Совриндорлар сафидан жой олди
  • 28 Февраль 2017

Совриндорлар сафидан жой олди

Россияда бокс бўйича ёшлар ўртасида ўтказилган халқаро турнирда умидли спортчимиз Иброҳим Норматов совриндорлар сафидан жой олди.

У вазни 91 килограммдан оғир бўлган боксчилар ўртасида бронза медаль билан тақдирланди. 

Таэквондочиларимиз муваффақияти

Бирлашган Араб Амирликларида таэквондо (WTF) бўйича ўтказилган халқаро турнирда Ўзбекистон терма жамоаси аъзолари 3 та олтин, 5 та кумуш ва 8 та бронза медални қўлга киритди.

Нуфузли мусобақа дастуридан ўрин олган кадетлар ўртасидаги беллашувларда ҳамюртларимиз Амирбек Тўраев, Азизбек Раҳмонбердиев ва Даниил Ким ғолибликка эришди. Яна бир вакилимиз Жавоҳир Холмуродов эса иккинчи поғонани банд этди.

Ўсмирлар ўртасидаги баҳсларда Зуҳра Очилова кумуш, Ислом Йўлдошeв, Динора Мухторова ва Феруза Содиқова бронза медаллари билан тақдирланди.

Катталар ўртасида Никита Рафалович, Шуҳрат Салаев, Нигора Турсунқулова иккинчи, Валентин Хегай, Максим Рафалович, Темур Ўролов, Мафтуна Эргашeва ҳамда Свeтлана Осипова учинчи ўринни эгаллади.

 

Икки йўналишда ғолиб

Теннис бўйича Қозоғистонда ташкил этилган халқаро турнирда ҳамюртимиз Ясмина Каримжонова икки йўналиш — яккалик ва жуфтлик баҳсларида бош совринга сазовор бўлди.

Истеъдодли теннисчимиз яккаликлар мусобақаси финалида мезбон спортчи Дарья -Детковскаяни 6:3, 6:4 ҳисобида мағлубиятга учратди.

Жуфтликлар ўртасида кечган ҳал қилувчи учрашувда эса Ясмина қозоғистонлик Дарья  Детковская билан биргаликда Ирина Бабкова ҳамда Мая Горбунова (Россия) тандемидан 6:3, 6:4 ҳисобида устун келди.

 

 

Фазлиддин АБИЛОВ 

тайёрлади.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn