Баҳорнинг бебаҳо туҳфаси
  • 18 Апрель 2017

Баҳорнинг бебаҳо туҳфаси

Табиат дармондориларидан айни “илигузилди” пайтида тўйиб тановул қилинса, киши организми қиш давомида йўқотган қувватни тезда тиклайди. Шунинг учун ҳам Абу Али ибн Сино баҳорни инсон умрининг энг яхши ва шифобахш фасли, деб таърифлаган.

Кўкламда севиб истеъмол қилинадиган наботот турларидан бири исмалоқдир. Хусусан, унинг таркибида С, В1, В3, В6, РР, К, Е дармондорилари билан бирга, темир, йод, фосфор, калий, кальций, магний каби маъданлар мавжуд.

Халқ табобатида камқонлик, томоқ, ўпка ва юқори нафас йўллари ҳамда асаб касалликларини даволашда исмалоқ баргидан тайёрланган дамламадан фойдаланилади. Бундан ташқари, у саратон касаллигининг ривожланишини секинлаштириб, камқонлик ва атеросклерозда яхши наф беради. Бунда даволаш муолажасини 3 ой, зарур ҳолларда эса 4 ойгача (орада 10 кунлик танаффуслар билан) давом эттириш мақсадга мувофиқ. Исмалоқ дамламасига 20 томчи дўлананинг спирти тиндирмаси қўшиб ичилса, самараси янада ортади.

Исмалоқ дамламасини тайёрлаш жуда осон. Бунинг учун 1 ош қошиқ ўсимлик барги қиймаси устига 200 миллилитр қайноқ сув қуйиб, 10 дақиқа мобайнида қайнатилади-да, 1 соат тиндириб қўйилади. Сўнгра у докада сузиб олинади. 

Мирзамир МИРЗАШАРИПОВ,

доришунос.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn