XS.UZ
Ўзбекистон Республикаси Президенти Шавкат мирзиёевнинг Бирлашган Миллатлар Ташкилоти Бош Ассамблеясининг 72-сессиясидаги нутқи Ўзбекистон Президентининг АҚШга ташрифи Халқаро валюта жамғармасининг фармойиш берувчи директори Кристин Лагард баёноти Покистон Ислом Республикаси Қуролли Кучлари делегацияси ташрифи Ислом Каримов номидаги илмий-маърифий мемориал мажмуа кутубхонаси фонди яна 500 дан зиёд китоблар билан бойиди «Ўзбекистон — Евроосиёдаги янги иқтисодий тараққиёт замини» Ўзбекистон минтақада прагматик сиёсат олиб бормоқда Илму фан ва зиё маскани Болалар зарарли ахборот хавф-хатарларидан ҳимоя қилинади Аҳоли саломатлиги йўлида Юртимизда етиштирилган қовунлар европаликлар дастурхонида Миллат маънавиятига дахлдор масала Меҳнатимиз самараси шогирдлар камолида кўринади Ўзбекистон Президенти Америка Қўшма Штатларига келди Шавкат Мирзиёев Осиё ўйинларининг очилиш маросимида иштирок этди Ўзбекистон ва Қирғизистон Президентларининг телефон орқали мулоқоти тўғрисида Ижтимоий адолатни қарор топтириш Она тилига эътибор ва масъулият Соғлом рақобат муҳити кучаяди Ўзбек халқи Мьянмалик қочқинларга ёрдам қўлини узатди Бой тажриба ва ибрат мактаби Сурхондарё соҳилида янги сўлим маскан Давлат идораларида мурожаатларга муносабат ўзгармоқда Дастлабки кунда ўн учта медаль Осиё чемпионати якунланди АКТ Саммити, роботлар намойиши ва интерактив лойиҳалар Тадбиркорларнинг ишончли ҳимоячиси Солиқ имтиёзлари аҳоли турмуш фаровонлиги кафолатидир Тиббий патронаж хизмати янгича ёндашув, изчил фаолият ва фидойи меҳнатни талаб этади Яқин қардошлик ва ўзаро манфаатдорликка асосланган ҳамкорликнинг янги босқичи
  • 05 Март 2015

Энг эзгу мақсад — фарзандлар камоли

Мамлакатимизда истиқлолнинг илк кунлариданоқ баркамол авлодни тарбиялаш, аҳоли саломатлигини мустаҳкамлаш, оналик ва болаликни муҳофаза этиш борасида изчил ислоҳотлар амалга ошириб келинмоқда. 1993 йилнинг 4 март куни мустақил давлатимиз тарихидаги илк юксак нишон сифатида  “Соғлом авлод учун” ордени таъсис этилгани ҳам бежиз эмас. Негаки, соғлом деганда биз нафақат жисмонан бақувват, шу билан бирга, маънавий етук инсонни тушунамиз.

Дарҳақиқат, ҳар бир миллатнинг эртанги куни бугунги авлод тақдири билан узвий боғлиқдир. Шундан келиб чиқиб, айтиш мумкинки, фарзандларимизни билимли, соғлом, Ватанга муҳаббат, истиқлол ғояларига садоқат руҳида тарбиялаш борасида ўтган йиллар давомида кенг кўламли ишлар бажарилди. Хусусан, мамлакатимизда ўтказиб келинаётган уч босқичли спорт мусобақаларининг ҳам бу борада алоҳида ўрни бор. Умумтаълим мактаблари ўқувчиларининг “Умид ниҳоллари”, академик лицей ва касб-ҳунар коллежлари ўқувчиларининг “Баркамол авлод” ҳамда олий ўқув юртлари талабаларининг Универсиада спорт ўйинлари ўғил-қизларимизни фойдали ҳаракатга йўналтириш, курашда чиниқтириш, ғалабага интилиш фазилатларини камол топтириш, қисқача айтганда, спортни уларнинг ҳаётий эҳтиёжига айлантиришга хизмат қилмоқда. Яқинда ўтказилган Ўзбекистон Болалар спортини ривожлантириш жамғармаси Ҳомийлик кенгашининг навбатдаги йиғилишида ҳам спорт одамларнинг оиласига, онгига киргани, турмуш тарзига айлангани алоҳида қайд этилди.
Юртимизда эзгу мақсад билан бошланган барча ишларнинг замирида баркамол авлод орзуси мустаҳкам ўрин эгаллаганини -англаш қийин эмас. Масалан, мантиқан бири-бирига ҳамоҳанг бўлган Оила йили, Соғлом авлод йили, Она ва бола йили, Ёшлар йили, Баркамол авлод йили, Соғлом бола йилида улкан ишлар амалга оширилди. Жорий — Кексаларни эъзозлаш йилида ҳам бу эзгу саъй-ҳаракатлар изчил давом эттирилмоқда.
Жумладан, тиббий кўрикларни ўтказиш, жамоатчилик орасида соғлом турмуш тарзини кенг тарғиб қилиш, тиббий маданият даражасини янада юксалтириш юзасидан зарур чора-тадбирлар ҳаётга татбиқ этилаяпти. Саломатлик ҳафталиги ташкил қилиниб, нуроний отахону онахонлар, хотин-қизлар, оналар ва болаларнинг тиббий текширувдан ўтказилгани ҳам аҳоли саломатлигини асраш, хусусан, соғлом авлодни камол топтириш йўлидаги ишларнинг ёрқин ифодасидир.
Икки даражадан иборат мазкур “Соғлом авлод учун” ордени билан оналик ва болаликни муҳофаза қилиш, атроф-муҳитни яхшилаш, соғлом авлодни камол топтириш йўлида фидокорона хизмат қилаётган кишилар мукофотланади. Шунингдек, бошқа давлатлар фуқаролари ҳам ушбу орден билан тақдирланиши мумкин.
Орденнинг ўнг қисмидаги қуёш нурлари аксида фарзандини бағрига олиб, меҳр улашаётган мўътабар она сиймоси ифодаланган. Эзгу орзу-интилишлар рўёби бўлмиш беғубор бола эса иштиёқ ва қувонч билан қуёш нурларига талпинмоқда.
Орден бириктирилган дастанинг ички қисми яшил рангли товланадиган лента билан ўралган. Лентанинг ўртасида ўрик дарахтининг гуллаб турган шохи тасвирланган. Гуллаётган ўрик — кўклам, табиат ва онгдаги уйғониш тимсоли. Бу тасвир яшариш ҳамда янгиланиш рамзи бўлган яшил ранг фонида янада гўзал жило ва теран мазмун ифода этади.
Бугун қабул қилинганига 22 йил тўлган “Соғлом авлод учун” орденининг таъсис этилиши инсон ва унинг манфаатлари ҳар томонлама эъзозланаётган бизнинг диёримизда халқ саломатлиги, янги авлоднинг жисмоний ва руҳий-маънавий баркамоллиги олий қадрият деб эътироф этилаётганлигининг ёрқин рамзидир. Зеро, соғлом, билимли ва фидойи фарзандлари бўлган халқ, албатта, ўзининг буюк келажагини барпо этади.

Омонулла ФАЙЗИЕВ.

Кўриш қобилияти чекланганлар учун

A- A A+

Кўп ўқилган