Камолот пойдевори
XS.UZ
Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини
  • 22 Октябрь 2016

Камолот пойдевори

Бразилиянинг Рио-де-Жанейро шаҳрида ўтказилган Олимпия ва Паралимпия ўйинларида юртдошларимиз эришган юксак натижалар мамлакатимизда спорт жадал равнақ топаётганининг ёрқин исботи бўлди. Бу ғалабалар, ўз навбатида, йигит-қизларимизнинг эрта ёшданоқ жойлардаги болалар ва ўсмирлар спорт мактабларида олган маҳорат сабоқлари самараси, десак, айни ҳақиқат. 

2002 йил 24 октябрда ташкил этилган Ўзбекистон Болалар спортини ривожлантириш жамғармаси кўмагида мазкур масканлар имкониятлари йилдан-йилга кенгайиб бораётир. Хусусан, келажагимиз эгаларининг жисмоний етуклик машғулотлари билан фаол шуғулланишлари учун муносиб шарт-шароитлар яратилмоқда.

Бўлажак чемпионларни тарбиялаётган шундай муассасалардан бири — Чортоқ болалар ва ўсмирлар спорт мактабидир. Бу ерда 1414 нафар ўқувчи спортнинг 12 йўналиши бўйича ўз маҳоратини ошираяпти.

Икки йил аввал янги мактаб ва махсус иншоотлар қурилишига жамғарма томонидан 1 миллиард 865 миллион сўм йўналтирилди. 

Футбол, волейбол, баскетбол тўплари, гимнастика ашёлари, турли оғирликдаги тошлар, кураш манежи, бокс анжомлари ҳамда теннис ракетка ва тўрларидан иборат жами 59,7 миллион сўмлик жиҳозлар келтирилди.

— Ҳозирги кунда жаҳон талаблари даражасидаги мажмуада 26 нафар мураббий машғулотлар олиб бормоқда, — дейди мактаб директорининг ўқув ишлари бўйича ўринбосари Садриддин Бойхонов. — Аксарият устозлар спорт усталари ва спорт усталигига номзодлар саналишади. Янги ўқув йилидан бошлаб жамоамиз сафига олий таълим даргоҳини битириб келган Нуриддинхўжа Сотиболдиев, Шоҳсанам Шохўжаева, Нигора Бегматова сингари ёш мутахассислар қўшилди. Маълумки, ўз йўналиши бўйича бой тажрибага эга бўлган устоздан сабоқ олган шогирд маҳорат сирларини тез ўзлаштиради. Жорий йилнинг ўзида ўқувчиларимиз республика чемпионати ва биринчилигида 3 та олтин, 5 та кумуш ва 2 та бронза медални қўлга киритишди.

Спортда ўзига ишонган, иродаси бақувват инсоннинг омади чопади. Чортоқлик мураббийлар шогирдларини ана шу жиҳатдан тоблашга ҳаракат қилишаяпти. Шу йилнинг баҳорида Фарғона шаҳрида баскетбол бўйича аёллар ўртасида ўтказилган Ўзбекистон чемпионатида биринчи ўринни эгаллаган Моҳларой Алихонова, спортнинг мазкур тури бўйича Навоий шаҳрида ташкил этилган мамлакат кубоги мусобақаларида олтин медаль соҳиби бўлган Шоҳруҳ Абдуллаев майдондаги дадиллиги, устозлар сабоғига амал қилганликларини исботлашди.

Маълумки, бадиий гимнастика қизларнинг энг севимли машғулотига айланиб бормоқда. Мактабга спортнинг ушбу тури бўйича икки нафар мураббий жалб этилган. Айни чоғда 117 нафар қиз нафосат машғулотларида қатнашаяпти. Ота-оналарнинг аксарияти тажрибали мураббий Мунаввар Пўлатова сабоқлари натижасидан мамнун. Унинг шогирдлари орасида нуфузли мусобақалар иштирокчилари кўпайиб бораётир. Масалан, яқинда “Соғлом она ва бола йили” Давлат дастури доирасида Тўрақўрғон шаҳрида ўтказилган вилоят биринчилигида мураббийнинг саккиз нафар шогирди қатнашди ва Шодия Абдуғафурова ҳамда Шаҳзода Олимжонова фахрли ўринларни эгаллаб, вилоят терма жамоаси сафига киритилди. Яна олти нафар тарбияланувчи эса мамлакатимиз пойтахтида уюштирилган “Шарқ эртаги” деб номланган Ўзбекистон чемпионати баҳсларида учинчи ўрин соҳиби бўлди.

Мактаб тарбияланувчилари спортнинг бошқа кўплаб турлари бўйича ҳам юксак марраларни эгаллашаяпти. Юқорида келтирилган мисоллар ана шундай муваффақиятлардан айримлари, холос. Айтиш лозимки, бу сингари муассасаларда камол топаётган иқтидорли ёшларнинг интилишлари келажакда самарасини бериб, халқаро майдонларда ўз салоҳиятини кўрсатаётган фарзандларимиз сафи янада кенгаяди. Улар ғалабаси шарафига байроғимиз баланд кўтарилаверади.

Қудратилла НАЖМИДДИНОВ,

«Халқ сўзи» мухбири.