47 та тиббиёт институти ичида биринчи
  • 29 Апрель 2017

47 та тиббиёт институти ичида биринчи

Яқинда Россия Федерациясининг Ростов-Дон шаҳрида “Болалар хирургияси, анестезиология ва реаниматологиясининг долзарб масалалари” мавзуида XXIV Россия талабалар илмий конференцияси бўлиб ўтди.

Унда Россия Федерацияси, Ўзбекистон, Қозоғистон ҳамда Қирғизистон давлатларидаги 47 та тиббиёт олий таълим муассасасидан талабалар иштирок этди.

Жумладан, тадбирда қатнашган Самарқанд давлат тиббиёт институти жамоаси вакиллари болалар хирургиясининг долзарб масалалари бўйича маърузалар қилди. -Уларнинг чиқишлари юксак эътироф этилиб, олтин медаль ва I даражали диплом билан тақдирланди.

— Маърузаларнинг илмий етуклигини дунёга таниқли олимлардан иборат ҳакамлар ҳайъати баҳолаб борди, — дейди институт илмий ишлар бўйича проректори Шуҳрат Юсупов. — Мутахассислар Самарқанд давлат тиббиёт институти талаба ёшлари илмий тўгараги ижодий фаолиятига ҳам юқори баҳо бердилар.

Мамадиёр ЗИЁДИНОВ,

«Халқ сўзи» мухбири.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn