XS.UZ
Ўзбекистон — Қозоғистон: азалий дўстлик ва стратегик шерикликка асосланган ҳамкорликнинг янги босқичи Спортчи қизларга — Президент совғалари Қозоғистонда Ўзбекистон саноатининг салоҳияти намойиш этилди Маҳаллийлаштириш: Имконият ва истиқбол Асосий мақсад — таълим сифати ва самарадорлигини ошириш Битирувчиларга имтиёзли кредитлар Ёшлар ўртасида ҳуқуқбузарликларнинг олди олинмоқда Сен борсан — мен борман, биз бормиз, Ватан... Меҳр-оқибат ва эзгулик айёми Буюк алломага эҳтиром Замонавий корпоратив бошқарув усуллари бизнесни самарали ташкил этиш гаровидир Ўзбекистон Республикаси Президенти Шавкат Мирзиёев Жаноби Олийларига Фаровон ҳаёт, шоду хуррамлик ва укроналик Хорижлик дипломатлар Ўзбекистон халқини Наврўз байрами билан қутладилар Ўзбекистон Республикаси Олий Мажлиси Сенати Кенгашининг мажлиси тўғрисида ахборот Ҳамжиҳатлик, бағрикенглик ва эзгулик ифодаси Журналистлик фаолияти истиқболи ва қонунчилик Ҳамкорлик учун қулай марказ «Қучоқ очиб халқ ичига борайлик...» Ўзбекистон халқига Наврўз табриги Бахтли-саодатли халқимизнинг энг қадимий ва файзли байрами Ўзбекистон ва Россия Президентлари бир-бирларини қутладилар Ўзбекистон ва Ҳиндистон Президентлари бир-бирларини қутладилар Ерик Утембаев: тинчлик, бирдамлик ва эзгулик айёми МДҲда энг бахтли мамлакат «Бу дамки эсиб насими наврўз...» Меҳр-мурувват ва ҳамжиҳатлик тимсоли Янги корхона иш бошлади Таъсис конференциялари ўтказилмоқда Қонун ижодкорлиги ва назорат-таҳлил фаолияти депутатлар диққат марказида
  • 08 Март 2017

Сарвиноз Қурбонбоева — халқаро гроссмейстер

ФИДЕ томонидан истеъдодли шахматчимиз, Гулистон давлат университети талабаси, Зулфия номидаги Давлат мукофоти, “Ўзбекистон белгиси” кўкрак нишони соҳибаси Сарвиноз Қурбонбоевага халқаро гроссмейстер унвони берилди. Бу ажойиб хушхабар 8 март — Халқаро хотин-қизлар куни байрамига ўзига хос туҳфа бўлди.

Албатта, ҳеч бир ютуқ ўз-ўзидан келмайди. Унинг замирида давлат эътибори, яратилаётган шарт-шароитлар ва машаққатли меҳнат ётади. Шу маънода айтганда, мамлакатимизда ёшларни ҳар томонлама баркамол этиб тарбиялаш, улар ўртасида спортни, хусусан, шахматни ривожлантириш йўлида амалга оширилаётган кенг кўламли ислоҳотлар натижасида ҳудудларда “ақл гимнастикаси” тобора оммалашиб, янгидан-янги иқтидорлар кашф этилмоқда. 

Боёвут туманининг чекка бир қишлоғида туғилиб вояга етган Сарвиноз ҳам юксак қобилиятга эга, интилувчан ёшлардан биридир. Унинг шахматда ҳозиргача эришган муваффақиятларига ҳар қанча ҳавас қилса, арзийди. Жумладан, Сарвиноз ушбу спорт туридаги илк муҳим ютуғини 2003 йилда, Ўзбекистон чемпионатида қўлга киритган. Кейинчалик мазкур анъанани давом эттириб, мамлакат биринчиликларида кўп карра ғолиблик нашидасини сурди. Уч босқичли спорт ўйинларининг ҳар бир босқичида қатнашган ва унинг жамғармасида “Баркамол авлод” ҳамда Универсиада мусобақалари медаллари бор. Истеъдодли шахматчи қиз қатор халқаро турнирлар, Осиё чемпионатлари совриндори ҳисобланади. 2016 йилда Бирлашган Араб Амирликларининг Абу-Даби шаҳрида ташкил этилган “Осиё миллатлар кубоги”да мамлакатимиз терма жамоаси сафида кумуш медаль билан тақдирланди. Шунингдек, Филиппин ва Ҳиндистонда ўтказилган мусобақаларда ҳам юқори натижа кўрсатди.

Сарвиноз Қурбонбоева Халқаро шахмат федерацияси томонидан бериладиган халқаро гроссмейстер унвонининг сўнгги, яъни учинчи нормаси талабларини 2016 йили Озарбайжонда бўлиб ўтган Бутунжаҳон шахмат олимпиадасида бажарганди.

ФИДЕ эътирофи мамлакатимиз хотин-қизларининг маҳорати жаҳон миқёсида ҳам юксак баҳоланаётганининг яна бир ёрқин ифодаси бўлиб, бу, шубҳасиз, Сарвинозни янгидан-янги марралар сари руҳлантиради. 

Аҳмадали ШЕРНАЗАРОВ,

«Халқ сўзи» мухбири.

 

Кўриш қобилияти чекланганлар учун

A- A A+

Кўп ўқилган