги манзараси ҳамда мустақиллик йилларида амалга оширилган ислоҳотларни акс эттирувчи фотокўргазмалар намойиш этилгани мавзуни тушунтиришда ўзига хос усул бўлди. Истиқлол туфайли турли соҳаларда, жумладан, таълим тизимида эришилган ютуқлар, бунёдкорлик мамлакатимизда тинчлик ва барқарорликни сақлаш борасида олиб борилаётган ишлар, миллий армиямизнинг салоҳияти акс эттирилган, шунингдек, бугунги кунда дунёнинг айрим давлатларида юз бераётган нотинчлик, хунрезликлар, уларнинг ортида турган кучларнинг ғаразли мақсадларини тушунтиришга қаратилган қисқа метражли фильм ва слайд-шоулар ҳам барчанинг диққатини тортди.

Тарғибот гуруҳлари вакиллари томонидан миллий қадриятларимиз, маданий меросимиз, уларнинг жамиятда ва ҳар биримизнинг ҳаётимизда тутган ўрни, турли оқимларга кўр-кўрона эргашишнинг салбий ҳамда аянчли оқибатлари, фарзандларнинг ўз ота-оналари ва Ватани олдидаги бурчлари, ватанпарварлик, меҳр-оқибат, юртга садоқат каби мавзуларда фикрлар билдирилди, санъаткорлар иштирокида мусиқий чиқишлар  ташкил этилди.

Бундай тадбирлар юртимиздаги барча  олий таълим муассасаларида жорий йилнинг -декабрь ойига қадар ўтказилиши режалаштирилган. Уларда бевосита қатнашган, кўзлари ёниб турган йигит-қизларнинг Ватан, истиқлол, тинчлик борасидаги мулоҳазаларига гувоҳ бўлган киши сифатида айтамизки, дарҳақиқат, юртимиз мустақиллигидан баҳраманд бўлаётган ҳар бир онгли инсон ўзига ўзи: “Ким эдигу ким бўлдик?” деган -саволни бериши одатий ҳолга айланди. Зеро, бунинг замирида ҳаёт ҳақиқати ўз -ифодасини топмоқда. 

Мустабид тузум даврида ким эдик? Бу саволга барча юртдошларимизнинг жавоблари аниқ: она тилимиз камситилган, муқаддас динимиз ва миллий қадриятларимиз топталган, иқтисодиётимиз ночор, турмушимиз ҳаминқадар, мухтасар айтганда, ғоялари пуч тузумнинг қурбонига айланган йўқсил халқ эдик... 

Истиқлол туфайли буларнинг барчаси ортда қолди. Дастлаб энг муҳим йўналиш — таълим-тарбия соҳаси давлат сиёсати даражасига кўтарилди. Президентимиз ташаббуси билан ишлаб чиқилиб, ҳаётга татбиқ этилган “Таълим тўғрисида”ги Қонун, Кадрлар -тайёрлаш миллий дастури ва бошқа бир қанча меъёрий-ҳуқуқий ҳужжатларнинг изчил ижроси натижасида мамлакатимизда таълим-тарбия ишлари бутунлай ўзгарди. Бугунги кунда Жаҳон банки томонидан эълон қилинган маълумотларга кўра, мамлакатимиз -аҳолисининг саводхонлик даражаси қарийб юз фоизни ташкил этади. Бу халқаро миқёсда энг юқори кўрсаткичлардан бири ҳисобланади.

Шу ўринда интернет орқали ўқиганим — икки йил илгари Лондонда ўтказилган “Таълим вазирларининг жаҳон саммити”да Лотин Америкаси, Африка қитъасида таълим соҳасининг айрим вакиллари ўз юртларида таълимга давлат етарлича эътибор қаратмаётгани, ўқув муассасаларининг молиявий ночорлиги, саводсизлик фоизининг ошиб бораётганлиги ҳақида билдирган фикри акс этган хабар ёдга тушди. Беихтиёр мамлакатимиздаги мавжуд аҳволни таққослайсан, киши. Чунки мустақиллик йилларида ўн мингга яқин мактаблар бутунлай янгидан бунёд этилди, бир ярим мингдан ортиқ замонавий коллеж ва лицейлар қад ростлади, ўнлаб олий таълим муассасалари ўқув бинолари, талабалар тураржойлари фойдаланишга топширилди. Бундай эзгуликлар ҳақида узоқ гапириш мумкин. Ана шу ғамхўрликка жавобан ёш авлод вакиллари ҳам ўз иқтидорини намоён этаётгани ғоят қувончли ҳолдир. Улар жаҳон миқёсидаги турли олимпиадаларда олтину кумуш медаллар соҳибига айланмоқда. Биргина мисол, ўтган йили Болгариянинг Влагоевград шаҳрида математика фанидан ўтказилган, 50 дан ортиқ давлатдан 330 нафар иқтидорли талаба иштирок этган 22-Халқаро олимпиадада Мирзо Улуғбек номидаги Ўзбекистон Миллий университети талабаси Ҳакимбой Эгамбердиев -берилган масалани шу вақтгача фанда қўлланилмаган янгича усулда ечиб, ҳакамларни ҳайратда қолдирди ва олтин медални қўлга киритди. У яқинда Кипрда бўлиб ўтган фан олимпиадасида ҳам ғолибликка эришди. 

Бугун таълим муассасаларида “Мураббийлик дарслари” ва “Ахборот соатлари”да истиқлол руҳи ила камолга етаётган талабаларимизга кеча ким эдигу бугун ким бўлганимиз ҳақида ғурур, фахр-ифтихор билан айтадиган фикрларимиз мазмунан бойиб бормоқда. Бунга яна бир асос давлатимиз раҳбарининг 2014 йил 15-16 май кунлари -Самарқанд шаҳрида “Ўрта асрлар Шарқ алломалари ва мутафаккирларининг тарихий мероси, унинг замонавий цивилизация ривожидаги роли ва аҳамияти” мавзуида бўлиб ўтган халқаро конференциядаги маърузасидир. Ушбу маърузада улуғ бобокалонларимизнинг ҳаёти ва илмий мероси ҳақида сўз юритилар экан, юртимизда камол топган алломалар Европа илм-фанининг юксалишига катта ҳисса қўшганлиги теран асослаб берилган.

Ваҳолонки, илгари хорижликлар Авиценна, Фраганес, Имом Бухорий каби буюк зотлар номини эшитганларидаёқ ҳайратга тушар эдилару, бироқ уларнинг асл Ватани қаерда эканлиги, ҳатто қандай номланишини билишмаган. Мустақил давлат сифатида дунёга бўй кўрсатиб, жаҳон харитасида ўз ўрнимизни топгач ким бўлдик? Аҳли дунё Авиценна аслида — Абу Али ибн Сино, Фраганес — Аҳмад Фарғоний эканлигини, улар Имом Бухорий каби донг таратган ўнлаб алломалар қатори шу юрт фарзанди бўлганларини англаб яна ҳайратланмоқдалар. Шу маънода, Президентимиз Ислом Каримовнинг тарихан қисқа даврда биз қандай улкан ривожланиш йўлини босиб ўтганимизни баҳолашда “Ким эдигу ким бўлдик?” деган ҳаётий ҳақиқатни бош ғоя сифатида белгилаб бергани замирида улкан маъно мужассам. 

Музаффар КОМИЛОВ,

Ўзбекистон Республикаси

Олий ва ўрта махсус таълим вазирлиги бошқарма бошлиғи.

Кўриш қобилияти чекланганлар учун

A- A A+