XS.UZ
Янги даврни бошлаб берган тарихий ташриф Самимий қутлов Ўзбекистон Президентининг БМТ Бош Ассамблеяси 72-сессиясидаги нутқи жаҳон оммавий ахборот воситалари нигоҳида Аграр соҳа ривожида муҳим босқич Депутатлар инсон манфаатларини таъминлашга қаратилган қонун лойиҳаларини кўриб чиқдилар Халқ билан мулоқотнинг ноёб тизими Фракцияларда долзарб қонун лойиҳалари кўриб чиқилди Ислом дини бизни эзгулик ва тинчликка, асл инсоний фазилатларни асраб-авайлашга даъват этади Замонавий қурилмалар ва интерактив хизматлар Ҳаракатлар стратегияси: дастлабки натижалар халқимиз ҳаётида намоён бўлмоқда Жаҳон жамоатчилиги Ўзбекистонда кечаётган ўзгаришларни юксак баҳоламоқда Россия Федерацияси делегацияси Самарқандда Тиббий-илмий янгиликлар ва истиқбол Мурожаатлар ижроси бўйича батафсил ахборот берилди Келажак тараққиётимизнинг муҳим омили Тинчлик — энг улуғ неъмат Биохилмахилликни асраш Илғор тажрибалар оммалаштирилаяпти Ҳарбий спортчилар: «Муваффақиятларимиз — жонажон Ватанимизга чексиз меҳр-муҳаббатимиз ифодаси» Вакилларимизнинг муносиб иштироки Яна бир нуфузли мусобақа Маърифат чароғбони Ўзбекистон Республикаси Президентининг АҚШга ташрифи самарали бўлди Ўзбекистон — АҚШ бизнес форуми Россия Федерацияси делегацияси ташрифи Ўзбекистон — дунё нигоҳида Тараққиёт ва фаровонлик йўлида Орол фожиаси — глобал муаммо Бюрократик тўсиқлар барҳам топмоқда Яхши қўшничилик ва мустаҳкам дўстлик ифодаси
  • 12 Май 2017

Тиббий техникаларга замонавий хизмат учун энди хорижга бориш шарт эмас

Мамлакатимизда соғлиқни сақлаш соҳасини замон талаблари даражасида ривожлантириш вазифаси давлат сиёсати даражасига кўтарилган. Шу асосда бирламчи тиббиёт муассасалари, айниқса, қишлоқ врачлик пунктлари, оилавий поликлиникалар, патронаж хизмати, тез тиббий ёрдам тизими фаолиятини, аҳолини дори-дармон воситалари ва тиббиёт буюмлари билан таъминлаш ишларини яхшилаш, пировардида халқимизнинг тиббий хизматдан рози бўлишига эришиш борасида кенг кўламли саъй-ҳаракатлар олиб борилмоқда.

Мазкур соҳада яна бир долзарб масала бор эдики, у ҳам бўлса, хориждан келтирилган тиббий техника воситаларига хизмат кўрсатиш, уларда бирор нуқсон туғилса, таъмирлаш имконияти шу вақтгача бизда мавжуд эмасди. Бундай ҳолат вужудга келганда турган-битгани ташвиш бўларди: чет элдан мутахассис чақир, унга валютада пул тўла, қош-қовоғига қара, мабодо техника тузалмаса, хорижга олиб бор... Бундай мураккаб жараён соҳа ходимларини ҳам доимо ўйлантирарди. Эндиликда мазкур масала ҳам босқичма-босқич ечимини топаяпти.

Гап шундаки, Соғлиқни сақлаш вазирлиги қошида Республика тиббиёт асбоб-ускуналарига хизмат кўрсатиш ва ўқув маркази фаолият бошлади. Бу жуда катта янгилик. Кеча пойтахтимизда ушбу марказнинг тантанали очилиш маросими ўтказилди.

Шу муносабат билан ташкил этилган тадбирда вазирлик мутасаддилари, ихтисослаштирилган ҳамда илмий-амалий тиббиёт марказлари раҳбарлари, хорижлик -экспертлар, юртимизда аккредитациядан ўтган дипломатик корпус ва халқаро ташкилотлар вакиллари, оммавий ахборот воситалари ходимлари қатнашди.

Таъкидланганидек, кейинги пайтларда тиббиёт соҳасини янада такомиллаштириш, даволашнинг замонавий технология ҳамда усулларини амалиётга изчил жорий этиш, тизимдаги ходимлар малакасини юксалтириш юзасидан бир қанча ишлар амалга оширилмоқда. Янги марказнинг фойдаланишга топширилиши ҳам соҳадаги модернизация жараёнининг узвий қисмидир.

Марказ шинам бинода жойлашган. Бу ерда тиббий асбоб-ускуналарни замонавий ташхислаш ва калибрлаш, ўқитиш манбалари, умуман олганда, барча керакли техника воситаси мавжуд. Унинг раҳбари О. Дўстмуҳаммедов бизга қуйидагиларни гапириб -берди:

— Ҳақиқатан ҳам, республикамизда тиббиёт анжомларини таъмирлаш, хизмат кўрсатиш ҳамда мазкур йўналишда малакали мутахассисларни тайёрлаш муаммо эди. Бу масалани ҳал қилиш мақсадида Соғлиқни сақлаш вазирлиги билан Германиянинг халқаро ҳамкорлик ташкилоти (GIZ) иштирокида “Ўзбекистонда юқори технологик асбоб-ускуналардан фойдаланишда тиббий ва техник ходимларнинг малакасини ошириш” лойиҳаси ҳаётга татбиқ этилди. Унинг доирасида марказ фаолияти йўлга қўйилди. Бу ерда тиббий асбоб-ускуналарни таъмирлаш, хизмат кўрсатиш тизимини янада такомиллаштириш, шу билан бирга, уларнинг “тилини” яхши тушунадиган мутахассисларни тайёрлаш асосий мақсад сифатида белгиланган. Малака ошириш курсларида хориждан етук, катта тажрибага эга олимлар, муҳандислар ҳам таклиф қилинади. Ўқув дастурлари Соғлиқни сақлаш вазирлиги ҳамда Тошкент врачлар малакасини ошириш институти билан келишилган ҳолда ишлаб чиқилмоқда.

Омонулла ФАЙЗИЕВ,

«Халқ сўзи» мухбири.

Кўриш қобилияти чекланганлар учун

A- A A+

Кўп ўқилган