XS.UZ
Ўзбекистон Республикаси Президенти Қозоғистон Республикаси мудофаа вазирини қабул қилди Ўзбекистон давлат санъат ва маданият институтининг Фарғона минтақавий филиалини ташкил этиш тўғрисида Тадбиркорлик фаолиятини ривожлантиришни қўллаб-қувватлаш давлат жамғармасини ташкил этиш тўғрисида Одамлар ички ишлар органининг ҳар бир ходимида ўз ҳимоячисини кўриши керак Мудофаа вазирлигида учрашув «Кейинги бекат»да ҳаёт манзаралари Бу муқаддас Ватанда азиздир инсон Инновация имкониятлари кенгаяди Ҳамкорликни мустаҳкамлаш зарур Ички туризм истиқболлари Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини келгусида амалга ошириш Қонунчилик палатасининг навбатдаги мажлиси бўлиб ўтди Ижод аҳлига юксак эътибор Мусиқий таълимда ўзибўларчиликка йўл қўйиб бўлмайди Болалик олами Биринчи Президентимизнинг эл-юртимиз равнақи йўлидаги буюк тарихий хизматлари ҳеч қачон унутилмайди Бағрикенглик — тинчлик ва тараққиёт асоси Судьяларга холис баҳо берилади Қаҳрамонлар — орамизда «Ўз билимим билан ўқишга кирдим» Маданият ва санъат ташкилотлари, ижодий уюшмалар ва оммавий ахборот воситалари фаолиятини янада ривожлантириш, соҳа ходимлари меҳнатини
  • 02 Август 2017

Энг малакали шифокорлар — ҳудудларда

Республика Соғлиқни сақлаш вазирлиги ҳамда “Ўзбекистон темир йўллари” акциядорлик компанияси ҳамкорлигида “Саломатлик” поезди ташкил этилиб, унга ихтисослаштирилган марказлар директорлари бошчилигида ўнга яқин тор доирадаги мутахассислар жалб қилинди. Мазкур гуруҳлар таркиби мамлакатимизда фаолият кўрсатаётган тиббиёт марказлари, илмий текшириш институтлари, республика клиник шифохоналарининг етакчи олимлари, тиббиёт фанлари докторлари ва юқори малакали соҳа вакилларидан иборат.

“Саломатлик” поезди 25 — 29 июль кунлари Навоий вилоятида бўлди. Шифокорлар воҳанинг барча туман ҳамда шаҳарларида аҳолини тиббий кўрикдан ўтказиб, уларга зарур тиббий ёрдам кўрсатдилар.

— Ҳар бир бемор, хусусан, тўшакда ётиб қолган қариялар ҳолидан хабар олдик, — дейди Республика Онкология ва радиология ихтисослаштирилган илмий-тадқиқот тиббий маркази директори  Мирзағолиб Тиллашайхов. — Беш кун мобайнида вилоят аҳлидан 2770 нафарини, жумладан, 1153 аёл, 753 бола ва Иккинчи жаҳон урушининг 51 нафар иштирокчисини чуқурлаштирилган тиббий кўрикдан ўтказдик. Касаллик аниқланган беморларга вилоят ва республика тасарруфидаги даволаш-профилактика муассасалари ҳамда ихтисослаштирилган марказларга йўлланмалар берилди.

— Туманимизга шифокорлар келибди, деган хабарнинг ўзи менга анча қувват бағишлади, — дейди Қизилтепа туманидаги ўойибон маҳалласида истиқомат қилувчи Ислом Файзиев. — Беш йилдан бери бўғин касалликлари безовта қилади. Тиббий кўрикда Республика марказида саломатлигимни тиклашим учун йўлланма беришди. Насиб этса, даволаниб қайтгач, энг улуғ, энг азиз байрамимизни оилам бағрида хурсандчиликда кутиб оламан.

Давлатимиз раҳбари таъкидлаганидек, инсон саломатлик билан боғлиқ масалаларга деярли ҳар куни рўбарў келиб, унга кўрсатилаётган тиббий хизматдан кўнгли тўлса, жамиятдан, давлатдан рози бўлади. Хуш кайфиятда меҳнат қилади. Ўқиб, билим олади. “Соғ танда — соғлом ақл” иборасида айни ҳикмат мужассам. 

Шу боис мамлакатимизда жорий йил бошидан буён соғлиқни сақлаш тизимида туб ислоҳотлар амалга оширилиб, Президентимизнинг “Ўзбекистон Республикаси аҳолисига 2017 — 2021 йилларда ихтисослаштирилган тиббий ёрдам кўрсатишни янада ривожлантириш чора-тадбирлари тўғрисида”ги қарори қабул қилинди. Мазкур ва бошқа дастурий ҳужжатларда белгиланган вазифалар изчиллик билан ҳаётга татбиқ этилиши натижасида дастлабки самаралар кўзга ташланмоқда. Хусусан, қишлоқ врачлик пунктлари оптималлаштирилиб, оилавий поликлиникалар фаолияти йўлга қўйилиши чекка ҳудудлар шифохоналарининг жарроҳ, педиатр, акушер-гинеколог, стоматолог каби мутахассислар билан таъминланишига йўл очди. Муассасаларнинг шунга мос жиҳозланиши эса қишлоқ аҳлига кўрсатилаётган тиббий хизмат сифатини ошириб, тиббий кўрик ва консультация учун туман марказий поликлиникасига мурожаат қилиш ташвишларига барҳам бермоқда. Албатта, мазкур поликлиникалар ходимлари тажриба ва кўникмаларини юксалтириш — доимий жараён. “Саломатлик” поездининг  етакчи тиббий олим ва мутахассислари ушбу қишлоқ оилавий поликлиникалари шифокорларига кўмаклашдилар.

— Соҳа вакиллари учун ўтказилган маҳорат дарсларида тиббий хизмат самарадорлигига эътибор қаратилди, — дейди вилоят соғлиқни сақлаш бошқармаси шифокори Нажмиддин Шодиев. —  Шунингдек, жарроҳлик амалиёти  ҳамда тез тиббий ёрдамда бирламчи ташхис борасидаги сабоқлар ниҳоятда фойдали бўлди.

Аҳолини тиббий кўрикдан ўтказишга қаратилган бундай эзгу тадбирлар Бухоро вилоятида ҳам уюшқоқлик билан ташкил қилинди. 

Темур  ЭШБОЕВ,

«Халқ сўзи» мухбири.

 

Мазкур рукиндаги бошқа мақолалар: « Талаб қилишга ҳақлисиз

Кўриш қобилияти чекланганлар учун

A- A A+

Кўп ўқилган