XS.UZ
Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари Юртимизда яратилаётган кенг имкониятлар Токиода муҳокама қилинди Фойдаландингизми, ҳақини ҳам тўланг Шавкат Мирзиёев Кавказ мусулмонлари идораси раиси шайхулислом Оллоҳшукур Пошшозода бошчилигидаги делегацияни қабул қилди
  • 31 Декабрь 2014

Қиш дастурхони файзи

Жорий йилда деҳқону соҳибкорларнинг ёз бўйи қилган фидокорона меҳнатлари туфайли дала ва боғларда мўл ҳосил етиштирилди. Унинг бир қисми истеъмол бозорига чиқарилган бўлса, бир қисми қайта ишлаш корхоналарига етказиб берилди.

Яна бир қисми эса махсус омбор ва музлаткичларга жойланди. Жумладан, Наманганда 49,3 минг тонна қишлоқ хўжалиги маҳсулотлари қиш ва баҳор мавсуми учун сақлаб қўйилди.
Вилоятда захирага жамғариладиган маҳсулотларни сақлашга мўлжалланган иншоотлар сони йилдан-йилга кўпайиб бормоқда. Хусусан, ҳозирги кунда шаҳар ва туманларда 20,9 минг тонна сиғимга эга 45 та махсус омбор ҳамда 17,3 минг тонна сиғимли 19 та  музлаткич камераси ишлаб турибди. Уларнинг барчаси мева ва сабзавотларни узоқ вақт сақлаш имконини берадиган илғор технологик ускуналар билан жиҳозланган. Ана шундай иншоотлардан бири Наманган шаҳридаги “Замин агросавдоинвест” масъулияти чекланган жамияти бўлиб, жорий йилда унинг қуввати икки баробар ортди. Бу ерда 1,6 миллиард сўмлик сармоя эвазига амалга оширилган модернизациялаш тадбирлари натижасида 2000 тоннадан ортиқ маҳсулот сақлаш имконияти юзага келди.
— Музлаткичли омборга ҳозирги кунга қадар 1400 тоннага яқин сабзавотларни жойлаб қўйдик, — дейди масъулияти чекланган жамият раҳбари Акбарали  Йўлдошев. — Сабзи, пиёз, картошка, турп, шолғомдан иборат бу маҳсулотлар босқичма-босқич савдога чиқарилиб, бозор расталарини тўлдириш ҳамда шу орқали нархлар барқарорлигини таъминлашга йўналтирилади.
Қишлоқ хўжалиги маҳсулотларини захирага жамғариш тадбирларини тўла-тўкис амалга оширишда уларни сотиб олиш учун олдиндан тўловларни йўлга қўйиш муҳим аҳамият касб этмоқда. Жорий йилда мазкур мақсад учун барча манбалар ҳисобидан 30,3 миллиард сўм маблағ йўналтириш кўзда тутилган бўлиб, бу жараёнда иштирок этаётган барча субъектлар ўз вақтида молиялаштириб борилди. Пировардида декабрь ойининг бошига келиб, вилоят бўйича 12696 тонна картошка, 7817 тонна пиёз, 6402 тонна сабзи, 4173 тонна карам, 9785 тонна мева, 4630 тонна  полиз, 2229 тонна гуруч ва кўплаб миқдорда бошқа маҳсулотлар захирага жамланди.
Бугун ўлкамизда қишли-қировли кунлар давом этаётганига қарамай, мамлакатимизнинг барча ҳудудида бўлгани сингари  Наманган бозорларидаги тўкинликни кўриб кўз қувонади. Расталардаги сархил мева ва сабзавотларни танлаб-танлаб харид қиласиз. Буни кўриб, бутун қиш пайти, ҳатто, баҳорнинг илигузилди кунларида ҳам аҳоли дастурхонидан, болалар боғчалари, шифохоналар, бошқа ижтимоий муассасалар ошхоналаридан барака аримаслигига кишининг ишончи ортади. Сирасини айтганда, айни пайтда омборларга ғамланиб, қатъий технологик қоидалар асосида сақланаётган замин неъматлари эртанги фаровон турмушимизнинг муҳим кафолатидир.

Қудратилла НАЖМИДДИНОВ,
«Халқ сўзи» мухбири.

Кўриш қобилияти чекланганлар учун

A- A A+

Кўп ўқилган