Иқтидор эгаларига эътибор
  • 19 Май 2015

Иқтидор эгаларига эътибор

Бухоро туманидаги Галаосиё педагогика коллежи ўқувчиси Дилноза Ҳамроева “Юрт келажаги” кўрик-танловининг вилоят босқичида “Адабиёт ва публицистика” йўналиши ғолиби бўлди.

Ёш истеъдод соҳибларини излаб топиш, уларни ҳар томонлама қўллаб-қувватлаш, ўғил-қизлар орасида соғлом ижодий рақобат муҳитини шакллантириш каби мақсадларга қаратилган анъанавий танловнинг қуйи босқичларида 3100 нафардан зиёд навқирон авлод вакили иштирок этди. Бу унга бўлган қизиқиш йил сайин кучаяётганини кўрсатди. Эътиборлиси, энг чекка ҳудудларда яшовчи ёшларга ҳам ўз иқтидорларини синаб кўриш учун имконият яратилди.
Тадбирнинг вилоят босқичида эса 400 нафардан зиёд йигит-қиз архитектура ва дизайн, ахборот технологиялари, рационализаторлик таклифлар ҳамда техник ишланмалар, анъанавий ва амалий санъат каби жами 11 номинация бўйича маҳоратини намойиш қилди. Ғолиблар ташкилотчилар томонидан қимматбаҳо совғалар билан тақдирланди. Энди улар кўрик-танловнинг республика босқичида иштирок этадилар.

Истам ИБРОҲИМОВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn