XS.UZ
Маҳаллий экспорт қилувчи ташкилотларни янада қўллаб-қувватлаш ва ташқи иқтисодий фаолиятни такомиллаштириш чора-тадбирлари тўғрисида Кўп томонлама ҳамкорлик истиқболлари Истиқлол саодати ва шукрона Кичик бизнес салоҳияти рақобатдош маҳсулотлар ишлаб чиқаришда яққол намоён бўлмоқда ЎзХДП қатъий позициясини белгилаб олди Тадбиркорларни қўллаб-қувватлаш қамрови янада кенгаяди Ўзбекистонлик ишбилармонлар Швейцарияда Оқибати аянчли иллат Хусусий сектор ривожига сармоялар Молиявий саводхонлик нима? Яхши ниятлар, эзгу амаллар Фарҳодбек — жаҳон чемпиони Спортда мухлисларни қувонтирадиган натижалар бўлади Олдини олган афзал Ипак саноатининг довруғи қачон тикланади? Ўзбекистон Республикаси Вазирлар Маҳкамаси ҳузуридаги Ўзбекистон Республикасининг фан ва техника, адабиёт, санъат ва меъморчилик соҳасидаги Давлат Рамазон ҳайитини нишонлаш тўғрисида Ўзбекистон Республикаси аҳолисига 2017 — 2021 йилларда ихтисослаштирилган тиббий ёрдам кўрсатишни янада ривожлантириш чора-тадбирлари тўғрисида Инсон манфаатларини таъминлаш — асосий мақсад Ўзбекистон Республикаси Вазирлар Маҳкамаси ҳузуридаги Ўзбекистонга оид хориждаги маданий бойликларни тадқиқ этиш марказини ташкил этиш тўғрисида Тадбиркорлар ҳуқуқларини ҳимоя қилишда муҳим босқич Сиёсий мулоқотларнинг амалий натижалари Суд тизими янгиланишлари соҳадаги хато ва камчиликларни бартараф этишга хизмат қилади Юқори малакали кадрлар Бизнеснинг қонуний манфаатлари давлат томонидан муҳофаза қилиниши ва тадбиркорлик фаолиятини янада ривожлантириш тизимини тубдан такомиллаштиришга доир Мурожаатлар ислоҳотларнинг жойлардаги натижаларини кўрсатади Оилавий тадбиркорлик нега оқсамоқда? Тинч-осуда ҳаётимизни асрашнинг муҳим мезони Маҳаллийлаштириш ва инвестициявий муҳит самараси Сенаторлар Ҳаракатлар стратегияси ижросида фаол иштирок этмоқда
  • 19 Январь 2017

Cоғлом авлод — келажак пойдевори

Фарзандлар камолотига юксак  эътибор, ғамхўрлик кўрсатиш фаровон ҳаёт асосини қуришдек хайрли ишга қиёсланади. Бинобарин, бу масала давлатимиз сиёсатининг энг устувор йўналишларидан бирига айланган. 

Истиқлол йилларида юртимизда спортни ривожлантириш йўлида олиб борилаётган изчил саъй-ҳаракатлар замирида ҳам ана шу эзгу мақсадлар мужассам. Зеро, эртамиз эгаларини маънан ва жисмонан етук инсонлар сифатида вояга етказишда ушбу соҳанинг ўрни ҳамда аҳамияти бениҳоя катта.

Масалан, Бухоро шаҳридаги “Нафис” спорт мажмуасида 240 нафардан зиёд нафосат соҳибалари бадиий гимнастика билан шуғулланади. Бу ерда машғулотларни юқори савияда ўтказиш учун барча шароит яратилган. Малакали мураббийлар ёшларга спорт -сирларини ўргатмоқда. 

— Қизим Саидабону бу спорт турига жуда қизиқади, — дейди шофирконлик Ҳусния Икромова. — Буни вақтида пайқаб, уни туманимиздаги гимнастика марказига олиб борганим худди кечагидек эсимда. Ўшанда эндигина беш ёшга кирганди. Кейинчалик интилишлари маъқул тушиб, устозлари уни вилоятимиз марказидаги “Нафис” спорт мажмуасига олиб боришни  маслаҳат беришди. Бу ерда Саидабону таниқли мутахассис, Ўзбекистон Республикасида хизмат кўрсатган мураббий Римма Хохлова қўли остида машғулотлар ўтказа бошлади.

Ҳусниябону Fуломова, Сарвина Холиқова, Замира Санақулова сингари тажрибали, номдор гимнастикачилар билан ёнма-ён туриб маҳоратини ошириш иқтидорли қиз учун чинакам сабоқ вазифасини ўтади. Бу спортчилардан у жуда кўп нарсани ўрганди. Ўзи ҳам турнирларда қатнаша бошлади. Тошкент, Самарқанд, Навоий шаҳарларида бўлиб ўтган мусобақаларда яхши натижаларга эришди.

Наманганда ёшлар ўртасида ташкил этилган биринчиликда бир йўла учта совринли ўринни қўлга киритди. Интилиши, иштиёқи билан мутахассислар назарига тушди. Ўзбекистон Болалар спортини ривожлантириш жамғармаси ҳамда Рейн гимнастика федерацияси ҳамкорлигида Германияда уюштирилган маҳорат сабоқларида тажриба оширди. Спорт устаси унвонига сазовор бўлди. 

Оддий қишлоқ қизи эришган ютуқлар мазмунида ёшларнинг спорт билан шуғулланишлари учун давлатимиз томонидан яратилган  имконият ва қулайликлар мужассам, албатта. Ҳозир вилоятда ўндан зиёд бадиий гимнастика маркази фаолият кўрсатмоқда. Шу кунга қадар мазкур спорт тури бўйича республика ва Осиё миқёсидаги 200 дан зиёд мусобақаларда бухоролик қизлар ғолиблар сафидан ўрин олди.

— Илгари 5-сон ихтисослаштирилган болалар ва ўсмирлар олимпия захиралари спорт мактаби мақомида эдик, — дейди маскан раҳбари Азиз Содиқов. — Вазирлар Маҳкамасининг 2015 йил 11 декабрдаги қарорига кўра, у гимнастика бўйича ихтисослаштирилган болалар ва ўсмирлар спорт мактаби сифатида қайта ташкил қилинди. Вилоят “Нафис” спорт мажмуаси  мактабимиз ихтиёрига берилган. Бино ўқув машғулотлари ҳамда мусобақалар ўтказишга мўлжалланган иккита зал, балет зали, ечиниш, ювиниш, спорт анжомлари, дам олиш хоналарини ўз ичига олган. 12 нафар мураббий қизларга бадиий гимнастика сирларини ўргатиб келмоқда. 

Сабоқлар, машаққатли машғулотлар зое кетаётгани йўқ. Бугунги кунда бадиий гимнастика мухлисларига шу мактаб тарбияланувчилари Ҳусниябону Fуломова, Сарвина Холиқова, Ситора Исматова, Гулноза Алиеванинг номлари яхши таниш. Республика, Осиё, жаҳон миқёсидаги мусобақаларда совриндорлар қаторидан ўрин олган бу қизлар Зулфия номидаги Давлат мукофоти билан тақдирланган. Халқаро тоифадаги спортчи Замира Санақуловага 2014 йилда “Ўзбекистон Республикасида хизмат кўрсатган спортчи” унвони берилди. “Умид ниҳоллари”, “Баркамол авлод” спорт мусобақаларида ҳам қизлар вилоят шарафини муносиб ҳимоя қилишаётир. Умуман, 2012 — 2016 йиллар давомида мактаб тарбияланувчилари спорт мусобақаларида жами 658 та медални қўлга -киритди.

Бухоролик гимнастикачилар эришаётган ютуқлар  давлатимиз эътиборида. Чунончи, 2018 йилда вилоятда гимнастика спорт турларига ихтисослаштирилган олий спорт маҳорати мактаби қурилиши бунинг яна бир исботидир.

 

Истам ИБРОҲИМОВ,

«Халқ сўзи» мухбири.

Кўриш қобилияти чекланганлар учун

A- A A+

Кўп ўқилган