«Ўзбекистоннинг тенг ҳуқуқли фуқаросиман!»
  • 20 Октябрь 2017

«Ўзбекистоннинг тенг ҳуқуқли фуқаросиман!»

Шу юртда яшаб, унинг тўлақонли фуқароси сифатида Конституциямизда ўз ифодасини топган ҳуқуқ ва эркинликлардан баҳраманд бўлиш, бурч ҳамда мажбуриятларни теран англаган ҳолда, улкан ўзгариш ва янгиланишларга дахлдорлик ҳисси билан яшаш завқини сўз билан таърифлаш мушкул.

Президентимиз Фармони асосида Ўзбекистон Республикаси фуқаролигига қабул қилинган етти нафар самарқандлик юртдошимиз бугун ана шундай фахру ифтихор туйғуларини юрак-юракдан туйишмоқда, десак, муболаға бўлмайди.

Зеро, уларга фуқаролик паспортини тантанали топширишга бағишлаб ўтказилган тадбирда билдирилган самимий дил изҳорлари, юз-кўзларда акс этган ажиб ҳаяжондан буни билиш қийин эмасди.

Кенг жамоатчилик вакиллари қатнашган маросимда Самарқанд вилояти ҳокими вазифасини бажарувчи Т. Жўраев ва бош-қалар мамлакатимизда фуқароликка қабул қилиш қонунийлик, инсонпарварлик ва ижтимоий бағрикенглик тамойиллари асосида амалга оширилаётганини таъкидладилар. Барча ислоҳотлар замирида инсон манфаатлари устувор эканини алоҳида эътироф этдилар.

— Тақдир тақозоси билан Тожикистондан кўчиб келиб, Самарқанд шаҳрида яшаётганимизга 25 йил бўлди, — дейди ўуломжон ўаниев. — Фуқаролигим йўқлиги юрагимда армон эди. Ўзбекистон фуқароси бўлишни орзу қилардим. Бугун ана шу орзуим рўёбга чиқди. Мен, шунингдек, икки укам — Зойиржон ва Наимжон Ўзбекистон Республикасининг фуқаролик паспортини олдик. Энди шу табаррук юртнинг тенг ҳуқуқли фуқаросимиз. Бунинг учун Президентимиздан беҳад миннатдормиз. Бу жуда катта ишонч. Уни оқлаш учун жонажон Ватанимиз тараққиёти йўлида астойдил, фидойилик билан меҳнат қиламиз.

Акрам ҲАЙДАРОВ.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn