XS.UZ
Фанлар академияси фаолияти, илмий-тадқиқот ишларини ташкил этиш, бошқариш ва молиялаштиришни янада такомиллаштириш чора-тадбирлари тўғрисида Соғлом авлод — давлат ва жамият таянчи Аҳоли билан мулоқот ва амалий тажриба «Профилактика куни» тадбирлари бошланди Қулай инвестиция муҳити иқтисодиётимиз юксалишига хизмат қилмоқда «Олтин қалам»: Ижодий изланиш ва рағбат Тадбиркорларга янги имтиёз ва имкониятлар Журналистика соҳасида «Олтин қалам» XII Миллий мукофоти Маданият ва спорт соҳасида бошқарув тизимини янада такомиллаштириш чора-тадбирлари тўғрисида Ободлик ва фаровонлик кўзгуси Омбудсман 2016 йилдаги фаолияти тўғрисидаги ахборотни депутатларга тақдим этди Ҳуқуқий тарғиботни амалга оширишнинг муҳим босқичи Дўстлик ва ҳамжиҳатлик тараннуми Мурожаатларга оид амалий қўлланма Йўл хўжалигини бошқариш тизимини янада такомиллаштириш чора-тадбирлари тўғрисида Ўзбекистон Президенти Россия Ҳукумати раисининг ўринбосарини қабул қилди Ҳукуматлараро комиссия мажлиси Устувор вазифалар белгилаб олинди Қишлоқ хўжалигини модернизациялаш Таълим-тарбия соҳасига янгича ёндашув — барқарор тараққиёт гарови Алломалар меросига юксак эҳтиром Ижодий ҳамкорлик ва  маданий учрашувлар Яхши сўз, хайрли ташаббус Туркманистон Президенти билан телефон орқали мулоқот Туркманистон Президенти билан телефон орқали мулоқот Имом Термизий халқаро илмий-тадқиқот марказини ташкил этиш чора-тадбирлари тўғрисида Улуғ шоирга эҳтиром Боқий қадриятлар эъзози «Бундай юксак ишончни, албатта, оқлаймиз!» Қонун ҳужжатларини тарқатиш тизимини тубдан такомиллаштириш — давр талаби
  • 19 Ноябрь 2016

Фан ва ишлаб чиқариш интеграцияси фармацевтика соҳаси ривожида муҳим омил бўлмоқда

Пойтахтимизда “Таълим, фан ва ишлаб чиқаришда фармациянинг долзарб муаммолари” мавзуида илмий-амалий анжуман ўтказилди.

Ўзбекистон Республикаси Соғлиқни сақлаш вазирлиги ҳамда Тошкент врачлар малакасини ошириш институти ҳамкорлигида уюштирилган ушбу тадбирда АҚШ, Жанубий Корея, Япония, Россия каби давлатларнинг етакчи олимлари, тегишли вазирлик ҳамда идоралар вакиллари, олий таълим муассасалари профессор-ўқитувчилари, фармакология соҳаси мутахассислари, талаба-ёшлар иштирок этди.

Юртимизда фармацевтика саноати йилдан-йилга ривожланиб бораётгани, бунда соҳанинг давлат томонидан ҳар томонлама қўллаб-қувватланаётгани муҳим аҳамият касб этаётгани алоҳида таъкидланди. 

— Фармацевтика соҳасида таълим, фан ва ишлаб чиқаришни уйғунлаштириш долзарб ҳисобланади, — дейди Тошкент фармацевтика институти илмий-тадқиқот ва илмий-педагог кадрларни тайёрлаш бўлими бошлиғи Нодира Фармонова. — Ушбу анъанавий тадбирда бу борадаги мавжуд имкониятлар, соҳадаги янгиликлар, ҳамкорликни ривожлантириш масалалари ҳақида атрофлича сўз юритилди. Кадрлар тайёрлаш ва улар салоҳиятини юксалтириш тўғрисида фикр-мулоҳазалар билдирилди. Айтиш жоизки, ҳозирги пайтга қадар институтнинг йигирма нафарга яқин ходимлари, шунингдек, кўплаб талабалар бир қатор хорижий давлатларда малака оширишди. Бу борадаги алоқаларни янада мустаҳкамлаш, ўзаро тажриба алмашиш имконини кенгайтиришда эса мана бундай мулоқотларнинг ўрни беқиёс. 

Тадбирда қайд этилганидек, Тошкент фармацевтика ва Тошкент врачлар малакасини ошириш институтлари етук мутахассисларни тайёрлаш ҳамда уларнинг интилишларини рағбатлантиришда фаоллик кўрсатиб келаяпти. Муҳими, ушбу муассасаларда назария ва амалиёт уйғунлиги таъминланаётгани ўз самараларини бераётир. 

— Юртингизда тиббиёт соҳасида олиб борилаётган ислоҳотлар, айниқса, оналар ва болалар саломатлигини мустаҳкамлашга доимий эътибор қаратилаётгани таҳсинга лойиқ, — дейди Жанубий Кореянинг Чунгбук Миллий университети профессори Ёнг Мун Ли. — Тиббиёт марказлари замонавий технологиялар билан жиҳозланган. Жумладан, тегишли ҳуқуқий ҳужжатлар билан дори воситаларининг сифати, хавфсизлиги ҳамда самарадорлиги, фармацевтика фаолияти устидан давлат назорати амалга оширилиши диққатимни тортди. Бу инсон саломатлиги йўлидаги эзгу ишлардан биридир. Мамлакатингизга ташрифимиз бу борадаги ҳамкорликни янада кенгайтириш, ўзбекистонлик ҳамкасбларимиз билан ўзаро фикр ва тажриба алмашиш учун яхши имконият яратади.

Анжуманда фармацевтиканинг долзарб муаммолари, таълим, фан ҳамда ишлаб чиқариш интеграцияси, фундаментал ва амалий тадқиқотлар ютуқларини иқтисодиётнинг реал секторига татбиқ этишга кўмаклашиш, янги дори воситалари яратишга доир мавзуларда маърузалар тингланди.

Икки кун давом этган тадбир доирасида қатнашчилар юртимизнинг диққатга сазовор жойларида бўлиб, у ерда амалга оширилаётган улкан ободончилик ва бунёдкорлик ишлари билан ҳам яқиндан танишдилар. 

 

Раҳим ШЕРҚУЛОВ.

Кўриш қобилияти чекланганлар учун

A- A A+

Кўп ўқилган