XS.UZ
Ўзбекистон заминида етиштирилган пахта толаси халқаро стандартларга тўла мос келади Жаҳон пахта бозорининг  йирик маркази Кўрсаткич эмас, натижа муҳим Ўзбекистон оқилона ташқи сиёсатининг халқаро эътирофи Ўзаро ҳурмат, очиқлик ва  хайрихоҳликка асосланган  ҳамкорлик Шавкат Мирзиёев 25-26 октябрь кунлари Туркияга ташриф буюради Суяк ўстириш ўзлаштирилди(ми?) Киберхавфсизликни таъминлаш учун йилига 161,3 миллиард АҚШ доллари миқдорида маблағ йўналтирилади Ўзбекистон Республикаси Ички ишлар идоралари ходимлари куни муносабати билан бир гуруҳ ходимларни мукофотлаш тўғрисида Тошкентда 25 октябр куни ШҲТга аъзо давлатлар Олий суд раисларининг йиғилиши бўлади Шавкат Мирзиёев Муҳаммад Ашраф Ғанига ҳамдардлик билдирди “Ўзбекистон ёшлар иттифоқи мукофоти” таъсис этилди Ўзбекистоннинг Германиядаги янги Фавқулодда ва мухтор элчиси тайинланди Ўзбекистон Республикасининг Испания Қироллигидаги элчихонаси маслаҳатчиси, муваққат ишлари вакили тайинланди Дахлдорлик туйғуси Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори
  • 24 Июль 2014

Меҳр-оқибат, тотувлик ва тарбия маскани

Ўзбекистон “Маҳалла” хайрия жамоат фондининг жорий йил биринчи ярмидаги фаолияти якунларига бағишланган кенгайтирилган йиғилиши бўлиб ўтди.

Эътироф этилганидек, маҳалла азалдан тарбия ўчоғи, миллий урф-одат ва анъаналар шаклланган ҳамда асрлар мобайнида такомиллашган ўзига хос шарқона бошқарув идораси сифатида ўзини намоён этиб келган. Айниқса, истиқлол йилларида унинг нуфузи ҳар қачонгидан юксалиб, ижтимоий-сиёсий ислоҳотлар жараёнидаги иштироки тобора кенгаймоқда. Хусусан, аҳолининг эҳтиёжманд қатламлари — боқувчисини йўқотган, кам таъминланган оилалар, жисмоний имконияти чекланган ва ёлғиз қарияларга чинакам меҳр-мурувват кўрсатиш, оилаларнинг мустаҳкамлигини таъминлаш, хусусий тадбиркорлик ва оилавий бизнесни кенг ривожлантиришга кўмаклашиш, жойларда ижтимоий-маънавий муҳит барқарорлигини кучайтириш ҳамда фуқаролик жамиятини ривожлантиришдаги ўрни ва аҳамияти, айниқса, беқиёс. Бунда Президентимиз раҳнамолигида кучли фуқаролик жамияти барпо этиш йўналишида амалга оширилаётган ислоҳотлар жараёнида маҳалланинг жамият ҳаётидаги мавқеи ва нуфузини юксалтиришга устувор вазифа сифатида эътибор қаратилаётгани ҳал қилувчи аҳамият касб этмоқда.
Маълумки, фуқаролар ўзини ўзи бошқариш органлари фаолиятига оид қонун ҳужжатлари уларнинг ишини самарали ташкил этишда дастуриламал бўлаётир. Айни пайтда уларнинг зиммасига юклатилган вазифалар ижросини таъминлашга услубий ва амалий кўмаклашиш мақсадида жорий йилнинг ўтган даврида “Маҳалла” хайрия жамоат фонди ва унинг ҳудудий тузилмалари томонидан муайян ишлар рўёбга чиқарилди.
Фуқаролар йиғинлари моддий-техник базасини мустаҳкамлаш мақсадида фонд бўлимлари томонидан 421 фуқаролар йиғини компьютер жамламалари, 488 таси мебель жиҳозлари билан таъминланди. Шунингдек, 67 та  фуқаролар йиғинининг биноси реконструкция қилинди, ўнга яқин йиғинлар биноси эса янгидан қурилди.
Тадбирда вояга етмаганлар ўртасида назоратсизлик ва ҳуқуқбузарликлар профилактикасини кучайтиришга катта эътибор қаратилаётгани таъкидланди. Шу мақсадда миллий қонунчилик мазмун-моҳиятини аҳоли, хусусан, ёшларга кенг тушунтиришга йўналтирилган тарғибот ишлари изчиллик билан давом эттирилмоқда. Аҳоли ўртасида диний экстремизм, миссионерлик ва ақидапарастликнинг турли кўринишларига барҳам беришга қаратилган саъй-ҳаракатлар мунтазамлиги ҳам таъминланаяпти.
Аҳолининг, айниқса, ёшларнинг бандлигини таъминлашга кўмаклашиш ҳам доимий эътибордаги масала бўлиб келмоқда. Шу мақсадда маҳаллаларда 34 мингдан ортиқ маиший хизмат кўрсатиш шохобчаси ишга туширилиб, 42 мингдан зиёд иш ўринлари яратилди. Натижада 24 минг нафардан ортиқ аёллар ва 16 минг нафардан зиёд ўғил-қизларнинг бандлиги таъминланди.
Йиғилишда ижтимоий ёрдамга муҳтож инсонларга доимий ғамхўрлик кўрсатиб келинаётгани ҳам алоҳида айтиб ўтилди. Хусусан, Меҳрибонлик, Мурувват уйлари тарбияланувчилари, Саховат уйларида истиқомат қилаётган нуронийлар, ёлғиз кексалар, уруш ва меҳнат фахрийлари ҳамда ногиронларга “Маҳалла муруввати” масъулияти чекланган жамиятида ишлаб чиқарилган кийим-кечак ва бошқа маҳсулотлар етказиб берилди. Ижтимоий муҳофазага муҳтож ёш оилаларнинг никоҳ, кам таъминланган оилалар фарзандларининг эса суннат тўйларини ўтказишга кўмак берилди. Айни чоғда кам таъминланган оилалар фарзандлари оромгоҳларда бепул дам олишди. Фуқаролар йиғинлари тавсияси билан кам таъминланган, боқувчисини йўқотган оилалар вакиллари, ёлғиз кексалар, уруш ва меҳнат фахрийларининг юртимиздаги диққатга сазовор жойлар ва  истироҳат боғларига саёҳатлари уюштирилди.
Шунингдек, маҳаллаларда ўтказилаётган тадбирларда ёшларнинг бўш вақтини самарали ташкил этиш, уларни “оммавий маданият”нинг салбий таъсири, миллий ҳаёт тарзимизга зид бўлган ғоялардан ишончли тарзда ҳимоя қилиш, улар ўртасида соғлом турмуш тарзини кенг қарор топтиришга устувор аҳамият қаратилаяпти. Бу борада “Маҳалламиз паҳлавонлари”, “Футболимиз келажаги” ва бошқа турли спорт мусобақалари айни муддао бўлмоқда.
Якунда “Соғлом бола йили” Давлат дастури ҳамда фонд иш режасида белгиланган вазифалар ижроси юзасидан истиқболдаги устувор вазифалар белгилаб олинди.


Зокир ХУДОЙШУКУРОВ,
«Халқ сўзи» мухбири.

 

 

 

Кўриш қобилияти чекланганлар учун

A- A A+

Кўп ўқилган