XS.UZ
Ўзбекистон Республикаси Президенти Шавкат мирзиёевнинг Бирлашган Миллатлар Ташкилоти Бош Ассамблеясининг 72-сессиясидаги нутқи Ўзбекистон Президентининг АҚШга ташрифи Халқаро валюта жамғармасининг фармойиш берувчи директори Кристин Лагард баёноти Покистон Ислом Республикаси Қуролли Кучлари делегацияси ташрифи Ислом Каримов номидаги илмий-маърифий мемориал мажмуа кутубхонаси фонди яна 500 дан зиёд китоблар билан бойиди «Ўзбекистон — Евроосиёдаги янги иқтисодий тараққиёт замини» Ўзбекистон минтақада прагматик сиёсат олиб бормоқда Илму фан ва зиё маскани Болалар зарарли ахборот хавф-хатарларидан ҳимоя қилинади Аҳоли саломатлиги йўлида Юртимизда етиштирилган қовунлар европаликлар дастурхонида Миллат маънавиятига дахлдор масала Меҳнатимиз самараси шогирдлар камолида кўринади Ўзбекистон Президенти Америка Қўшма Штатларига келди Шавкат Мирзиёев Осиё ўйинларининг очилиш маросимида иштирок этди Ўзбекистон ва Қирғизистон Президентларининг телефон орқали мулоқоти тўғрисида Ижтимоий адолатни қарор топтириш Она тилига эътибор ва масъулият Соғлом рақобат муҳити кучаяди Ўзбек халқи Мьянмалик қочқинларга ёрдам қўлини узатди Бой тажриба ва ибрат мактаби Сурхондарё соҳилида янги сўлим маскан Давлат идораларида мурожаатларга муносабат ўзгармоқда Дастлабки кунда ўн учта медаль Осиё чемпионати якунланди АКТ Саммити, роботлар намойиши ва интерактив лойиҳалар Тадбиркорларнинг ишончли ҳимоячиси Солиқ имтиёзлари аҳоли турмуш фаровонлиги кафолатидир Тиббий патронаж хизмати янгича ёндашув, изчил фаолият ва фидойи меҳнатни талаб этади Яқин қардошлик ва ўзаро манфаатдорликка асосланган ҳамкорликнинг янги босқичи
  • 18 Август 2017

Ички туризм истиқболлари

Шаҳрисабзда “Ўзбекистон Республикасида ички туризмни ривожлантириш истиқболлари ва унда ёшларнинг ўрни” мавзуида республика форуми бўлиб ўтди. 

Ўзбекистон ёшлар иттифоқи, Туризмни ривожлантириш давлат қўмитаси ҳамда Қашқадарё вилояти ҳокимлиги ҳамкорлигида ташкил этилган тадбирда туризм соҳаси бўйича ихтисослашган илмий ходимлар ва малакали ўқитувчилар, маданий мерос ҳамда музей соҳасидаги тажрибали мутахассислар, туроператорлар, гидлар ва ёшлар қатнашди.

Ўзбекистон Республикаси Президентининг Давлат маслаҳатчиси — Ўзбекистон ёшлар иттифоқи Марказий Кенгаши раиси Қаҳрамон Қуронбоев бошқарган анжуманда мамлакатимизда туризмни ривожлантириш борасидаги саъй-ҳаракатлар, хусусан, тарихий шаҳарлар, улар ҳудудидаги меъморий обидаларни таъмирлаш ва  реконструкция қилиш, буюк аждодларимиз мангу қўним топган муқаддас қадамжоларни ободонлаштириш, зиёратгоҳларга айлантириш бўйича қилинган ишлар ҳақида сўз юритилди. Бироқ республикамизнинг айрим шаҳарларида сайёҳлик соҳасига етарлича эътибор қаратилмаётгани ҳам қайд этилди.

— Вилоятимизда 700 дан ортиқ тарихий ва меъморий обидалар, зиёратгоҳ ҳамда муқаддас қадамжолар бўлиб, шулардан 15 га яқинида қайта тиклаш ишлари жадал олиб борилмоқда, — дейди форум қатнашчиси, Бухоро вилояти ҳокимининг иқтисодиёт ва тадбиркорлик масалалари бўйича биринчи ўринбосари Меҳриддин Абдуллаев. — Хусусан, энг қадимий маданий ёдгорликлардан бири — Етти пир меъморий обидасида Президентимизнинг 2016 йил 2 декабрдаги “Ўзбекистон Республикасининг туризм соҳасини жадал ривожлантиришни таъминлаш чора-тадбирлари тўғрисида”ги Фармони -талабларидан келиб чиққан ҳолда, тубдан таъмирлаш юмушлари амалга оширилмоқда. Биз юртимизда туризмни янада ривожлантирмоқчи бўлсак, аввало, ўзимиздаги мана шундай обидаларни асраб-авайлаб, келажак авлодга етказишнинг аҳамиятини ёшларга кўпроқ тушунтиришимиз лозим. Сабаби, бундай ёдгорликлар доимо дунё сайёҳларини қизиқтириб келган. 

Анжуманда туризмнинг истиқболли турлари — маданий-тарихий, экологик, экстремал, спорт каби йўналишларининг саёҳат дастурлари бўйича мунозара секциялари ташкил этилди. Мулоқотларда Ўзбекистонда ёшлар туризмини ривожлантириш, туман ва шаҳарларнинг туристик салоҳияти, жойлардаги тарихий обидалар, зиёратгоҳлар, муҳофаза этиладиган табиий ҳудудларни тарғиб қилиш, навқирон авлодни мамлакатимизнинг тарихий жойларига, азиз-авлиёлар ва буюк аждодларимизнинг муқаддас зиёратгоҳларига ташрифларини уюштириш ҳамда уларда миллий анъана ва қадриятларга ҳурмат руҳини кучайтириш масалаларига алоҳида урғу берилди.

Қизғин савол-жавоблар тарзида ўтган тадбирлар доирасида “Шаҳрисабз — тарих ва келажак чорраҳаси” китобининг тақдимоти ҳам бўлиб ўтди. 

— Қашқадарёнинг бу соҳадаги улкан салоҳияти туризмни ривожлантириш учун кенг имкониятлар эшигини очади, — дейди Туризмни ривожлантириш давлат қўмитаси Қашқадарё минтақавий бўлими бошлиғи Отабек Олимжонов. — Биргина Қарши ва Шаҳрисабз шаҳарлари ўрта асрлар илм-фани ва  маданиятидан дарак берувчи кўплаб ёдгорликлар, маданий мерос дурдоналари, археологик объектларга бой ҳудуд ҳисобланади. Хусусан, ЮНЕСКОнинг Бутунжаҳон маданий мероси объектлари рўйхатига киритилган Шаҳрисабздаги Оқсарой, Дорут-тиловат, Дорус-саодат, Қарши шаҳридаги Қашқадарё кўприги, Одина, Кўк Гумбаз, Ерқўрғон мажмуалари ва шу каби бошқа кўплаб ёдгорликлар жаҳон тарихчи олимлари, -тадқиқотчилар ҳамда сайёҳларни ўзига жалб этмоқда. Айни пайтда вилоятда туризмни ривожлантириш, табиий ва тарихий-маданий манзиллар бўйича диққатга сазовор янги сайёҳлик йўналишларини очиб, уларга ёшларни кўпроқ жалб қилиш, -туристик хизматлар сифатини янада ошириш бўйича бир қатор лойиҳалар рўёбга чиқарилмоқда.

Анжуман иштирокчилари Амир Темур хиёбони, Шаҳрисабзнинг тарихий манзиллари, темурийлар даврига оид ёдгорликлар ва меъморий обидалар билан танишдилар. Тадбир якунида Ўзбекистон ёшлар иттифоқи Марказий Кенгаши ва -Туризмни ривожлантириш давлат қўмитаси ўртасида Республикамизда ички туризмни ривожлантириш бўйича меморандум имзоланди.

Тадбирда Қашқадарё вилояти ҳокими З. Рўзиев иштирок этди.

Аҳад МУҲАММАДИЕВ,

«Халқ сўзи» мухбири.

 

 

Кўриш қобилияти чекланганлар учун

A- A A+

Кўп ўқилган