«Озод юрт тўлқинлари»
  • 23 Август 2017

«Озод юрт тўлқинлари»

Мамлакатимиз мустақиллигининг 26 йиллиги арафасида Ўзбекистон Электрон оммавий ахборот воситалари миллий ассоциацияси томонидан “Озод юрт тўлқинлари” X медиа-фестивали ўтказилди.

Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссияси, “Тараққиёт стратегияси” маркази, Ўзбекистон Матбуот ва ахборот агентлиги, Ўзбекистон Журналистлари ижодий уюшмаси ҳамда қатор ташкилотлар ҳамкорлигида ташкил этилган ушбу медиа-фестиваль ғолиб ва совриндорларини тақдирлашга бағишланган тадбирга турли вазирлик ва идоралар, ижодий ва жамоат ташкилотлари вакиллари таклиф этилди.
Тадбирда сўзга чиққанлар мамлакатимизда кейинги пайтларда оммавий ахборот воситаларини ривожлантириш, уларни ҳар жиҳатдан қўллаб-қувватлашга жуда катта эътибор қаратилаётганини қайд этишди.
Давлатимиз раҳбари томонидан илгари сурилган 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси оммавий ахборот воситаларининг равнақи йўлида янги истиқболларни очиб берди.
“Озод юрт тўлқинлари” медиа-фестивалида иштирокчилар “Фидойинг бўлгаймиз сени, Ўзбекистон!” деган бош ғояни ўзида мужассам этган “Энг яхши телерадиолойиҳа”, “2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифалар ижросини энг фаол ёритган телерадиостанция”. “Ўзбекистонда ёшларга оид давлат сиёсати самарадорлигини ошириш жараёнларини ёритишга бағишланган энг яхши телерадиодастур”, “Аҳоли, хусусан, ёшлар ўртасида ҳуқуқбузарлик ва жиноятчиликнинг олдини олиш ҳамда коррупцияга қарши курашни тарғиб қилишга қаратилган энг яхши телерадиомаҳсулот”, “Фуқароларнинг ўзини ўзи бошқариш органлари фаолияти самарадорлигини ошириш ҳамда мамлакатда миллатлараро тотувликни таъминлашга қаратилган энг яхши дастур” каби номинацияларда беллашишди.
Якунда барча йўналиш бўйича ғолиб ва совриндорлар аниқланиб, уларга диплом ҳамда эсдалик совғалар топширилди.

О. ЛУТФУЛЛАЕВ.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn