«Ўзбекинвест» компанияси октябрь ойида 4,4 милиард сўм суғурта қопламаларини тўлаб берди
  • 14 Ноябрь 2017

«Ўзбекинвест» компанияси октябрь ойида 4,4 милиард сўм суғурта қопламаларини тўлаб берди

«Ўзбекинвест» экспорт-импорт миллий суғурта компанияси томонидан жорий йилнинг октябрь ойида мижозлардан келиб тушган 407 та суғурта ҳодисаси бўйича даъволар кўриб чиқилиб, жами 4,4 милиард сўм суғурта қопламалари тўлаб берилди.

Бу ҳақда компаниянинг расмий веб-сайтида маълум қилинган.

2017 йилнинг октябрь ойи давомида тўлаб берилган суғурта даъволарининг 65 фоизи юридик шахслардан келиб тушган бўлса, 35 фоизи жисмоний шахслар ҳиссасига тўғри келади.

Жорий йилнинг фақат октябрь ойида тўлаб берилган айрим суғурта қопламаларига мурожаат қилсак, содир бўлган суғурта ҳодисалари юзасидан берилган даъво аризаларининг кўриб чиқилиши натижасида қурилиш-монтаж қалтисликларини суғурталаш бўйича етказилган зарарларни қоплаб бериш учун Тошкент шаҳрида нефтгаз соҳасида фаолият юритувчи корхонага 308 млн. сўм, иш берувчининг фуқаролик жавобгарлиги мажбурий суғуртаси бўйича етказилган зарарларни қоплаб бериш учун Тошкент шаҳрида қурилиш соҳасида фаолият юритувчи корхона ходимига 353 млн. сўм суғурта қопламалари тўлаб берилди.

Шунингдек, жорий йил бошидан буён «Ўзбекинвест» компанияси ўз мижозларига жами 16,3 млрд. сўм суғурта қопламаларини тўлаб берган.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn