XS.UZ
Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари Юртимизда яратилаётган кенг имкониятлар Токиода муҳокама қилинди Фойдаландингизми, ҳақини ҳам тўланг Шавкат Мирзиёев Кавказ мусулмонлари идораси раиси шайхулислом Оллоҳшукур Пошшозода бошчилигидаги делегацияни қабул қилди
  • 19 Май 2015

Китобхонлар байрами

Китоб — инсонни маънавий камолот сари етакловчи восита, илм дурдоналарини авлодларга етказувчи бебаҳо бойлик. Шу боис ҳар бир ўзбек оиласида китоб мутолаасига алоҳида эътибор қаратилади.

Пойтахтимиздаги Fафур Fулом номидаги маданият ва истироҳат боғида ўтказилган “Китоб бизни бирлаштиради” деб номланган китобхонлар фестивали бунинг ёрқин тасдиғи бўлди.
Ўзбекистон Республикаси Халқ таълими вазирлиги, Республика Байналмилал маданият маркази, Республика болалар кутубхонаси томонидан Ўзбекистон Ёзувчилар уюшмаси ҳамкорлигида ташкил этилган мазкур тадбирда ўқитувчилар, маънавият тарғиботчилари, ахборот-ресурс марказлари ходимлари, ўқувчи-ёшлар қатнашди.
Фестивалда сўзга чиққанлар мамлакатимизда ўғил-қизларнинг китобга бўлган меҳрини янада ошириш, мутолаа маданиятини шакллантириш борасида амалга оширилаётган ишлар ҳақида алоҳида тўхталдилар. Бинобарин, ахборот-ресурс марказлари фаолиятига замонавий ахборот-коммуникация технологияларини жорий этиш, уларнинг адабиётлар захирасини янгилаш ва бойитиш борасида ислоҳотлар ҳам катта самара бераётгани эътироф этилди. Чунончи, бугунги кунда халқ таълими тизимида 10 114 та ахборот-кутубхона муассасаси фаолият юритаётган бўлиб, уларда 26 млн. нусхадан зиёд китоблар, дарслик ва адабиётлар мавжуд.
— Халқ таълими вазирлиги мактаб ўқувчилари орасида китобхонликни тарғиб қилиш, қобилиятли ёшларни ҳар томонлама қўллаб-қувватлаш масаласига алоҳида эътибор қаратиб келмоқда, — дейди Республика болалар кутубхонаси директори Дониёр Ўролов. — Биргина ўтган йили умумтаълим мактабларининг кутубхоналарига 5,6 млрд. сўмлик бадиий адабиётлар харид қилинди. Шунингдек, уч босқичли “Китобхонлар байрами” тадбирлари,  “Китобхон оила”, “Китобхон мактаб”, “Йилнинг энг яхши китобхони”, “Зукко китобхон” каби ўнлаб республика кўрик-танловлари ўтказиб келинаётир. Бундан ташқари, ҳар йили Республика болалар кутубхонаси томонидан “XХI асрда болалар китобхонлиги” мавзуида илмий-амалий конференция ташкил этилаяпти.
— Устозимиз “Заминни, она-табиатни офтоб иситса, одам қалбини китоб илитади, ёритади ва нурлантиради” деб айтадилар, — дейди тадбир иштирокчиси, пойтахтимизнинг 147-мактаб ўқувчиси Сирожиддин Неъматов. — Шу боис синфимиз билан ушбу фестивалда фаол қатнашдик. Тадбирларда янги китоблар билан танишиш баробарида, бадиий асарлар муаллифлари билан учрашиш, суҳбатлашиш имкониятига эга бўлганимиздан жуда хурсандмиз.
Фестивалда энг фаол китобхонларга болалар адабиётларидан иборат совғалар топширилди. Тадбир доирасида юртимиз нашриёт-матбаа ижодий уйларида чоп этилган янги китоблар кўргазмаси ҳам  ташкил қилинди.
Миллий маданият марказлари қошидаги болалар бадиий жамоаларининг чиқишлари фестивалга янада файз бағишлади.

Омонулла ФАЙЗИЕВ,
«Халқ сўзи» мухбири.

Кўриш қобилияти чекланганлар учун

A- A A+

Кўп ўқилган