Ёшларимизнинг муносиб иштироки
  • 01 Февраль 2014

Ёшларимизнинг муносиб иштироки

Таиланд пойтахти Бангкок шаҳрида бокс бўйича ёшлар ўртасида ўтказилган Осиё чемпионатида терма жамоамиз аъзолари иккита олтин, тўртта кумуш ва иккита бронза — жами саккизта медаль жамғариб, умумжамоа ҳисобида иккинчи ўринни эгаллади.

 Айтиш жоизки, бундай нуфузли мусобақаларда юқори ўринларни қўлга киритишни қитъамизнинг ҳар бир давлати вакиллари орзу қилади. Аммо бу фақат хоҳиш ва истак билан амалга ошадиган иш эмас.  Бунда спортчиларнинг пухта ҳозирлик кўриши учун қулай шарт-шароит, мустаҳкам инфратузилма муҳим аҳамиятга эга. Юртимизда Президентимиз раҳнамолигида спорт, хусусан, болалар спортини ривожлантиришга қаратилаётган юксак эътибор ана шу мақсадга хизмат қилмоқда. Натижада болалар, ўсмирлар ва ёшлар ўртасидаги нуфузли халқаро турнирларда юртимиз байроғини баланд кўтараётган истеъдодларимиз сафи тобора кенгайиб бораяпти.

Олтинчи бор ташкил этилган мазкур Осиё чемпионатида ёш боксчиларимиз эришган муваффақият мисолида бунга яна бир карра ишонч ҳосил қилдик. 

Қитъамизнинг йигирмага яқин давлатидан вакиллар қатнашган мусобақада ҳамюртларимиздан Козимбек Мардонов (75 кг.) ва Бектемир Мелиқўзиев (69 кг.) олтин медални қўлга киритди. Эътиборли жиҳати, Козимбек ўтган йилда ўсмирлар ўртасида ўтказилган Осиё чемпионатида ҳам ғолиб чиққан эди. 

Шунингдек, Абдулҳай Шораҳматов, Маҳмуд ўоипов, Азизбек Шукуров, Асилбек Солиев кумуш, Фазлиддин Мелибоев ва Шоҳруҳ Эркинов бронза медали билан тақдирланди.

Фазлиддин АБИЛОВ тайёрлади.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn
Мазкур рукндаги бошқа мақолалар: Баркамол авлод тарбияси — устувор мақсад »