Садриддиннинг навбатдаги олтини
  • 05 Апрель 2017

Садриддиннинг навбатдаги олтини

Истеъдодли спортчимиз Садриддин Сайматов каратэ бўйича жаҳон премьер-лигасининг учинчи босқичида ҳам муваффақиятга эришди.

Мазкур нуфузли мусобақа беш босқичдан иборат бўлиб, баҳсларга Париж, Роттердам, Дубай, Работ ва Лейпциг шаҳарлари мезбонлик қилади. Бу босқичлар спортчилар учун 2020 йилги Олимпиада ўйинларига рейтинг очколарини бериши билан муҳим саналади.

Садриддин жорий йилнинг январида Франция, март ойида Голландияда ўтказилган биринчи ҳамда иккинчи босқичларда олтин медалга сазовор бўлганди. Бирлашган Араб Амирликларида ўтказилган навбатдаги босқичда ҳам у ўз вазн тоифасида тенгсиз эканини исботлади. Кумитэ беллашувларида иштирок этган ҳамюртимиз Грузия, Эрон, Швеция, Россия, Италия ва Туркия вакилларини мағлубиятга учратиб, шоҳсупанинг энг юқори поғонасига кўтарилди.

Ш. ОРТИҚОВ тайёрлади.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn