Гўзаллик ва нафосат уйғунлиги
XS.UZ
Президент қарори:“Мард ўғлон” давлат мукофоти таъсис этилди Меҳнат вазирлиги ҳамда Кичик ва ўрта бизнес конвергент ассоциациялари Уюшмаси (Корея) ўртасида меморандум имзоланди Тошкент – Сеул: Кореялик ишбилармонлардан интервью (Видео) Ўзбекистонда “Hyundai” автомобиллари ишлаб чиқарилади Ўзбекистон ва Корея Республикаси ўртасида қиймати 12,3 миллиард АҚШ долларидан зиёд бўлган 75 та ҳужжат “Evergreen Holdings” (Корея) Ўзбекистонда цемент заводи қурилиши учун 300 миллион доллар сармоя киритади “Ўзбекенгилсаноат” Корея билан 30 миллион долларлик 7 инвестицион лойиҳа имзоламоқчи Конституциямиз ҳақида қўшиқ куйланди Ўзбекистонда 12 та университет, 28 та мактаб ва лицейда корейс тили фан сифатида ўқитилади Ўзбекистон – Корея: мустаҳкам дўстликка асосланган, стратегик ҳамкорлик (инфографика) Кореянинг “Chung Hospital” шифохонаси билан ҳамкорликда Ўзбекистонда тиббий муассаса қурилади Ўзбекистон ва Корея Республикаси ўртасидаги савдо-иқтисодий ҳамкорлик  Ўзбекистон Республикаси ва Корея Республикаси ўртасидаги сиёсий ҳамкорлик нималарда ўз ифодасини топган? “Тонг бокиралиги ўлкаси” ҳақида биз билган ва билмаган маълумотлар Олий Мажлис Сенати АҚШ Конгресси делегацияси билан учрашди Мирзиёевнинг Кореяга ташрифини ёритиш учун Сеулда матбуот маркази ташкил этилди Абдулазиз Комилов АҚШ Конгрессининг Вакиллар палатаси аъзолари гуруҳи билан учрашди "ТС-АПТEКА" автоматлашган ахборот тизими яратилди Бош прокуратуранинг Олий ўқув курслари ҳамда Корея қонунчилик тадқиқоти институти ўртасида меморандум имзоланди Тижорат банклари томонидан кам таъминланган оилаларни қўллаб-қувватлашга имтиёзли кредитлар ажратилмоқда Ўзбекистон — Германия: савдо-иқтисодий ва сармоявий ҳамкорлик ривожланмоқда Депутатликка  номзодлар  рўйхатга олинди «Ўзбекистон фуқаросиман!» Қурилиш материаллари саноати ва манфаатли алоқалар Коммунал соҳа: хизмат сифати яхшиланмоқда Фермерлик ҳаракати: истиқболи амалиёт, муаммо ва ечимлар. Халқ қабулхонаси: ҳар бир мурожаат ортида инсон тақдири бор Юридик ёрдам кафолатланган Эзгу ғоялар, ёрқин таассуротлар Ҳуқуқбузарликларнинг барвақт олдини олишда  маҳалла фаолларининг ролини ошириш — давр талаби
  • 20 Апрель 2017

Гўзаллик ва нафосат уйғунлиги

Пойтахтимизда ёш бадиий гимнастикачиларнинг анъанавий “Happy Caravan” халқаро турнири бўлиб ўтди.

Ҳар баҳорда юртимизда бадиий гимнастика бўйича нуфузли халқаро турнирларни ўтказиш яхши анъанага айланганини ушбу нафис, жозибали спорт турининг гўзаллик ва нафосат фаслига уйғунлиги билан боғлаш мумкин. Кўкламни қанчалик интиқ бўлиб кутсак, бадиий гимнастикага ошуфта кўнгиллар ҳам ана шу баҳсларни доимо ўзгача ҳаяжон ила қарши олишади. Кеча пойтахтимиздаги Гимнастика бўйича болалар-ўсмирлар ихтисослаштирилган республика олимпия захираси спорт мактаби саройида якунига етган анъанавий “Happy Caravan” халқаро турниридаги ўзига хос байрамона муҳит мисолида бу жиҳат яна бир карра ёрқин ифодасини топди.

Ўзбекистон Республикаси Жисмоний тарбия ва спорт давлат қўмитаси, Миллий олимпия қўмитаси, Гимнастика федерацияси, Халқаро гимнастика федерацияси билан ҳамкорликда ташкил этилган икки кунлик мусобақада Ўзбекистон, -Россия, Қозоғистон, Латвия, Эстония, Исроил, Норвегия, Беларусь каби давлатлардан 60 нафардан зиёд гимнастикачилар ғолиблик учун беллашди.

Халқаро турнирнинг ёпилиш маросимида таъкидланганидек, юртимизда спортни, айниқса, болалар спортини ривожлантиришга жуда катта эътибор қаратилмоқда. Шу мақсадда шаҳару қишлоқларимизда замонавий спорт иншоотлари қурилиб, соғлом турмуш тарзини оммалаштириш бўйича қатор чора-тадбирлар олиб борилаяпти. Ўз навбатида, замонавий спорт инфратузилмасининг мавжудлиги йирик халқаро мусобақаларга мезбонлик қилиш имконини бермоқда. Хусусан, бадиий гимнастика бўйича Жаҳон кубоги босқичи, Осиё чемпионати, “Happy Caravan” халқаро турнирлари юксак савияда ўтказиб -келинаяпти. 

Мамлакатимизнинг барча вилоятида гимнастика билан шуғулланиш учун халқаро талабларга жавоб берадиган марказлар ташкил этилгани туфайли янгидан-янги иқтидорлар кашф қилинаётир. Улар турли беллашувларда маҳоратларини ошириб, терма жамоаларимиз эришаётган ютуқларга муносиб ҳисса қўшмоқда.

Президентимиз Шавкат Мирзиёевнинг 2016 йил 7 ноябрдаги “Ўзбекистон Республикасида спортнинг гимнастика турларини янада ривожлантириш чора-тадбирлари тўғрисида”ги ҳамда Ўзбекистон Республикаси Вазирлар Маҳкамасининг 2016 йил 18 ноябрдаги “Гимнастика бўйича болалар-ўсмирлар ихтисослаштирилган республика олимпия захираси спорт мактаби фаолиятини ташкил этиш чора-тадбирлари тўғрисида”ги қарорлари гимнастиканинг барча турини кенг оммалаштиришда дастуриламал вазифасини ўтаяпти.

“Happy Caravan” халқаро турнирида иштирокчилар гуруҳ ва яккалик баҳсларида қатнашди. Мусобақанинг яккалик чиқишларида Ўзбекистон шарафини Дилдора Раҳматова, Нуринисо Усмонова, Тахмина Икромова, Хуршида Абдурауфова, Севинч Турдиева, Наргиза Жуманиёзова, Диёра Бурҳонхўжаева, Лола Зокирова, Фарзона Усмонова каби қизларимиз ҳимоя қилган бўлса, гуруҳ беллашувларида Шаҳризода Арзиматова, Екатерина Фетисова, Шаҳризода Қаюмова, Динора -Иззатуллаева, Сунажон Сотимбоева, Анастасия Тихоновадан иборат жамоамиз қатнашди.

— Мусобақага пухта тайёргарлик кўрилибди. Бунинг учун ташкилотчилардан миннатдормиз, — дейди латвиялик спортчи Эрика Богданова. — “Happy Caravan” халқаро турнири йирик мусобақалар учун маҳорат мактаби вазифасини ўтаб беради. Дастуримни тақдим этганимда, томошабинлар олқишлар билан қарши олишди. Бундан жуда қувондим. Юртингизда бадиий гимнастика билан шуғулланиш учун яратилган шарт-шароитлар бизда алоҳида ҳавас уйғотди. Баҳсларга мезбонлик қилган Гимнастика бўйича болалар-ўсмирлар ихтисослаштирилган республика олимпия захираси спорт мактаби, унинг ажойиб спорт саройи мисолида бунга гувоҳ бўлдик. Қисқача айтганда, бу ердан барчамиз олам-олам таассуротлар билан қайтаяпмиз.

Шу ўринда натижалар хусусида қисқача маълумот бериб ўтсак. Мусобақанинг жамоавий кўп кураш бўйича беллашувида Ўзбекистон терма жамоаси аъзолари Диёра Бурҳонхўжаева ҳалқада 15,05 балл, Тахмина Икромова тўпда 15,15 балл, булавада 14,35 балл, Севинч Турдиева тасмада 14,15 балл тўплади. Шу тариқа 58,7 баллга эга бўлган терма жамоамиз шоҳсупанинг учинчи поғонасидан жой олди.

“Happy Caravan” халқаро турнири ниҳоясига етди. Аммо спорт байрами давом этади. Гап шундаки, 21 — 23 апрель кунлари Тошкент бадиий гимнастика бўйича Жаҳон кубоги босқичига мезбонлик қилади. 

Омонулла ФАЙЗИЕВ,

«Халқ сўзи» мухбири.

Ҳасан ПАЙДОЕВ олган сурат.

 

СЎНГГИ ЯНГИЛИКЛАР