Банкоматлардан нақд пул олиш имконияти яратилди
  • 15 Август 2017

Банкоматлардан нақд пул олиш имконияти яратилди

Ўзбекистон Республикаси акциядорлик тижорат Халқ банки томонидан пойтахтимиздаги 3 та деҳқон бозори ҳудудида нақд пул олиш имкониятини берувчи банкоматлар жойлаштирилди.

“Юнусобод”, “Қўйлиқ” ва “Олой” деҳқон бозорлари ҳудудига ўрнатилган учта банкомат жорий йилнинг 14 август кунидан синов тариқасида ишга туширилди. Бир кунда битта пластик картадан жами 100 минг сўмгача бўлган нақд пул ечиб олиниши мумкин. 

Банкоматга 1 000, 5 000 ва 10 000 сўмлик купюралар жойлаштирилган. Пластик картадан нақд пул ечиб олиш жараёни учун фойдаланувчи атиги 1,5-2 дақиқа сарфлайди холос. 

Эътиборлиси, нақд пул ечиб олинаётганда пластик карта эгасидан ҳеч қандай комиссия тўлови ундирилмайди. Банкоматлар “Uzcard” тизимига уланган исталган банк пластик картасини қабул қилади. 

Ҳозирги кунда банкоматлар, асосан, бозорлар ҳудудида жойлашгани учун уларнинг иш режими ҳам шунга мослаштирилган. 

Маълумот ўрнида айтиш мумкинки, республикамиздаги молия муассасалари томонидан аҳоли гавжум бўлган турли ҳудудларда ана шундай банкоматлар ўрнатиш ишлари давом эттирилмоқда. 

Дилшод УЛУҒМУРОДОВ.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn