Жаҳоннинг таниқли дзюдочилари Тошкентда беллашмоқда
XS.UZ
Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини
  • 08 Октябрь 2016

Жаҳоннинг таниқли дзюдочилари Тошкентда беллашмоқда

Айни кунларда пойтахтимиз яна бир йирик спорт анжуманига мезбонлик қилаяпти. “Ўзбекистон” спорт мажмуасида дзюдо бўйича Гран-при туркумига кирувчи халқаро турнир бўлиб ўтмоқда. Ўзбекистон Республикаси Маданият ва спорт ишлари вазирлиги, Миллий олимпия қўмитаси, мамлакатимиз дзюдо федерацияси, Халқаро дзюдо федерацияси (IJF), қатор вазирлик ҳамда ташкилотлар ҳамкорлигида ташкил этилган мусобақада йигирмага яқин давлатдан 135 спортчи ўн тўрт вазн тоифасида совринли ўринлар учун курашаётир.

Айтиш жоизки, Гран-при туркумига кирувчи турнир Халқаро дзюдо федерацияси тақвимидан ўрин олган йирик мусобақа ҳисобланади. Ушбу ташкилот юртимизда мазкур спорт турини ривожлантиришга қаратилаётган доимий эътибор, ўзбек дзюдо мактаби нуфузи ва вакилларимизнинг халқаро майдонда эришаётган юқори натижалари, шунингдек, республикамизнинг спорт анжуманларини ўтказиш борасидаги бой тажрибасини инобатга олиб, 2013 — 2016 йиллардаги Гран-при мусобақасига мезбонлик қилиш ҳуқуқини Тошкент шаҳрига берганди. 

Байрамона безатилган спорт мажмуаси нуфузли меҳмонлар, мураббийлар, спортчилар ҳамда мухлислар билан гавжум. Чорлов садолари остида майдонга мусобақа иштирокчилари кириб келади.

Ўзбекистон Республикаси Давлат мадҳияси янграйди.

Тадбирда юртимизда Биринчи Президентимиз Ислом Каримов раҳнамолигида ёш авлодни баркамол этиб тарбиялаш, Ватанимиз шаънини янада юксалтиришнинг муҳим омили бўлган спортни ривожлантириш умуммиллий ҳаракатга айлангани, шаҳар ва қишлоқларимизда замон талабларига жавоб берадиган спорт иншоотлари сони йилдан-йилга кўпайиб, уларда маҳоратини ошираётган ўғил-қизларимиз сафи кенгайиб бораётгани таъкидланди.

Мустақиллик йилларида дзюдочиларимиз Олимпиада ва Осиё ўйинлари, қитъа ҳамда жаҳон чемпионатлари ва бошқа халқаро турнирларда мунтазам совринли ўринларни қўлга киритиб келишаётир. Хусусан, II ўсмирлар Олимпиадасида ёш полвонимиз Суҳроб Турсунов бронза ҳамда олтин медалларга сазовор бўлгани, Жанубий Кореянинг Инчеон шаҳрида ўтказилган XVII Осиё ўйинларида Ўзбекистон дзюдочилари жамоавий баҳсларда кучли учликдан жой олгани, жорий йилда Рио-де-Жанейро шаҳри мезбонлик қилган XXXI ёзги Олимпиада ўйинларида Ришод Собиров ва Диёрбек Ўрозбоев бронза медаллар билан тақдирлангани фикримиз тасдиғидир.

Вакилларимизнинг Гран-при турниридаги иштироки ҳам эътиборга молик. Масалан, 2013 йилги мусобақада дзюдочиларимиз умумжамоа ҳисобида биринчи ўринни эгаллаган. 2014 йилда битта олтин, иккита кумуш ҳамда учта бронза, 2015 йилги беллашувларда эса биттадан олтин ва кумуш, тўртта бронза медалга сазовор бўлишган.

Бу йилги турнирда Ватанимиз шарафини 56 нафар дзюдочимиз ҳимоя қилмоқда. Улар орасида тажрибали ҳамда ёш спортчилар бор.

Гран-при мусобақасининг дастлабки кунида эркаклар ўртасида 60, 66, хотин-қизлар ўртасида эса 48, 52, 57 килограммгача бўлган вазн тоифасида ғолиб ва совриндорлар аниқланди. Унда ҳамюртларимиздан Муҳриддин Тиловов олтин медални қўлга киритган бўлса, Шарофиддин Лутфуллаев учинчи ўринни эгаллади. Диёра Келдиёрова кумуш, Нодира Гулова, Муқаддас Кубеева, Гулойим Жумабоева ҳамда Санобар Султонова бронза медаллар билан тақдирланди.

Кеча тўртта вазн тоифасида баҳслар ўтказилди. Қувонарлиси, турнирнинг иккинчи кунида ҳам вакилларимиз муваффақиятли иштирок этишди. Жумладан, Мирзоҳид Фармонов, Давлат Бобонов, Гулноза Матниёзова ўз вазн тоифасида барча рақибини мағлубиятга учратиб, шоҳсупанинг энг юқори поғонасидан жой олди. ўиёсжон Бобоев кумуш, Мусо Собиров бронза медални қўлга киритди.  

Мусобақанинг очилиш маросимида Ўзбекистон Республикаси Бош вазирининг ўринбосари А. Икрамов сўзга чиқди.

 

Шавкат ОРТИҚОВ,

«Халқ сўзи» мухбири.

 

СЎНГГИ ЯНГИЛИКЛАР