XS.UZ
Ўзбекистон Президенти Туркия Бош вазири ўринбосарини қабул қилди «Баркамол авлод» спорт ўйинлари қатнашчиларига Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида «Йирик саноат корхоналари билан касаначиликни ривожлантириш асосидаги ишлаб чиқариш ва хизматлар ўртасида кооперацияни кенгайтиришни рағбатлантириш чора-тадбирлари тўғрисида»ги 2006 йил Ҳукуматлараро комиссия мажлиси Касаначиликни янада ривожлантириш учун қулай шароитлар яратиш чора-тадбирлари тўғрисида Йилдирим Туғрул Туркеш: мамлакатларимиз ўртасидаги ҳамкорлик мустаҳкамланишидан манфаатдормиз Ёшлик ва нафосат байрами, маҳорат ва камолот кўриги Конституциявий суд фаолияти янада такомиллаштирилади Давлат бюджети ижроси депутатлар томонидан кўриб чиқилмоқда Улкан орзулар остонасида «Ўзбекистон фуқароси бўлиш — улкан шараф» Ўзбек миллий матолари дунё мода саноатидан мустаҳкам ўрин эгалламоқда Адабиётга эътибор —  маънавиятга, келажакка эътибор Ўзбекистон Президенти Бирлашган Араб Амирликлари ташқи ишлар ва халқаро ҳамкорлик вазирини қабул қилди Ташқи ишлар вазирлигида учрашув Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида Қадимий ёзма манбаларни сақлаш, тадқиқ ва тарғиб қилиш тизимини янада такомиллаштириш чора-тадбирлари тўғрисида «The Washington Times»: Ўзбекистондаги диний бағрикенглик бошқа мамлакатлар учун намунадир Сайёр қабуллар самараси Миллатлараро муносабатлар янада мустаҳкамланади «Баркамол авлод — 2017» машъаласи Жиззахга йўл олди Грузия маданияти кунлари Ўзбекистон Президенти Россия ички ишлар вазирини қабул қилди Буюк Британия ва Шимолий Ирландия Бирлашган Қироллиги Бош вазири Тереза Мэй Жаноби Олияларига Владимир Колокольцев: Ўзбекистон ички ишлар тизимида амалга оширилаётган ислоҳотлардан ҳайратдамиз Ички ишлар органлари ёнғин хавфсизлиги бўлинмалари фаолиятини тубдан такомиллаштириш чора-тадбирлари тўғрисида Ҳамкорлик масалалари муҳокама қилинди БМТ халқаро ҳамжамиятни Ўзбекистонда давлат дастурининг амалга оширилиши билан таништирди
  • 17 Май 2017

Илғор ғоялар, амалий таклифлар ва юқори натижалар

Пойтахтимиздаги “Туркистон” саройида Ўзбекистон Республикаси Президенти соврини учун ўтказилаётган “Ташаббус — 2017” кўрик-танловининг республика босқичи иштирокчилари томонидан ишлаб чиқарилаётган маҳсулотлар кўргазмаси очилди.

Анъанавий тарзда ўтказиб келинаётган мазкур кўрик-танлов ўтган вақт мобайнида тадбиркор, фермер ва ҳунармандларнинг чинакам маҳорат майдонига айланди. Чунки ушбу босқичгача етиб келишнинг ўзи катта гап. Бунинг учун ҳар бир ишбилармон, аввало, қандай янгиликларни амалиётга жорий этгани, аҳоли бандлигини таъминлашдаги ташаббускорлиги, экспорт салоҳияти, қисқача айтганда, ўз фаолияти давомида мамлакатимиз тараққиётига қўшаётган ҳиссаси каби талабларга жавоб бериши лозим. 

Галдаги якунловчи босқичда ҳам, худди аввалгиларидек, ана шундай илғор ишбилармонлар жам бўлишди. Улар томонидан намойиш этилаётган маҳсулотлар нафақат турфа хил, балки сифат борасида ҳам бири-биридан қолишмайди.

Дарҳақиқат, мазкур соҳа вакиллари ҳар томонлама қўллаб-қувватланмоқда. Бунинг самараси ўлароқ, айни пайтда саноат маҳсулотларининг учдан бир қисми, қишлоқ хўжалиги маҳсулотларининг 98 фоизи кичик бизнес ва хусусий тадбиркорлик субъектлари томонидан тайёрланмоқда. Иш билан банд аҳолининг 77 фоизи шу соҳада меҳнат қилаяпти. 

Эътиборли жиҳати, жорий йилда ҳудудларда кўрик-танловнинг қуйи босқичлари ҳам ишчан ва кўтаринки руҳда уюштирилди. Яъни 25 апрель санасига қадар республикамизнинг барча туманида танловнинг биринчи босқичи ўтказилиб, унда 7 053 та тадбиркорлик субъекти, 3 майгача давом этган Қорақалпоғистон Республикаси, Тошкент шаҳар ҳамда вилоятлар босқичига эса 576 нафар иштирокчи танлаб олинди. Ниҳоят, улар орасидан 41 нафари кўрик-танловнинг республика босқичида қатнашиш ҳуқуқини қўлга киритди.

Шулардан бири — Хонқа туманидаги масъулияти чекланган жамият шаклидаги “FeedGran” агросаноат комплекси раҳбари Рўзибой Бекметов. Ушбу мажмуада парранда гўшти, тухум етиштирилиши баробарида, чорвачилик, балиқчилик, паррандачилик хўжаликлари учун омихта ем ҳам тайёрланади. Ҳозирги кунда бу ерда 250 минг бош парранда парваришланаётган бўлса, аҳоли дастурхонига йилига 40 миллион дона тухум ва 100 тонна парҳез гўшт етказиб берилаяпти. Бунда, албатта, корхона цехлари Швейцария ҳамда Германиянинг замонавий ускуналари билан жиҳозлангани қўл келаётир.

Жамоада 50 киши меҳнат қилади. Ўтган йили улар, шунингдек, хорижлик буюртмачиларга 577 минг АҚШ долларилик маҳсулот сотишди. Бу йил 2,5 миллион доллар миқдорида экспорт амалиёти рўёбга чиқарилади. Келгусида эса яна 165 минг бош товуқ боқишга мўлжалланган 3 та цех барпо этилиб, маҳсулотнинг 75 фоизи чет эллик харидорларга юборилади.  

— Юртимизда биз, қишлоқ мулкдорларига яратиб берилаётган шарт-шароитлар ва имкониятлардан беҳад мамнунмиз, — дейди Китоб туманидаги “Viget-Impeks” фермер хўжалиги раҳбари Усмон Тошев. — Бунга жавобан дастлаб фаолиятимизни узумчиликдан бошлаган бўлсак, кейинчалик боғдорчиликни йўлга қўйдик, полиз маҳсулотлари, кўкатлар етиштиришни ўзлаштирдик. Айниқса, маҳсулотларни замонавий совиткичларда сақлаб, хориж бозорларига чиқараётганимиз ишимизга йил сайин барака киритаяпти. 

Кўргазмада намойиш этилаётган ҳунармандчилик буюмлари ҳам барчада катта таассурот қолдирмоқда. Уларни томоша қилган киши ўзбек усталари меҳнатига қойил қолиши баробарида, миллий анъана ва қадриятларимиз янги қирралари пайдо бўлаётганининг гувоҳига айланади.  

— Ёшлигимдан ёғочсозликнинг сир-синоатини пухта ўрганишга қизиққанман, — дейди зангиоталик уста Камолиддин Раҳматиллаев. — Бу касбни эгаллаганимдан сўнг кўплаб йирик мажмуаларни қуриш ва таъмирлашда қатнашдим. Мақсадим — ўзбек ҳунармандчилиги шуҳратини бутун дунёга ёйишга ҳисса қўшиш. 

Кўрик-танловнинг республика босқичи ғолиб ва совриндорларини тақдирлаш маросими 22 май куни “Туркистон” саройида бўлиб ўтади. 

Дилшод УЛУҒМУРОДОВ,

«Халқ сўзи» мухбири.

 

Кўриш қобилияти чекланганлар учун

A- A A+

Кўп ўқилган