«Камолот» уйлари фойдаланишга топширилди
  • 28 Октябрь 2014

«Камолот» уйлари фойдаланишга топширилди

Жорий йил пойтахт вилоятининг 5 та ҳудудида ёш оилалар учун “Камолот” уйларини бунёд этишга киришилган эди. Айни пайтда тайёр бўлган тураржойлар бирин-кетин ўз эгаларига топширилмоқда.

Жумладан, Олмалиқ шаҳрида 45 нафар ёш оила ўз уйига эга бўлди. Шаҳардаги қаровсиз бино мукаммал таъмирланиб, шинам ва замонавий хонадонларга айлантирилди. Улар табиий газ, электр, иссиқ ва совуқ сув, иситиш тизими билан таъминланди. Бинолар атрофи ободонлаштирилиб, болалар майдончаси, хизмат кўрсатиш шохобчалари ташкил этилди.
— Янги тураржойлар 20 йиллик муддатга имтиёзли кредит асосида берилаётгани айни муддао бўлди, — дейди “Камолот” ёшлар ижтимоий ҳаракати вилоят кенгаши бўлими мудири Дилором Абдуғаффорова. — Шу мақсадда вилоятимиз бўйича 15 миллиард 399 миллион сўмлик ипотека кредитлари ажратилди. Бу жорий йилнинг ўзида яна 110 та ёш оила ўз уй-жойига эга бўлади, деганидир.

Fайрат ШЕРАЛИЕВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn