XS.UZ
Асрларга татигулик улкан лойиҳалар Таълим тизимидаги янгиланишлар: Барча саъй-ҳаракатлар фарзандларимиз бахту саодати учун Зиёрат туризми жадал ривожланади «Озод юрт тўлқинлари» Ўн бир миллион долларлик экспорт амалиёти Рағбат ва ишонч масъулияти Ёшлар ўзларига муносиб иш топди Ўзбекистон Республикаси Олий Мажлиси Сенати ўн биринчи ялпи мажлисининг очилиши тўғрисида “Foreign Affairs” Марказий Осиёдаги янги жўшқин сиёсий жараён тўғрисида Электрлаштирилган йўлнинг афзаллиги нимада?  Янгиланаётган тафаккур жозибалари Одамийликнинг олий мезони Китобхон истаги, услубий янгиланиш, тарғибот мутолаа маданиятини оширишда муҳим омил бўлмоқда Юрт манфаатини ўйлаган инсон Ташаббус кўрсатганга имконият кенг Ўзбекистон Республикаси Олий Мажлиси Сенати ўн биринчи ялпи мажлисининг очилиши тўғрисида Россиялик шифокорлар Хоразмда Сув тўққиз босқичда фильтрланади Кутилганидан ҳам зиёд кўрсаткич Мева-сабзавот маҳсулотлари экспорт қилинмоқда Бунёдкорлик ва эзгу анъаналар ифодаси Шири ШИРИЕВ: «Туркманистон билан Ўзбекистон ўртасидаги дўстлик, яхши қўшничилик ва ҳамкорлик ҳар қачонгидан ҳам мустаҳкам» Халқни рози қилиш, турмуш фаровонлигини ошириш мамлакатимизда олиб борилаётган ислоҳотлардан кўзланган асосий мақсаддир Экологик барқарорликни таъминлаш — ҳаётий зарурат Аҳолига янада замонавий шароитлар яратиш бугунги кун талаби Ўзбекистон матбуот ва ахборот агентлиги фаолиятини янада такомиллаштириш тўғрисида Долзарб қонун лойиҳаларида фракция позицияси ифодаланди  Одамлар тиббий хизматдан мамнун бўлсин Ўзбекистон Республикаси Олий Мажлиси Сенати кенгашининг мажлиси тўғрисида ахборот «Тақдирим, келажагим Ватан билан муштарак»
  • 04 Май 2017

Тезкор фаолият, юксак масъулият

Бугунги глобаллашув ҳамда тезкор даврда оммавий ахборот воситаларининг ўрни қандай бўлиши керак? Дунёда рўй бераётган воқеа-ҳодисалар юртимиз оммавий ахборот воситаларида қай тарзда ёритилмоқда? Журналистларимизнинг фаол фуқаролик позициясини шакллантиришда қандай чора-тадбирлар амалга оширилаяпти?

Бу саволларга 3 май — Жаҳон матбуот эркинлиги куни муносабати билан пойтахтимиздаги “Туркистон” саройида “Олтин қалам” XII Миллий мукофоти учун эълон қилинган халқаро танлов ғолиб ва совриндорларини тақдирлашга бағишланган тантанали маросимда жавоб берилди, десак, муболаға эмас. 

Зеро, сенаторлар, депутатлар, турли вазирлик ҳамда идоралар, жамоат ва халқаро ташкилотлар, юртимизда фаолият юритаётган дипломатик корпус вакиллари, оммавий ахборот воситалари ходимлари, профессор-ўқитувчилар ҳамда талаба-ёшлар қатнашган тадбирда таъкидланганидек, Президентимиз Шавкат Мирзиёев раҳнамолигида халқимизнинг орзу-умидларига кўмакдош бўлиш, жамият ҳаётида кечаётган ислоҳотларни янги, юқори босқичга олиб чиқиш борасида амалга оширилаётган ишлар оммавий ахборот воситалари ходимларидан тезкорлик ва ҳаққонийлик баробарида, воқеликка чуқур танқидий-таҳлилий ёндашувни талаб қилмоқда. 

Давлатимиз раҳбари ташаббуси билан ишлаб чиқилган 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида ҳам ахборот соҳасини ислоҳ қилиш, ахборот ҳамда сўз эркинлигини таъминлаш борасида муҳим вазифалар белгилаб берилди.  

Хўш, ушбу вазифаларни адо этишда оммавий ахборот воситалари вакиллари нималарга эътибор қаратишмоқда? Очиғи, танқидий-таҳлилий мушоҳада кўникмасини шакллантириш жараёни ҳаёт талабларидан орқада қолаётганидан кўз юмиб бўлмайди. Булар, аввало, журналистларнинг фаоллигини кучайтириш, касбий маҳоратларини юксалтириш юзасидан ихтисослаштириш жараёнларини ягона дастур асосида тизимли равишда амалга оширишни тақозо қилади. 

Ҳар бир қаламкаш қалбида юрт истиқболи, халқ дарду ташвиши билан ёниш ҳисси жўш уриши керак. Бу борада “Олтин қалам” Миллий  мукофоти учун  халқаро танловининг алоҳида ўрни бор. У демократик янгиланишлар жараёнини жадаллаштириш, ахборот эркинлигини мустаҳкамлаш, оммавий ахборот воситаларини янада либераллаштириш, журналистларда танқидий-таҳлилий мушоҳада ва ижодий фаолиятга янгича ёндашувларни кучайтириш, соҳа ходимлари фаолиятини қўллаб-қувватлаш ҳамда рағбатлантиришга қаратилган саъй-ҳаракатларнинг амалдаги ифодаси бўлиб келмоқда. 

Эътибор беринг: агар 2006 йили ўтказилган “Олтин қалам” I Миллий мукофоти учун халқаро танловида ғолиблар 13 та (3 та асосий ва 10 та рағбатлантирувчи) номинация бўйича аниқланган бўлса, жорий йилги XII миллий мукофот учун танловда 17 та (битта бош, 12 та асосий ва 4 та рағбатлантирувчи) мукофот таъсис этилган. Бу йил илк бор “Оммавий ахборот воситаларида китобхонлик маданияти тарғиб қилинган энг яхши материал учун” ва “Чет эллик журналистнинг Ўзбекистон ҳақидаги энг яхши материали учун” номинациялари бўйича ҳам рағбатлантирувчи мукофотлар жорий этилди.  

Кейинги пайтларда кўплаб хорижий мамлакатларнинг юртимиздаги ваколатхоналари ҳам танловда қатнашиш истагини билдираяпти. Улар сафига бу йил Хитой Халқ Республикасининг мамлакатимиздаги элчихонаси ҳам қўшилди. Жорий йилда икки давлат ўртасидаги дипломатик алоқалар ўрнатилганига 25 йил тўлиши муносабати билан элчихона “Олтин қалам” XII Миллий мукофоти халқаро танловида учта номинация бўйича юртимиз ижодкорларини рағбатлантирди. Шундай қилиб, БМТ, ЮНЕСКО каби 9 та халқаро ҳамкорнинг 13 номинация бўйича мукофотлари ҳам топширилди.

Ўзбекистон Мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди ҳамда Ўзбекистон Касаба уюшмалари Федерацияси Кенгаши ҳам танловда иккитадан тўртта мукофот билан иштирок этди. Қисқача айтганда, танлов якунида жами 34 нафар журналистнинг ижодий ишлари муносиб тақдирланди.

“Олтин қалам” ХII Миллий мукофоти учун халқаро танловда Бош миллий мукофот соҳиби, телевидение, радио, босма оммавий ахборот воситалари ва интернет-журналистика йўналишлари бўйича ғолиблар, шунингдек, рағбатлантирувчи мукофотлар эгалари аниқланди.

Танловнинг Бош миллий мукофотини қўлга киритган “Тафаккур” журнали ижодий жамоаси махсус диплом, “Олтин қалам” кўкрак нишони, статуэткаси ва мамлакатимизда белгиланган энг кам иш ҳақининг 200 баробари миқдоридаги пул мукофоти билан тақдирланди.

Санъат усталари ҳамда ижрочи ёшлар иштирокида концерт намойиш этилди.

Тадбирда Ўзбекистон Республикаси Бош вазирининг ўринбосари, Ўзбекистон Хотин-қизлар қўмитаси раиси Т. Нарбаева сўзга чиқди.

Мақсуд ЖОНИХОНОВ,

«Халқ сўзи» мухбири.

 

Кўриш қобилияти чекланганлар учун

A- A A+

Кўп ўқилган