XS.UZ
Ўзбекистон Республикаси Президенти Шавкат мирзиёевнинг Бирлашган Миллатлар Ташкилоти Бош Ассамблеясининг 72-сессиясидаги нутқи Ўзбекистон Президентининг АҚШга ташрифи Халқаро валюта жамғармасининг фармойиш берувчи директори Кристин Лагард баёноти Покистон Ислом Республикаси Қуролли Кучлари делегацияси ташрифи Ислом Каримов номидаги илмий-маърифий мемориал мажмуа кутубхонаси фонди яна 500 дан зиёд китоблар билан бойиди «Ўзбекистон — Евроосиёдаги янги иқтисодий тараққиёт замини» Ўзбекистон минтақада прагматик сиёсат олиб бормоқда Илму фан ва зиё маскани Болалар зарарли ахборот хавф-хатарларидан ҳимоя қилинади Аҳоли саломатлиги йўлида Юртимизда етиштирилган қовунлар европаликлар дастурхонида Миллат маънавиятига дахлдор масала Меҳнатимиз самараси шогирдлар камолида кўринади Ўзбекистон Президенти Америка Қўшма Штатларига келди Шавкат Мирзиёев Осиё ўйинларининг очилиш маросимида иштирок этди Ўзбекистон ва Қирғизистон Президентларининг телефон орқали мулоқоти тўғрисида Ижтимоий адолатни қарор топтириш Она тилига эътибор ва масъулият Соғлом рақобат муҳити кучаяди Ўзбек халқи Мьянмалик қочқинларга ёрдам қўлини узатди Бой тажриба ва ибрат мактаби Сурхондарё соҳилида янги сўлим маскан Давлат идораларида мурожаатларга муносабат ўзгармоқда Дастлабки кунда ўн учта медаль Осиё чемпионати якунланди АКТ Саммити, роботлар намойиши ва интерактив лойиҳалар Тадбиркорларнинг ишончли ҳимоячиси Солиқ имтиёзлари аҳоли турмуш фаровонлиги кафолатидир Тиббий патронаж хизмати янгича ёндашув, изчил фаолият ва фидойи меҳнатни талаб этади Яқин қардошлик ва ўзаро манфаатдорликка асосланган ҳамкорликнинг янги босқичи
  • 17 Август 2017

Ноёб ва сара навлар Мирзачўл қовунлари довруғини дунёга ёймоқда

“Қовундан бир татиб кетинг”. Бу — бободеҳқонларимизнинг пишиқчилик мавсумидаги илтифоти. Олижаноб халқимизнинг ўзига хос меҳмоннавозлик анъанаси.

Гулистон шаҳрида “Фидойинг бўлгаймиз сени, Ўзбекистон!” шиори остида бўлиб ўтган қовун сайли иштирокчиларига ҳам ана шундай илтифот кўрсатилди.
Тадбир аввалида “Сирдарё қовунчилиги: кеча, бугун, эртага” мавзуида илмий конференция ўтказилди. Унда полизчиликни илмий асосда ривожлантириш, экспорт салоҳиятини ошириш, уруғчилик ва тармоқнинг бошқа кўплаб масалалари ҳақида сўз борди. Шу билан бирга, қовунчиликнинг узоқ тарихи ҳақида ҳам қизиқарли маълумотлар берилди.
Бугун мамлакатимизда  қовуннинг 160 га яқин навлари мавжуд. Шундан 45 таси давлат реестрига киритилган. Эътиборлиси, Ўзбекистон қовунлари дунёнинг бошқа ҳудудларида парваришланадиган турдошларига нисбатан қатор афзалликларга эга. Хусусан, бетакрор таъми ва шифобахшлиги билан ажралиб туради. Шунингдек, ранг-баранглиги, хилма-хил шакли билан фарқланади. Ҳатто нав номлари ҳам ўзига хос: “Босволди”, “Амири”, “Обиноввот”, “Бўрикалла”, “Заргулоби”, “Гурвак”, “Жўрақанд”... Мирзачўл воҳаси деҳқонларининг ҳам бу борада ўз “бренди” бор. Бу айни кунда нафақат юртимиз, балки океанорти, Европа мамлакатлари ва дунёнинг бошқа минтақаларида тобора машҳур бўлиб бораётган, халқ ичида “Метровка”, “Торпедо”, “Жиян уруғ” деган ном билан танилган “Мирзачўл оқ уруғи”дир. Мирзаободлик бир гуруҳ қовунчилар хорижлик тадбиркорлар таклифи билан унинг агротехникасини ўргатиш бўйича АҚШнинг Калифорния штатида, Доминикан Республикасида ҳамда Грузияда бўлишди. “Аммо хорижда етиштирилган қовуннинг мазаси ўзимизникидек бўлмади”, дейди Мирзаобод туманилик деҳқонлар.
Бинобарин, мазкур нав Сирдарё ва Жиззах вилоятларида кенг тарқалган бўлиб, экспортбоп ҳисобланади. Маълумот ўрнида айтиш мумкинки,  жорий йилда Сирдарё вилояти бўйича “Оқ уруғ”нинг экспорт ҳажми 1000 тоннадан ошиши кутилаяпти. Унга Европа мамлакатларида ҳам талаб ортиб бормоқда. Шу маънода, ушбу қовун тури сайилнинг энг олди нави сифатида баҳоланганлиги бежиз эмас.
Тадбирда вилоят туманлари фермерлари ўз маҳсулотлари билан иштирок этди. Кенг майдонда ўтказилган кўргазмада қатнашчилар ўнлаб турдаги қовун ва тарвузлардан татиб кўриш имкониятига эга бўлдилар. Қайта ишловчилар эса мазкур неъматлардан тайёрланган мураббо, шинни, шарбат каби 25 турдаги ширинлик ва қиёмларни таклиф қилишди. Мирзаободлик Доно Абдуллаева  қовундан ҳатто ёғ олиш мумкинлигини кўпчиликнинг эътиборига ҳавола қилди.
— Қовун сайлида илк бор иштирок этишим, — дейди хитойлик Чен Жонг Бэи. — Рости, халқингизнинг она-замин неъматларига бўлган бундай юксак меҳр-муҳаббатидан беҳад ҳайратландим. Энг асосийси, қовунлардан татиб кўриб, заминингизнинг нақадар саховатли, юртдошларингизнинг моҳир деҳқон эканлигига амин бўлдим.
Энг улуғ, энг азиз айём — Мустақиллик шодиёнаси арафасида ташкил этилган сайил байрамона руҳда ўтди.
— Мазкур сайилда халқимизнинг шукроналик туйғуси намоён бўлди, — дейди Оқолтин туманилик меҳнат фахрийси Норбой Жайнақов. — Қолаверса, ушбу тантана фаровонлик намунаси ҳамдир. Туманимизда полизларни кенгайтириш ва қовун-тарвузни такрорий экин сифатида ўстиришга алоҳида эътибор қаратилмоқда. Бу, албатта, соҳа ривожини таъминлаш қаторида, одамлар даромадини ошириш ҳамда ердан унумли фойдаланишда муҳим асос бўлаётир.
Тадбир доирасида кўрик-танлов натижалари ҳам эълон қилинди. Ҳайъат хулосасига кўра, Мирзаобод тумани қатнашчилари энг юқори ўринни эгаллади. Шунингдек, “Энг ширин қовун”, “Энг экспортбоп қовун” каби бир неча номинациялар бўйича ҳам ғолиблар аниқланди.
Сайил Гулистон шаҳар истироҳат боғида ўтказилган концерт дастури билан якунланди.
Тадбирда Сирдарё вилояти ҳокими Ғ. Мирзаев иштирок этди.

Аҳмадали ШЕРНАЗАРОВ,
«Халқ сўзи» мухбири.

Кўриш қобилияти чекланганлар учун

A- A A+

Кўп ўқилган