Баркамол авлод ва санъат тарбияси
XS.UZ
Даъвогарлар минг нафар, совринлар эса чекланган Январь — октябрь ойларида 141 минг 682 нафар қишлоқ жойларда яшовчи фуқаро иш билан таъминланди Шўрчида йилига 3 минг тонна ип-калава ишлаб чиқарилади Марказий Осиёдаги энг қадимий ёзув Қорақалпоғистондан топилган Австрия банки ўзбекистонлик ёш тадбиркорларга имтиёзли кредитлар тақдим этади Ўзбекистон чемпионати: олтин, кумуш ва бронза медаллари эгалари маълум Ўзбекистон ва Япония терма жамоалари ўртасида ўртоқлик учрашувлари ўтказилади “Амалиёт эътирофи — 2017” ёш журналист кадрлар рағбатлантирилди Тошкентга АҚШ Конгресси Вакиллар палатаси аъзоси Трент Келли бошчилигидаги делегация келади  Тошкентда Марказий Осиё давлатларининг сув бўйича ҳамкорлигига бағишланган халқаро конференция ўтказилади Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди
  • 19 Февраль 2016

Баркамол авлод ва санъат тарбияси

Президентимиз Ўзбекистон Болалар спортини ривожлантириш жамғармаси Ҳомийлик кенгашининг навбатдаги йиғилишида “Фарзандларимизни соғлом ва баркамол инсонлар этиб вояга етказишда жисмоний тарбия ва спорт билан бир қаторда санъат тарбияси, мусиқий тарбия ҳам беқиёс аҳамиятга эгадир”, деб алоҳида таъкидлади. Шу билан бирга, мазкур йўналишда жойларда олиб борилаётган кенг кўламли ишлар ва уларнинг амалий натижалари эътироф этилди. 

Ҳақиқатан ҳам, мусиқа кўнгилдаги нозик ҳисларни чертиб, мусаффо туйғуларга ошно қилади, эзгулик, яхшилик умиди билан яшашга ундайди. Шу боис аждодларимиз, хусусан, Абу Райҳон Беруний, Абу Али ибн Сино каби алломалар комил инсон тарбиясида унинг ўрни ниҳоятда муҳим эканлигини уқтиришган.

Истиқлол йилларида мамлакатимизнинг барча ҳудудида замонавий болалар мусиқа ва санъат мактаблари бунёд этилиб, фойдаланишга топширилаётгани ҳам навқирон авлод вакилларининг маънавияти, дид ҳамда тафаккурининг юксалишига хизмат қилаётир.

Давлатимиз раҳбарининг 2008 йил 8 июлдаги “Болалар мусиқа ва санъат мактабларининг моддий-техник базасини мустаҳкамлаш ва уларнинг фаолиятини янада яхшилаш бўйича 2009 — 2014 йилларга мўлжалланган Давлат дастури тўғрисида”ги қарори бу борада муҳим аҳамиятга эга бўлди.

Қорақалпоғистон Республикасида ҳам ушбу йўналишда бир қатор ишлар амалга оширилаяпти. Бугунги кунда Оролбўйида жами 21 болалар мусиқа ва санъат мактаби фаолият кўрсатмоқда. Кейинги йилларда уларнинг аксарияти янгидан бунёд этилган бўлса, 6 тасида мукаммал таъмирлаш ишлари бажарилди.

Бунинг учун 32 миллиард 345 миллион сўмлик маблағ йўналтирилди. Шунингдек, таълим муассасалари 6 миллиард сўмлик мусиқа асбоблари ва бошқа жиҳозлар, 80 миллион сўмликдан зиёд ўқув қўлланмалари, дарсликлар, дафтарлар билан таъминланди. Натижада замон талаблари даражасида таълим олиш учун кенг имконият вужудга келди.

Ҳозир мазкур ўқув даргоҳларида қарийб етти юз нафарга яқин ўқитувчи ва мураббийлар тўрт мингдан ортиқ ўғил-қизга сабоқ беришаётир. Бунда миллий ва жаҳон мусиқаси, санъатнинг барча тури қамраб олинишига алоҳида эътибор қаратилмоқда. Бинобарин, илгари тўққизта йўналишда таълим берилган бўлса, айни пайтда болаларнинг қизиқишлари ва ҳудудларнинг ўзига хос хусусиятлари инобатга олинган ҳолда театр, тасвирий ва амалий санъат, академик хонандалик йўналишлари ҳам жорий қилинди.

Қўнғирот туманидаги 10-болалар мусиқа ва санъат мактаби шундай муассасалардан бири. Бу ерда навқирон авлод вакиллари фортепиано, халқ чолғу асбоблари, анъанавий ҳамда эстрада хонандалиги, тасвирий санъат, рақс каби йўналишларда таҳсил олишмоқда. Уларнинг қўлга киритаётган ютуқлари эса таҳсинга лойиқ. Масалан, Зуҳра Заирова Ватанимиз мустақиллигининг 23 йиллиги муносабати билан ўтказилган ёш бахши ва чанқовузчилар танловида Қорақалпоғистон Республикаси ғолиби бўлди. Қолаверса, Фатима Келмағамбетова, Элмира Бегжанова, Алламберган Баймуратовлар турли кўрик-танловларда муваффақиятли қатнашмоқда. Бундай мисолларни яна кўплаб келтириш мумкин.

Бинобарин, анъанавий тарзда ташкил қилинаётган “Она юрт оҳанглари”, “Ягонасан, муқаддас Ватан!”, “Академик ва эстрада ижрочилиги”, “Санъат ғунчалари” каби кўрик-танловлар, “Камалак юлдузлари” болалар ижодиёти фестивали, “Наврўз садолари” миллий чолғу ансамбль ва оркестрлар фестиваллари ҳам ўғил-қизларнинг ижрочилик қобилиятини ривожлантириш, улар ижоди тарғиботига хизмат қилаяпти. Биргина ўтган йили “Камалак юлдузлари” республика болалар ижодиёти фестивалининг дастлабки босқичида Оролбўйидан жами 6062 нафар иқтидор эгаси иштирок этди, шундан 580 нафари Қорақалпоғистон Республикаси босқичида қатнашди. Якунда 6 нафари яккалик йўналишда муваффақият қозонди, 3 та жамоа эса биринчиликни қўлга киритди.

Ёшларимизнинг халқаро миқёсдаги қатор нуфузли кўрик-танлов, ижодий учрашувлар ҳамда фестивалларда юқори ўринларга эришаётгани алоҳида эътирофга сазовор. Биргина 2015 йилда 22 нафар ўқувчи миллий ва жаҳон мусиқа асбобларини чалиш, анъанавий ва академик хонандалик, хореография каби йўналишларда ўз иқтидорини ёрқин намоён эта олишди. Жумладан, ўтган йилнинг 27 май — 3 июнь кунлари Беларусь Республикасида ўтказилган халқаро болалар фестивалида Нукус шаҳридаги 12-мусиқа ва санъат мактаби ўқувчиси Асадбек Султонов юқори ўринни, шунингдек, шаҳримиздаги 1-мусиқа ва санъат мактабининг “Аму гуллари” дастаси эса учинчи ўринни эгаллади. Айтиш жоизки, Асадбек Султонов ўтган йили ноябрь ойида Тошкент шаҳрида ташкил этилган “Истеъдод” танловида ҳам вокал йўналиши бўйича ғолиб бўлган.

Албатта, буларнинг барчаси Президентимиз раҳнамолигида амалга оширилаётган ислоҳотларнинг ёрқин мевасидир. Зеро, санъат — мўъжиза. Унинг бетакрор сеҳри ёшларимизни улкан марралар сари ундайверади.

 

Дуйсенбай ОТАРБАЕВ,

Қорақалпоғистон Республикаси

Халқ таълими вазирининг ўринбосари.

СУРАТЛАРДА: Қўнғирот туманидаги 10-болалар мусиқа ва санъат мактаби фаолиятидан лавҳалар.

Шомурот ШАРАПОВ 

олган суратлар.

СЎНГГИ ЯНГИЛИКЛАР