Гиёҳлардан турли маҳсулотлар тайёрланмоқда
  • 05 Январь 2017

Гиёҳлардан турли маҳсулотлар тайёрланмоқда

Кармана туманилик тадбиркор Жумагул Ражабова доривор гиёҳлар тайёрлаш мақсадида “Al-Aziz-Avitsenna” хусусий корхонасига асос солган эди. Яқинда бу ерда яна бир истиқболли лойиҳа рўёбга чиқарилди.

Натижада корхона ёнида “Karmana Al-Aziz-Avitsenna” масъулияти чекланган жамияти ташкил этилиб, наъматак меваси, тирноқгул, далачой ўти, майда гулли тоғ райҳони сингари шифобахш ўсимликлардан дамламалар тайёрлаш йўлга қўйилди. Шу мақсадда Хитой давлатидан замонавий технологиялар харид қилинди. Энергия тежамкор дастгоҳлар йилига шу турдаги 414 минг қути маҳсулот ишлаб чиқариш қувватига эга. 

—  Яқин келажакда фаолиятимизни янада кенгайтириб, турли қиёмлар, экстрактлар, спиртли эритма, йод ва бошқа дори воситалари ишлаб чиқаришни режалаштирганмиз, — дейди МЧЖ ижрочи директори Шоҳруҳ Шаропов. — Шу мақсадда хитойлик ишбилармонлар билан умумий қиймати 100 минг АҚШ долларига тенг шартнома имзоладик.

Азамат ЗАРИПОВ,

«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn