Тўрт юз кишининг бандлиги таъминланди
  • 13 Сентябрь 2017

Тўрт юз кишининг бандлиги таъминланди

Наманган  вилояти марказида яна бир енгил саноат субъектининг фойдаланишга топширилиши шаҳар аҳлига чинакам совға бўлди.

Самарқанддаги “8 март” масъулияти чекланган жамиятининг филиали сифатида ташкил этилган мазкур корхонада айни пайтда болалар ва аёллар учун мўлжалланган трикотаж маҳсулотлари ишлаб чиқаришга киришилди. Таъсисчилар ушбу истиқболли лойиҳа рўёби учун 1 миллион 337 минг АҚШ долларилик сармоя йўналтирдилар. Бу ерга ўрнатилган замонавий технологик дастгоҳлар ёрдамида йилига 2 миллион 400 минг -донагача хушбичим либослар тайёрлаш мумкин.

— Лойиҳа амалга ошиши билан 400 кишининг бандлиги таъминланди, — дейди филиал раҳбари Анваржон Темиров. — Уларга, асосан, касб-ҳунар коллежлари битирувчилари жалб қилинди. 

Таъкидлаш керакки, янги корхона маҳсулотлари тўлиқ экспортга йўналтирилади.

Қудратилла НАЖМИДДИНОВ,

«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn
Мазкур рукндаги бошқа мақолалар: « Ранг кўр, ҳол сўр Тафаккур хазинаси »