Шошилинч тиббий ёрдам хизмати такомиллаштирилмоқда
XS.UZ
Президент қарори:“Мард ўғлон” давлат мукофоти таъсис этилди Меҳнат вазирлиги ҳамда Кичик ва ўрта бизнес конвергент ассоциациялари Уюшмаси (Корея) ўртасида меморандум имзоланди Тошкент – Сеул: Кореялик ишбилармонлардан интервью (Видео) Ўзбекистонда “Hyundai” автомобиллари ишлаб чиқарилади Ўзбекистон ва Корея Республикаси ўртасида қиймати 12,3 миллиард АҚШ долларидан зиёд бўлган 75 та ҳужжат “Evergreen Holdings” (Корея) Ўзбекистонда цемент заводи қурилиши учун 300 миллион доллар сармоя киритади “Ўзбекенгилсаноат” Корея билан 30 миллион долларлик 7 инвестицион лойиҳа имзоламоқчи Конституциямиз ҳақида қўшиқ куйланди Ўзбекистонда 12 та университет, 28 та мактаб ва лицейда корейс тили фан сифатида ўқитилади Ўзбекистон – Корея: мустаҳкам дўстликка асосланган, стратегик ҳамкорлик (инфографика) Кореянинг “Chung Hospital” шифохонаси билан ҳамкорликда Ўзбекистонда тиббий муассаса қурилади Ўзбекистон ва Корея Республикаси ўртасидаги савдо-иқтисодий ҳамкорлик  Ўзбекистон Республикаси ва Корея Республикаси ўртасидаги сиёсий ҳамкорлик нималарда ўз ифодасини топган? “Тонг бокиралиги ўлкаси” ҳақида биз билган ва билмаган маълумотлар Олий Мажлис Сенати АҚШ Конгресси делегацияси билан учрашди Мирзиёевнинг Кореяга ташрифини ёритиш учун Сеулда матбуот маркази ташкил этилди Абдулазиз Комилов АҚШ Конгрессининг Вакиллар палатаси аъзолари гуруҳи билан учрашди "ТС-АПТEКА" автоматлашган ахборот тизими яратилди Бош прокуратуранинг Олий ўқув курслари ҳамда Корея қонунчилик тадқиқоти институти ўртасида меморандум имзоланди Тижорат банклари томонидан кам таъминланган оилаларни қўллаб-қувватлашга имтиёзли кредитлар ажратилмоқда Ўзбекистон — Германия: савдо-иқтисодий ва сармоявий ҳамкорлик ривожланмоқда Депутатликка  номзодлар  рўйхатга олинди «Ўзбекистон фуқаросиман!» Қурилиш материаллари саноати ва манфаатли алоқалар Коммунал соҳа: хизмат сифати яхшиланмоқда Фермерлик ҳаракати: истиқболи амалиёт, муаммо ва ечимлар. Халқ қабулхонаси: ҳар бир мурожаат ортида инсон тақдири бор Юридик ёрдам кафолатланган Эзгу ғоялар, ёрқин таассуротлар Ҳуқуқбузарликларнинг барвақт олдини олишда  маҳалла фаолларининг ролини ошириш — давр талаби
  • 18 Март 2017

Шошилинч тиббий ёрдам хизмати такомиллаштирилмоқда

Аҳоли сиҳат-саломатлигини мустаҳкамлаш, ҳар томонлама соғлом ва баркамол авлодни вояга етказиш, халқимиз фаровонлиги, турмуш даражасини юксалтириш учун зарур шарт-шароит яратишга қаратилаётган юксак эътибор ҳамда ғамхўрлик юртдошларимизнинг ҳаётдан рози бўлиб умргузаронлик қилишида, эртанги кунга ишончи янада ортишида муҳим ўрин тутмоқда.

Дарҳақиқат, бугун мамлакатимизда аҳолига сифатли тиббий хизмат кўрсатиш тизимини янада такомиллаштириш, халқимизни дори-дармон воситалари ва тиббиёт буюмлари билан таъминлаш, аҳолининг эҳтиёжманд тоифаларига ижтимоий хизматлар кўрсатиш борасида кенг кўламли ишлар амалга оширилаётир. Аммо тизимда шундай муаммо ҳамда масалалар борки, у аниқ чора-тадбирлар кўришни тақозо этади.

Шу боис давлатимиз раҳбари қайси ҳудудга бормасин, албатта, соғлиқни сақлаш тизимидаги муаммоларни чуқур таҳлил қилиб, уларни бартараф этиш юзасидан бажари-лаётган ишлар самарадорлиги, раҳбарлар масъулияти ва шахсий жавобгарлиги хусусида атрофлича тўхталиб ўтади. Мавжуд ҳаётий муаммоларга ечим топиш, тизимни янада -такомиллаштириш бўйича тегишли кўрсатмалар беради. Жумладан, шошилинч тиббиёт соҳасидаги меъёрий-ҳуқуқий ҳужжатларни такомиллаштириш, моддий-техника базасини мустаҳкамлаш, илмий ишланмаларни ривожлантириш, малакали кадрлар, дори -воситалари, тиббий ускуналар, ихтисослаштирилган автотранспорт ҳамда алоқа воситалари билан таъминланиш даражасини яхшилаш долзарб масала бўлиб келаётган эди.

Президентимиз Шавкат Мирзиёевнинг кеча матбуотда эълон қилинган “Шошилинч тиббий ёрдамни янада такомиллаштириш чора-тадбирлари тўғрисида”ги Фармони бу борадаги масалаларнинг амалий ечимига эришишга қаратилган муҳим ҳужжат бўлди. Чунки мазкур Фармон тизимни сифат жиҳатидан янги босқичга кўтариш, шошилинч тиббий ёрдам соҳасидаги илмий тадқиқотлар кўламини кенгайтириш ва бу борада халқаро ҳамкорликни чуқурлаштиришга хизмат қилиши билан аҳамиятлидир.

Айтиш жоизки, Фармон билан Республика шошилинч тиббий ёрдам илмий марказининг асосий вазифалари ҳамда фаолият кўлами анча кенгайтирилиб, масъулияти янада оширилди. Чунончи, унда белгиланганидек, 2017 йилнинг 1 июлигача ягона маълумотлар базаси ва маълумотларни узатиш тармоғини яратган ҳолда, тез тиббий ёрдам бригадаларининг фаолиятини тезкор бошқариш ҳамда мувофиқлаштирилишини таъминловчи Марказ ва унинг ҳудудий филиалларининг мувофиқлаштирувчи-диспетчерлик хизматлари ташкил этилади. 2019 йилнинг 1 январидан бошлаб Ички ишлар вазирлиги, Ўзбекистон Республикаси Фавқулодда вазиятлар вазирлиги ҳамда “Ўзтрансгаз” акциядорлик компанияси билан ўзаро ҳамкорликда фаолият юритувчи мувофиқлаштирувчи-диспетчерлик хизматлари жорий қилинади.

Тошкент вилояти кўп тармоқли тиббиёт маркази базасида Республика шошилинч тиббий ёрдам илмий марказининг Тошкент вилояти филиали ташкил этилиши яна бир эътиборли жиҳатдир. 

1 апрелдан бошлаб эса Тошкент шаҳар соғлиқни сақлаш бош бошқармаси тез тиббий ёрдам станцияси унинг туманлардаги кичик станциялари билан бирга, Республика шошилинч тиббий ёрдам илмий марказига берилади. Бу янгиликларнинг барчаси шошилинч тиббий ёрдам кўрсатиш соҳасида фан ва илмий тадқиқотлар ривожланишининг устувор йўналишларини шакллантириш, шифокорлар ҳамда ўрта тиббиёт ходимларини қайта тайёрлаш ва малакасини ошириш, шошилинч ҳолатларда диагностика ҳамда даволашнинг янги усулларини ишлаб чиқиш, ривожлантириш ва амалиётга татбиқ этиш имкониятларини янада кенгайтиришга хизмат қилади. Бу эса даволаш жараёнининг сифат ҳамда самарадорлигини ошириб, стационар даволаш муддатлари ва сарф-харажатларининг кескин камайишига олиб келади.

Тиббиёт тизимидаги ислоҳотларни таъминлаш, унинг ҳуқуқий базасини такомиллаштириш, одамларни амалга оширилаётган ишлар юзасидан хабардор қилишда халқ вакилларининг ҳам алоҳида ўрни борлигини инобатга оладиган бўлсак, мазкур жараёнда парламент ҳамда депутатлик назорати институтидан самарали фойдаланиш ҳам ўзининг амалий натижасини кўрсатади. Зеро, аҳоли саломатлиги, инсон манфаатлари, халқимиз фаровонлигини таъминлаш устувор йўналишлардан бири бўлиб, бу борадаги чора-тадбирлар Халқ билан мулоқот ва инсон манфаатлари йилида янада изчил, янада самарали татбиқ этилиши айни муддаодир.

Одилжон ТОЖИЕВ,

Ўзбекистон Республикаси Олий Мажлиси 

Қонунчилик палатаси депутати.

 

 

 

СЎНГГИ ЯНГИЛИКЛАР