Ёшлар ўзларига муносиб иш топди
  • 23 Август 2017

Ёшлар ўзларига муносиб иш топди

Навоий вилоятининг Кармана туманида маҳаллий ҳокимлик, прокуратура ва ҳудудий Бандликка кўмаклашиш маркази ҳамкорлигида навбатдаги бўш иш ўринлари ярмаркаси ташкил этилди.

Тадбирда 70 та корхона ва ташкилот 400 дан ортиқ бўш иш ўринларини таклиф қилди.
Ярмаркада таъкидлаб ўтилганидек, ҳудудий Бандликка кўмаклашиш марказига йил бошидан буён 430 нафар фуқаро иш сўраб мурожаат этган. Уларнинг 375 нафари шу каби тадбирлар натижасида меҳнат жамоалари сафига қўшилган. Бинобарин, касб-ҳунар коллежларини битириб, жорий йилда меҳнат бозорига кириб келган ёшларнинг аксарияти тўрт томонлама шартномалар асосида ишга жойлаштирилмоқда. Тадбиркорлик билан шуғулланиш ниятида бўлган 100 нафарга яқин йигит-қизлар эса жами 622 миллион сўмлик имтиёзли кредитларга эга бўлди. Жумладан, 2011 йилдан буён ўз мутахассислиги бўйича иш тополмаётган Дилбар Жўраева меҳнат ярмаркасида тумандаги 24-мактабга математика фани ўқитувчиси сифатида йўналтирилди.
Тадбир якунида 63 нафар фуқаро ишга жойлашиш учун йўлланмага эга бўлди. Тижорат банкларига ўз бизнес ғояларини тақдим этганларга лойиҳаларини кредитлаш йўли билан қўллаб-қувватлаш юзасидан тавсиялар берилди.

Темур ЭШБОЕВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn