Кореяга ишга кетишни хоҳлаганларни рўйхатга олиш ва имтиҳон қилиш шартлари маълум қилинди 
XS.UZ
Шавкат Мирзиёев ва Мун Чжэ Ин Жанубий Корея Миллий музейига ташриф буюрди Ўзбекистон Президенти Корея Республикаси Бош вазири билан учрашди Тадбиркорлар манфаатларини таъминлаш — эътиборда Ҳуқуқий ислоҳотлар юрт равнақи ва аҳоли фаровонлигига хизмат қилмоқда Уч марта ҳосил берувчи ўсимлик андижонлик фермерларга мўмай даромад келтирмоқда Барқарор ва кафолатли таъминот Бугунидан рози, келажакка ишончи мустаҳкам халқ Таълим, тарбия, тарғибот Мавсумга тайёргарлик: муаммолар бартараф этилмоқда «Электрон поликлиника» Миллий санъатимиз жилоси хорижликларни мафтун этмоқда Сувга чидамли Футболни ривожлантиришда замонавий ёндашув зарур Вулқон хавфи ДНК текшируви ойдинлик киритди Буюк Британия кучли бешликдан чиқиб кетди Тўққиз йиллик можаро жамоатчилик иштирокида ҳал этилди Ўзбекистон — Жанубий Корея: Стратегик шериклик муносабатларида янги босқич Тошкентда "High Tech City" маъмурий-маиший мажмуа қурилади Ўзбекистон – Қирғизистон ўртасидаги битим кучга кирди. У нима ҳақда эди? ОТМларда сиртқи ҳамда кечки бўлимлар очилди Муддатли ҳарбий хизматчилар ва резервчиларнинг хатлари махсус маркаланган почта конвертларида жўнатилади  Адлия вазирининг ўринбосари БМТнинг ИҲОКБ ва Тараққиёт дастури экспертлари билан учрашди Пан Ги Мун: Ўзбекистоннинг ички ва ташқи сиёсатдаги янги ташаббусларини қўллаб-қувватлайман Мирзиёев Корея Миллий Ассамблеяси Фахрий меҳмонлар китобига нималарни ёзди? Шавкат Мирзиёев БМТ собиқ Бош котиби Пан Ги Мун билан учрашди Ўзбекистон Президенти Корея Республикаси Миллий Ассамблеясида бўлди Тошкент шаҳрида “Марказий Осиё давлатларининг сув бўйича ҳамкорлигига 25 йил: эришилган тажриба, истиқболдаги вазифалар” мавзуида Корея Республикаси Бош вазири ўринбосари: Ўз мамлакатининг ривожига бу қадар катта аҳамият берадиган давлат раҳбарини жуда Корея Республикаси савдо, энергетика ва саноат вазири: Навоийдаги логистика марказини минтақадаги етакчи марказга айланади
Понедельник, 06 Ноябрь 2017 00:00

Кореяга ишга кетишни хоҳлаганларни рўйхатга олиш ва имтиҳон қилиш шартлари маълум қилинди 

6 ноябрь куни Ўзбекистон Ташқи меҳнат миграцияси масалалари агентлиги томонидан “Комплекс тест маркази” очилиши олдидан матбуот анжумани бўлиб ўтди. Унда Кореяга ишга кетишни хоҳлаганларни рўйхатга олиш ва имтиҳон қилиш шартлари маълум қилинди.

Унга кўра: Кореяда ишлашни истаганлар биринчи навбатда янги ташкил этилган “Комплекс тест маркази”нинг www.ckt.uz сайтида рўйхатга ўтиши ҳамда жетон олиш учун топшириладиган имтиҳон куни ва сеансини танлаши керак бўлади. Ушбу сайт фақатгина Ўзбекистон ичида очилади. Жетон учун имтиҳон куни банд қилинганидан сўнг имтиҳон топширувчи “Комплекс тест маркази”га бориб, рўйхатдан ўтади ва 87 500 сўм миқдоридаги пулни тўлаб, компьютер орқали тестдан ўтади.

Саволлар матн ва аудио тестлардан иборат бўлиб, уларнинг сони жами 30 тани ташкил этади. Имтиҳон учун 40 дақиқа вақт берилади. 40 дақиқа тугагач, автомат равишда имтиҳон тўхтатилади.

Имтиҳон саволлари Ўзбекистондаги учта олийгоҳ мутахассислари томонидан CBT – Computer Based Testing усули бўйича давлат таълим стандартлари асосида тузилган бўлиб, ушбу саволларга жавоб бериш учун корейс тили бўйича бошланғич 1 ва 2- даража (чогип) билимга эга бўлиш талаб қилинади.

Тест натижалари бўйича номзодлар рейтинги тузилади. Бунда берилган 40 дақиқадан қанча олдинроқ имтиҳон топшириб бўлиниши муҳим аҳамиятга эга. Дейлик, имтиҳон саволларига 20 дақиқа ичида тўлиқ жавоб берган одам 40 дақиқада барчасини тўғри ечгандан кўра олдинги ўринларни эгаллайди.

Ушбу имтиҳон бошланишига куни 3 сеанс (ҳар бир сеансда 80 киши имтиҳон топширади), кейинчалик эса 5 сеансдан олинади.

Бир одам ойига бир марта, бир йилда эса 12 мартагача жетонга имтиҳон топшириш ҳуқуқига эга бўлади. Неча марта топширилишидан қатъи назар, тўплаган энг юқори баллари инобатга олинади. КТМ тестини топшириш учун тўланган пул қайтарилмайди.

Имтиҳон топшириб бўлгандан кейин дарҳол унинг натижаларини билиш мумкин. Рейтингдаги ўринни эса тест топширилгандан 10 кун кейин Агентлик расмий сайтидаги шахсий кабинети орқали билиш мумкин.

Рейтинг шу тарзда тузиб борилади ва EPS-TOPIK имтиҳони учун, дейлик 6 минг номзод қабул қилиниши керак бўлса, қолганлар кейинги имтиҳонларда қатнашиш ҳуқуқини қўлдан бой бермайди.

Турли сабабларга кўра КТМ имтиҳон натижаларидан қониқмаганлар 20 кун ичида апелляцияга беришлари мумкин. Аппеляцион аризани фақатгина имтиҳон топширган шахс бериши мумкин.

Аммо, унутмаслик лозимки, КТМ тести натижалари 8 ой сақланади. 8 ой ичида EPS-TOPIK имтиҳони топширилмаса, КТМ имтиҳонини қайтадан топширишга тўғри келади.

КТМ имтиҳонларидан муваффақиятли ўтганлар рейтинг асосида EPS-TOPIK имтиҳонида қатнашиш ҳуқуқига эга бўлади.

Шу билан биргаликда, EPS-TOPIK имтиҳонларини ўтказиш шартлари ҳам ўзгарган. Эндиликда EPS-TOPIK имтиҳон малака тестини ҳам ўз ичига олади. Яъни, тест савол-жавобларидан кейин кореялик мутахассислар суҳбатидан ўтиш талаб қилинади.

“Комплекс тест маркази” – мустақил ташкилот бўлиб, Тошкент шаҳар Яккасарой тумани Шота Руставели кўчаси 138-уйда жойлашган. Мўлжал: Республика Қон қуйиш маркази, “Азия Ташкент” меҳмонхонаси. Жамоат транспортлари: №38, 40, 57, 58, 126, 132-автобус йўналишлари.

Марказга рўйхатдан ўтиш учун хоҳлаган пайтда, бироқ тестдан ўтиш учун банд қилинган вақтдан 60 дақиқача олдин бориш лозим. Имтиҳон залига тест бошланишидан 30 дақиқа олдин киритиш бошланади.

Имтиҳонга электрон қурилмалар, ҳар қандай канцелярия маҳсулотлари, китоблар, луғатлар, блокнотлар олиб кириш тақиқланади. Савол-жавоб вақтидан ўриндан туриш, гаплашиш ва бошқа ортиқча ҳаракатларни қилиш мумкин эмас. Ҳар бир стол атрофи тўсиқ билан ўралган бўлиб, юқорига кузатув камераси ўрнатилган.

КТМ имтиҳони учун рўйхатдан ўтиш 7 ноябрдан, имтиҳонлар эса 13 ноябрдан бошланади.