XS.UZ
Суяк ўстириш ўзлаштирилди(ми?) Киберхавфсизликни таъминлаш учун йилига 161,3 миллиард АҚШ доллари миқдорида маблағ йўналтирилади Ўзбекистон Республикаси Ички ишлар идоралари ходимлари куни муносабати билан бир гуруҳ ходимларни мукофотлаш тўғрисида Тошкентда 25 октябр куни ШҲТга аъзо давлатлар Олий суд раисларининг йиғилиши бўлади Шавкат Мирзиёев Муҳаммад Ашраф Ғанига ҳамдардлик билдирди “Ўзбекистон ёшлар иттифоқи мукофоти” таъсис этилди Ўзбекистоннинг Германиядаги янги Фавқулодда ва мухтор элчиси тайинланди Ўзбекистон Республикасининг Испания Қироллигидаги элчихонаси маслаҳатчиси, муваққат ишлари вакили тайинланди Дахлдорлик туйғуси Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар
  • 26 Май 2017

Улкан орзулар остонасида

2016/2017 ўқув йилида умумтаълим мактабларининг 9-синфини битирган 467 мингдан зиёд ўқувчилар узлуксиз таълимнинг кейинги босқичига тўлиқ қамраб олиниб, академик лицей ва касб-ҳунар коллежларида таҳсилни давом эттиради.

25 май куни Қорақалпоғистон Республикаси, вилоятлар ҳамда Тошкент шаҳридаги умумтаълим мактабларида ўқув йили якунига етгани муносабати билан “Хайр, мактаб, салом, коллеж!” шиори остида тадбирлар ўтказилди.

Эрта тонгдан қалбида олам-олам ҳаяжон билан қўлига гул олган ўқувчилар, шундай баркамол фарзандининг бахтини кўришни ният қилган ота-оналар энг улуғ маскан — мактаб томон ошиқишди. 

Ўзбекистон Республикаси Халқ таълими вазирлигидан олинган маълумотларга қараганда, жорий йилда 467 мингдан зиёд ўғил-қизлар таълимнинг навбатдаги босқичига йўлланма олаётир. Жумладан, 9-синф битирувчилари ўртасида ўтказилган сўровнома натижаларига кўра, ўқувчиларнинг 42 790 нафари академик лицейларда, 424 229 нафари эса касб-ҳунар коллежларида таҳсил олиш мақсадида эканини билдирган.

Биз пойтахтимизнинг Мирзо Улуғбек туманидаги 64-умумтаълим мактабида бўлдик. Бу ерда ташкил этилган анжуманда сўзга чиққан кенг жамоатчилик вакиллари, устоз ва мураббийлар, ота-оналар, ўқувчилар ҳамда бошқалар мамлакатимизда рўй бераётган янгиланишлар, амалга оширилаётган ислоҳотлар Ватанимизнинг янада ривожланиши, аҳолининг роҳат-фароғатда умр кечириши, ёшларнинг чуқур билим эгаллаб, юртимиз равнақига муносиб ҳисса қўшадиган инсонлар бўлиб камолга етишига қаратилганини таъкидлашди. 

— Ушбу ўқув йилида 123 нафар йигит-қиз 9-синфни тамомламоқда, — дейди мазкур умумтаълим мактаби директори Муборак Юсупова. — Қаранг, кечагина мактабга қадам қўйган жажжи болалар улғайиб, бугун лицей ва коллежлар сари йўл олишмоқда. Улар ана шу масканларда билимларини мустаҳкамлаб, касб-ҳунар ўрганиб, катта ҳаётга қадам қўйишади. Юртимизда навқирон авлод учун шу қадар кенг имкониятлар яратилганки, барчаси ҳавас қилишга арзигулик. Ишонамизки, бизнинг даргоҳни битириб кетаётган йигит-қизлар ҳам келгусида Ўзбекистон номини улуғлаш йўлида бор куч ва салоҳиятларини ишга соладилар. 

Шу куни энг фаол ҳамда аълочи ўқувчиларга етуклик шаҳодатномаси билан бирга, фахрий ёрлиқлар топширилди. Шунингдек, ўз қобилиятию иқтидори билан билимлар беллашуви, фан олимпиадаси, турли спорт мусобақаларида юқори ўринларни эгаллаб, устозлари ва ота-оналар ишончини оқлаган ўғил-қизлар алоҳида тақдирланди. Ўқув йили давомидаги интилишларига қараб, “Энг ибратли ўқувчи”, “Энг фаол ўқувчи”, “Ижодкор ўқувчи”, “Ёш ихтирочи”, “Мактабимиз фахри”, “Спорт устаси”, “Компьютер устаси”, “Энг ораста қиз” каби номинациялар бўйича иқтидорли ҳамда намунали ўқувчилар алоҳида эътироф этилди.

Жорий йилда илк бор фарзанди тарбиясига доимий эътиборда бўлган ота-оналар ҳам рағбатлантирилди. Хусусан, “Энг фаол ота”, “Жонкуяр она”, “Аълочи ўқувчи отаси”, “Билимли қиз онаси”, “Жонкуяр бобо”, “Меҳрибон буви” каби номинациялар бўйича уларга ташаккурлар билдирилди.

— Мактабимизда хорижий тиллар пухта ўргатилгани сабабли ҳозир инглиз тилида қийналмай гаплаша оламан, — дейди битирувчи Козимбек Умаров. — Энди хитой тилини ҳам ўзлаштирмоқчиман. Тил билган яхши-да. Шу сабабли Тошкент давлат шарқшунослик институти қошидаги академик лицейга ҳужжатларимни топширдим. 

Тадбир ниҳоясига етгач, барча битирувчи ўз қизиқиши бўйича танлаган академик лицей ва касб-ҳунар коллежига ота-оналари билан бирга ташриф буюриб, у ердаги шарт-шароитлар билан яқиндан танишдилар…

Якунига етган ўқув йилида Қорақалпоғистон Республикасида қарийб 26,5 минг нафар ўқувчи 9-синфни тамомлади. Мазкур ҳудуддаги таълим муассасаларида ҳам “Хайр, мактаб, салом, коллеж!” тадбирлари юксак савияда ўтказилди. Хусусан, Нукус шаҳридаги 17-умумтаълим мактабида уюштирилган маросимга ота-оналар, маҳаллалар фаоллари таклиф қилинди.

Ушбу даргоҳдан 101 нафар ўқувчи таълимнинг кейинги босқичини академик лицей ва касб-ҳунар коллежида давом эттиради. Мактаб директори Ойша Абдиреймованинг айтишича, ўқувчилар орасида “Билимлар беллашуви” ҳамда фан олимпиадаларида муваффақиятли қатнашганлар кўпчиликни ташкил қилади. Уларнинг ҳар бири қалбида улкан эзгу мақсадлар мужассам.

Андижонда ўтказилган “Хайр, мактаб, салом, коллеж!” шиори остидаги тадбирларда ўқитувчилар, ўқувчилар, ота-оналар ва жамоатчилик вакиллари иштирок этди. Таъкидланганидек, вилоятдаги мавжуд 740 та умумтаълим мактабини бу йил 42055 нафар ўғил-қиз тамомлади.

— Мактабда доимо аъло баҳоларга ўқишга ҳаракат қилдим, — дейди Қўрғонтепа туманидаги 2-умумтаълим мактаби битирувчиси Нилуфар Муҳаммедова. — Келгусида шифокор бўлмоқчиман. Андижон тиббиёт коллежида ўқишни давом эттириш ниятидаман.

Омонулла ФАЙЗИЕВ,

Ҳидоят АҲМЕДОВ,

Саминжон ҲУСАНОВ, 

«Халқ сўзи» мухбирлари.

Шомурот ШАРАПОВ 

олган сурат.

 

Кўриш қобилияти чекланганлар учун

A- A A+

Кўп ўқилган