Халқаро андозалар асосида 
  • 27 Февраль 2016

Халқаро андозалар асосида 

Стандартлаштириш, метрология, сертификатлаштириш, сифатни бошқариш тизими бўйича халқаро андозаларни қўллаш асосида маҳсулотлар сифати ва рақобатдошлигини ошириш “Ўзстандарт” агентлиги фаолиятида муҳим ўрин тутади. Ушбу омилларнинг ҳаётга самарали татбиқ этилиши натижасида дунё бозорида мамлакатимизда тайёрланаётган маҳсулотларга бўлган талаб тобора ортиб бораётир.

Бу ҳақда Миллий матбуот марказида “Давлат ҳокимияти ва бошқаруви органлари -фаолиятининг очиқлиги тўғрисида”ги Қонун ижроси бўйича агентлик томонидан амалга оширилаётган ишлар ҳамда соҳа истиқболларига бағишлаб ўтказилган анжуманда сўз юритилди. 

Таъкидланганидек, агентликда тадбиркорлик субъектларига қулайлик яратиш, фуқаролар мурожаатлари билан бевосита ишлаш мақсадида 13 турдаги интерактив хизмат, жумладан, Ягона интерактив давлат хизматлари портали орқали ўлчаш -воситаларини қиёслаш учун ариза қабул қилиш, стандарт намуналарини, ўлчашларни бажариш услубиётларини метрологик аттестация қилиш ва бошқа турдаги хизматлар йўлга қўйилди. 

Сўнгги ойларда ушбу хизматлар орқали биргина Метрология хизматлари кўрсатиш марказига 73 та ёзма ва оғзаки мурожаат келиб тушган бўлиб, уларнинг барчаси ижобий ҳал қилинган.

Анжуманда пойтахтимизнинг Бектемир, Юнусобод, Чилонзор туманлари ҳамда вилоятларнинг чекка туманларида Метрология хизматлари кўрсатиш маркази филиаллари ҳамда 15 та мобиль кўчма лаборатория фаолият юритаётгани газ, сув ва электр энергия ҳисоблагичларини қиёслашда аҳолига қўшимча қулайлик яратаётгани, стандартлаштириш соҳасидаги тегишли меъёрий ҳужжатларга ўзгартишлар киритилиши -туфайли ҳужжатларни экспертизадан ўтказиш муддатлари 15 кундан 

10 кунгача, рўйхатдан ўтказиш эса уч кунга қисқаргани қайд этилди. Тадбирда жорий йилда амалга оширилиши режалаштирилаётган ишлар ҳақида ҳам батафсил маълумотлар берилди.

Раҳим ШЕРҚУЛОВ.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn