Ёнғинлар хавфсизлигига барча масъул
  • 15 Июнь 2017

Ёнғинлар хавфсизлигига барча масъул

“Чоршанба — ёнғинлар профилактикаси куни” тадбирлари республикамизнинг барча ҳудудида юқори савияда ўтказилди.

Жумладан, Фарғона вилоятида ёнғин хавфсизлиги хизмати ходимлари томонидан маҳаллий ҳокимликлар, фавқулодда вазиятлар бошқармаси, газ ва электр таъминоти идоралари ҳамда фуқароларнинг ўзини ўзи бошқариш органлари вакиллари билан биргаликда давлат тасарруфидаги 50 дан зиёд объектларда, хусусий корхоналарда ёнғин-техник текшириш ва ёнғин-профилактик кўриклар ўтказилди.

— Ушбу жараёнда аниқланган камчиликлар бўйича тегишли муассасалар раҳбарларига 508 та ёзма кўрсатма берилди, 393 та камчилик жойида бартараф қилинди, — дейди вилоят ИИБ ЁХБ бошлиғи ўринбосари Бахтиёр Низомиддинов. — Бундан ташқари, соҳа ходимлари томонидан маҳалла фаоллари билан биргаликда 2 мингга яқин хонадоннинг ёнғинга қарши ҳолати кўздан кечирилиб, аҳоли билан табиий газ, маиший техникалардан хавфсиз фойдаланиш қоидалари юзасидан суҳбатлар олиб борилди.

Умуман, вилоят бўйича ўтказилган текширишлар чоғида тураржойларда 3 минг 302 та камчилик аниқланди. Ёнғин хавфсизлиги қоидаларини бузган 10 нафар фуқарога нисбатан қонуний чора кўрилди. Ёнғин чиқиш хавфи юқори бўлган 8 та бино ҳамда иншоотнинг иш фаолияти вақтинча тўхтатилди, 75 та носоз электр ускуна ва агрегатлар манбадан узиб қўйилди.

Элёржон ЭҲСОНОВ,

«Халқ сўзи» мухбири.

 

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn