XS.UZ
Аҳолига янада замонавий шароитлар яратиш бугунги кун талаби Ўзбекистон матбуот ва ахборот агентлиги фаолиятини янада такомиллаштириш тўғрисида Долзарб қонун лойиҳаларида фракция позицияси ифодаланди  Одамлар тиббий хизматдан мамнун бўлсин Ўзбекистон Республикаси Олий Мажлиси Сенати кенгашининг мажлиси тўғрисида ахборот «Тақдирим, келажагим ватан билан муштарак» Мобиль алоқа антенналари соғлиққа зарарлими? Маҳаллада кичик саноат ҳудуди Мақсад бир, ғоя бир, Ватан ягона Ота-она меҳри яна қайда бор? Мусаффо осмон узра ишончли парвоз Ўзбекистон Республикаси Президенти Қозоғистон Республикаси мудофаа вазирини қабул қилди Ўзбекистон давлат санъат ва маданият институтининг Фарғона минтақавий филиалини ташкил этиш тўғрисида Тадбиркорлик фаолиятини ривожлантиришни қўллаб-қувватлаш давлат жамғармасини ташкил этиш тўғрисида Одамлар ички ишлар органининг ҳар бир ходимида ўз ҳимоячисини кўриши керак Мудофаа вазирлигида учрашув «Кейинги бекат»да ҳаёт манзаралари Бу муқаддас Ватанда азиздир инсон Инновация имкониятлари кенгаяди Ҳамкорликни мустаҳкамлаш зарур Ички туризм истиқболлари Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида
  • 22 Март 2015

Миллий манфаатлар йўлида

Ўзбекистон Республикаси Президентлигига Ўзбекистон “Миллий тикланиш” демократик партиясидан номзод Акмал Саидов 20 март куни Сирдарё вилояти сайловчилари билан учрашди.

Тадбирда давлат ва жамоат ташкилотлари вакиллари, фуқароларнинг ўзини ўзи бошқариш йиғинлари ҳамда Ўзбекистон “Миллий тикланиш” демократик партияси фаоллари, ҳудуддаги таълим муассасалари ўқитувчилари ва ўқувчилари, шунингдек, журналистлар иштирок этди.

Номзоднинг ишончли вакили, Ўзбекистон “Ёшлик” жисмоний тарбия ва спорт жамияти марказий кенгаши раиси ўринбосари Н. Соатов йиғилганларни Президентликка номзод Акмал Саидовнинг таржимаи ҳоли билан таништирди.

Учрашувда Ўзбекистон Республикаси Президентлигига номзод Акмал Саидов нутқ сўзлади. 

У, жумладан, мамлакатимизнинг янгиланиш ҳамда ижтимоий тараққиёт йўлида янада олға силжиши учун жамиятда бой маънавий-ахлоқий қадриятлар, юксак ҳуқуқий ва сиёсий маданиятни мустаҳкамлаш зарурлигини қайд этди. “Яқин келажакдаги бош мақсадимиз, бу — миллий тикланиш ғоясини амалга ошириш, ички ва ташқи сиёсатда миллий манфаатларни ҳимоялаш ва мақсадли илгари суриш, Ўзбекистон халқининг миллий-маданий ва маънавий-ахлоқий қадриятлари, урф-одатларини сақлаш ва бойитишдир”, деди Акмал Саидов.

Президентликка номзоднинг Сайловолди дастурида маънавий-маърифий соҳада ислоҳотларни чуқурлаштириш энг муҳим вазифа сифатида белгилаб олинган. Акмал Саидов Ўзбекистон тарихини холислик тамойилларига асосланган тарзда узлуксиз ва тизимли ўрганиш, бу борада ўзбек халқининг тарихий ўтмиши ҳамда бугунги кунини баҳолашда бир ёқлама ёндашувларга, нохолисликка йўл қўймаслик, Ўзбекистон тарихининг бузиб, сохталаштириб талқин этилишига қарши курашиш, Ўзбекистон маданий ёдгорликлари, шаҳарларининг миллий қиёфасини сақлаб қолишда самарали чора-тадбирларни амалга ошириш, бутун инсониятнинг тарихий-маданий мероси бўлган тарихий объектлар, архитектура ёдгорликларини асраб-авайлаш ва қайта таъмирлаш, юксак эстетик қимматга эга миллий ҳунармандчилик турларини рағбатлантириш, қайта тиклаш ҳамда ривожлантириш, миллий бадиий мактаблар анъаналарини сақлаб қолишга алоҳида эътибор қаратган.

Учрашув қатнашчиларининг эътибори Сайловолди дастурида кўзда тутилган ёшлар онгини халқимизга ёт бўлган “оммавий маданият”нинг салбий таъсиридан муҳофаза қилиш мақсадида уларни миллий тикланиш ғояси, миллий маданият ва қадриятларни эъзозлаш руҳида тарбиялаш вазифаларига қаратилди. Шу билан бирга, камол топиб келаётган авлодда, биринчи навбатда, китобга муҳаббат ва ҳурмат-эҳтиромни, матбаачилик маҳсулотларига қизиқишни кучайтириш, Ўзбекистон халқининг тарихи, маънавий-маданий меросига доир адабиётларни нашр этиш билан шуғулланаётган муаллифлар, босмахоналар, нашриётларни иқтисодий жиҳатдан рағбатлантириш, уларга солиқ ва бошқа тўловлар бўйича имтиёзлар бериш юзасидан чора-тадбирлар кўриш таклиф қилинмоқда.

Қайд этилганидек, болалар, аёллар, шунингдек, оғир касалликлар, шу жумладан, одамнинг иммунитет танқислиги вирусини келтириб чиқарадиган хасталиклардан азият чекувчи шахсларга самарали ёрдам кўрсатишни изчил давом эттириш, улар ҳуқуқлари ҳамда қонуний манфаатларига риоя қилиниши устидан парламент ва жамоатчилик назоратини кучайтириш дастурда устувор вазифа сифатида белгиланган.

“Бизнинг асосий ғоямиз — Ўзбекистоннинг буюк келажагига бор билим ва малакамиз, -интеллектуал салоҳиятимиз ҳамда ижодий куч-қудратимизни бағишлаш орқали она-Ватанимизнинг миллий манфаатлари йўлида фидокорона хизмат қилишдир”, деди Акмал Саидов ўз сўзи якунида.

Учрашув иштирокчилари Президентликка номзодга ўзларини қизиқтирган саволларни беришди, Сирдарё вилоятини ижтимоий-иқтисодий жиҳатдан янада ривожлантириш бўйича таклиф ва мулоҳазаларини билдирдилар.

Тадбирда “Миллий тикланиш” демократик партиясидан Президентликка номзодни қўллаб-қувватлаб, ЎзМТДП Ховос тумани кенгаши раиси Р. Баҳриддинов ва бошқалар сўзга чиқди.

Ўзбекистон “Миллий тикланиш” демократик партияси сайловчиларни 29 март куни бўлиб ўтадиган сайловда Ўзбекистон Республикаси Президентлигига “Миллий тикланиш” демократик партиясидан номзод Акмал Саидовга овоз беришга чақиради!

 

«Миллий тикланиш» 

ДП матбуот хизмати.

Кўриш қобилияти чекланганлар учун

A- A A+

Кўп ўқилган