Хорижлик харидорлар эътирофи
  • 11 Февраль 2015

Хорижлик харидорлар эътирофи

Гулистон шаҳридаги “Мили Гулистон текстиль” қўшма корхонасининг экспорт салоҳияти йилдан-йилга ортиб бормоқда. Хусусан, ўтган йили мазкур ишлаб чиқариш субъекти томонидан хорижлик ҳамкорларга   6,8 миллион АҚШ доллариликдан зиёд калава ип етказиб берилди. Бунда сўнгги йилларда амалга оширилган қиймати
1 миллион 200 минг долларга тенг техник ва технологик янгиланишлар муҳим аҳамият касб этди. Шу билан бирга, корхона қуввати ошиб, ойига 350 тонна пахта толасини қайта ишлаш имконияти яратилди.

— Маҳсулотимиз сифати хорижлик харидорлар томонидан юқори баҳоланаяпти, — дейди қўшма корхона директори ўринбосари   Равшан ўаниев. — Ўтган йили Тошкентда ўтказилган саноат ярмаркаларида бир нечта экспорт шартномалари тузишга эришганимиз бунга яққол мисол бўла олади. Айни пайтда корхонада 450 киши меҳнат қилмоқда. Уларнинг аксарияти касб-ҳунар коллежлари битирувчиларидир.


Аҳмадали ШЕРНАЗАРОВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn