Йирик иншоотларга мўлжалланган
  • 03 Март 2016

Йирик иншоотларга мўлжалланган

Республика “Электрқурилиш” акциядорлик жамиятига қарашли “Наманган электр қурилмалари” корхонаси томонидан “Ангрен — Поп” электрлаштирилган темир йўли барпо этилишида 1 миллиард сўмликдан зиёд металл таянчлар етказиб берилди.

Ҳаво электр тармоқларини тортишда фойдаланиладиган бундай конструкциялар илгари мамлакатимизга хориждан келтириларди. Энди эҳтиёжнинг маълум қисми -Намангандаги корхона томонидан қопланмоқда. Жумладан, ўтган йили 8 турдаги электр қурилмаси ишлаб чиқариш ўзлаштирилди. Тайёрланган маҳсулотларнинг умумий ҳажми эса 159,7 миллион сўмликдан ортди.

— 2016 — 2019 йилларда Наманган вилояти саноат салоҳиятини ривожлантириш дастурига мувофиқ, корхонамизда йирик ҳажмда модернизациялаш тадбирлари амалга оширилади, — дейди бош муҳандис Турсунпўлат Саримсоқов. — 15 миллион АҚШ доллари қийматидаги ушбу лойиҳа ижроси натижасида қувватлар янада ортиб, йилига 5 минг тонна электр қурилмалари тайёрлаш имконияти юзага келади.

Қудратилла НАЖМИДДИНОВ,

«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn