Ватан тақдирига дахлдорлик
  • 21 Сентябрь 2017

Ватан тақдирига дахлдорлик

Халқ билан мулоқот ва инсон манфаатлари йили муносабати билан “Буюк келажагимизни мард ва олижаноб халқимиз билан бирга қурамиз!” шиори остида республикамиз бўйлаб ўтказилаётган тарғибот тадбирлари Хоразм вилоятида ҳам юқори савияда ташкил қилинди.

Ўзбекистон Республикаси Маданият вазирлиги ташаббуси билан Олий ва ўрта махсус таълим, Халқ таълими вазирликлари, Ўзбекистон Ёзувчилар уюшмаси, Маънавият ва маърифат маркази ҳамда бошқа ташкилотлар ҳамкорлигида уюштирилган анжуманда олимлар, ёзувчи ва шоирлар, кино ҳамда театр актёрлари, эстрада хонандалари қатнашди.

Президентимиз Шавкат Мирзиёевнинг “Буюк келажагимизни мард ва олижаноб -халқимиз билан бирга қурамиз” номли асарида илгари сурилган ғоялар, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси, мамлакатимизда амалга оширилаётган кенг кўламли ислоҳотлар самаралари, ҳаётимизда юз бераётган улкан ўзгаришлар таълим масканлари, меҳнат жамоалари, дала шийпонларида ўтказилган учрашувларнинг асосий мавзуи бўлди.

Тадбирларда ёшларни ватанпарварликка ундовчи, тинчлик ҳамда осойишталикни кўз қорачиғидек асрашга даъват этувчи фильмлар намойиш қилинди.

Одилбек ОДАМБОЕВ,

«Халқ сўзи» мухбири.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn