XS.UZ
Суяк ўстириш ўзлаштирилди(ми?) Киберхавфсизликни таъминлаш учун йилига 161,3 миллиард АҚШ доллари миқдорида маблағ йўналтирилади Ўзбекистон Республикаси Ички ишлар идоралари ходимлари куни муносабати билан бир гуруҳ ходимларни мукофотлаш тўғрисида Тошкентда 25 октябр куни ШҲТга аъзо давлатлар Олий суд раисларининг йиғилиши бўлади Шавкат Мирзиёев Муҳаммад Ашраф Ғанига ҳамдардлик билдирди “Ўзбекистон ёшлар иттифоқи мукофоти” таъсис этилди Ўзбекистоннинг Германиядаги янги Фавқулодда ва мухтор элчиси тайинланди Ўзбекистон Республикасининг Испания Қироллигидаги элчихонаси маслаҳатчиси, муваққат ишлари вакили тайинланди Дахлдорлик туйғуси Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар
  • 09 Август 2017

Келажак ворислари учун муносиб туҳфа

Урганч шаҳрида “Ёшлар маркази” ва ёш оилалар учун кўп қаватли тураржой биноси фойдаланишга топширилди.

Бу мустақиллигимизнинг йигирма олти йиллиги арафасида ҳудуд ёшлари учун ўзига хос байрам туҳфаси бўлди.
Ушбу лойиҳа рўёби учун 11,8 миллиард сўмлик маблағ йўналтирилди. Бу ерда ёшларнинг бўш вақтини мазмунли ўтказиш, касб-ҳунар сирларини пухта эгаллашлари учун барча шароит яратилган. Шунингдек, мазкур марказда хорижий тиллар ва замонавий ахборот технологияларини ўрганиш, рассомлик, мусиқа, ёш тадбиркорлар, имконияти чекланганлар билан ишлаш тўгараклари фаолият бошлади. 240 ўринга мўлжалланган зал турли маданий-маърифий тадбирларни ўтказиш имконини беради.
— Масканимизда бир вақтнинг ўзида 1000 нафарга яқин ёшлар ўзлари қизиққан йўналишлар бўйича шуғулланишлари мумкин, — дейди Ўзбекистон ёшлар иттифоқи Хоразм вилояти кенгаши раиси Мансурбек Машарипов. — Ўн бир йиллик таълим тизимига ўтилиши муносабати билан Ҳазорасп педагогика касб-ҳунар коллежининг бўш қолган биносида ҳам “Ёшлар маркази” ташкил қилинди. Келгусида бундай марказларни барча шаҳар ва туманларда барпо этиш режалаштирилган.                                                                                  
Давлатимиз раҳбари Ўзбекистон ёшлар иттифоқининг  таъсис қурултойида ёш оилаларни ижтимоий қўллаб-қувватлаш масаласига алоҳида тўхталиб, ҳудудларда “Ёшлар  уйлари”ни барпо этиш борасида аниқ кўрсатмалар берганди. Президентимиз топшириқлари асосида қисқа фурсатда Урганч шаҳрида қурилиб, фойдаланишга топширилган “Ёшлар уйи” 32 та оила аъзолари учун муносиб совға бўлди.
— Бугун янги хонадонга кўчиб ўтдик, — дейди каратэ бўйича Осиё чемпиони, спорт устаси Сулаймон Юсупов. — Барча қулайлик муҳайё. Айниқса, тураржойнинг имтиёзли ипотека кредити асосида 20 йилга, бошланғич бадалсиз берилиши жуда катта имкониятдир. Президентимизнинг биз, ёшларга кўрсатаётган бундай эътибори ва ғамхўрлигига халқаро мусобақалардаги муносиб ютуқларимиз билан жавоб берамиз.
Тадбирлар дастури доирасида Ўзбекистон Республикаси Президентининг ёшлар сиёсати масалалари бўйича Давлат маслаҳатчиси — Ўзбекистон ёшлар иттифоқи Марказий Кенгаши раиси Қ. Қуронбоев Хонқа туманидаги “Ваисёз қаҳрамон” фермер хўжалигида вилоятнинг ёш тадбиркор ва фермерлари билан очиқ мулоқот ўтказди. Учрашувда ўз бизнесини йўлга қўяётган ёшларни ўйлантираётган баъзи муаммоларга ечим топилиб, уларнинг интилишлари қўллаб-қувватланди. “Менинг бизнес ғоям” танлови ғолиби Чиннипошша Султонбоевага имконияти чекланган ёшларни иш билан таъминлашга қаратилган лойиҳаси учун Ёшлар иттифоқи томонидан 5 дона тикув машинаси совға қилинди. “Ёшлик” спорт мажмуасида “Ёзни “Камалак” билан” лойиҳаси ғолибларини тақдирлаш маросими ҳам бўлиб ўтди.
Давлат ва жамоат ташкилотлари, Ўзбекистон ёшлар иттифоқининг вилоятлардан ташриф буюрган фаоллари, кенг жамоатчилик вакиллари “Темурбеклар мактаби” ҳарбий-юридик лицейи, “GM-Uzbekistan” қўшма корхонасининг Хоразм филиалида ҳам бўлиб, навқирон авлод вакиллари учун яратилган шарт-шароитлар, бошланғич ташкилотлар фаолияти билан яқиндан танишдилар.
Тадбирларда Хоразм вилояти ҳокими П. Бобожонов иштирок этди.

Одилбек АДАМБАЕВ,
«Халқ сўзи» мухбири.

Кўриш қобилияти чекланганлар учун

A- A A+

Кўп ўқилган