Ноқонуний ашёлар олиб ўтилишига чек қўйилди
  • 12 Август 2017

Ноқонуний ашёлар олиб ўтилишига чек қўйилди

Божхона органлари томонидан мамлакатимиз ҳудудига диний экстремизм, терроризм ва бошқа турдаги тақиқланган материаллар олиб кирилишига қарши курашиш бўйича муайян ишлар олиб борилмоқда. Масалан, шу йилнинг 7 ойи давомида 14 мингдан зиёд диний экстремистик, ақидапарастлик ва диний мазмундаги бошқа материалларни ноқонуний равишда олиб ўтиш билан боғлиқ 339 та ҳолат аниқланиб, тегишли чоралар кўрилди. Бу ҳақда Давлат божхона қўмитасида ўтказилган матбуот анжуманида маълум қилинди.

Мазкур саъй-ҳаракатлар ва кенг жамоатчилик ўртасида тарғибот-ташвиқот ишлари кучайтирилишига қарамасдан, телефон, ноутбук ҳамда флешка хотирасига ноқонуний материалларни юклаб қайтаётган фуқаролар учраб турибди. 

Мисол учун, “Қарши” халқаро аэропортида Москвадан учиб келган фуқаро Ф. Ҳабибовнинг юклари божхона кўригидан ўтказилганда, унинг ноутбукида тақиқланган диний мазмундаги 365 дона аудио ҳамда 5 дона видеолавҳа борлиги фош этилди.

Биргаликда кўрилаётган чора-тадбирлар натижасида ушбу йўналишдаги ҳуқуқбузарликлар ўтган йилнинг шу давридагига нисбатан сезиларли даражада камайишига эришилди.

Зокир ХУДОЙШУКУРОВ, 

«Халқ сўзи» мухбири.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn