Мўъжаз гидроэлектрқурилма
  • 10 Июль 2014

Мўъжаз гидроэлектрқурилма

Андижон қишлоқ хўжалиги институти талабаси Виталий Калашников иккита телевизор ёки бешта 100 ваттли лампага қувват етказиб бера оладиган мўъжаз гидроэлектрқурилма ихтиро қилди.

Чархпалак шаклидаги мослама бир неча ғилдирак, генератор ва 16 та пақирчадан иборат. У оқин сувнинг тезлиги сонияга 1-1,5 метрга тенг ариқларга ўрнатилганда ҳам мунтазам равишда электр токи ишлаб чиқара олади. Генератор қуввати 540 ватт бўлса-да, уни тўрт баробар ошириш имконияти мавжуд.
— Ушбу ускунани йиғиш учун 600 минг сўм кифоя, — дейди талабанинг илмий раҳбари, техника фанлари номзоди Зокиржон Турғунов. — Гидроэлектрқурилма ихчамлиги, соддалиги ва уни бир жойдан иккинчи жойга кўчириш осонлиги билан ҳам ажралиб туради. Унинг ёрдамида ариқ ва сойлар сувидан фойдаланиб, электр энергияси ишлаб чиқариш мумкин.


Саидаҳмад ШУКУРОВ,
«Халқ сўзи» мухбири.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn