Рақобатни енгган маҳорат
  • 08 Ноябрь 2017

Рақобатни енгган маҳорат

Жанубий Кореянинг Янггу шаҳрида оғир атлетика бўйича Осиё кубоги ҳамда клублар ўртасидаги қитъа чемпионати ниҳоясига етди. 

16 та мамлакатдан 110 нафар спортчи қатнашган мусобақаларда Ўзбекистон терма жамоаси юксак натижа қайд этди. Жумладан, вакилларимиз 18 та олтин, 12 та кумуш ҳамда 12 та бронза медални қўлга қўлга киритиб, Осиё кубогини умумжамоа ҳисобида биринчи ўринда якунлади. 

Турнирнинг сўнгги кунида энг оғир вазндаги полвонлар ўз маҳоратини намойиш қилди. Хусусан, юртдошимиз Акбар Жўраев (105 кг.) даст кўтаришда 173 кг., силтаб кўтаришда 201 кг., умумий ҳисобда 374 кг. натижа билан олтин медалга сазовор бўлди. Эътиборлиси, бу ёш спортчимизни халқаро экспертлар жаҳон оғир атлетикасининг келажаги сифатида эътироф этишаяпти. 

Мусобақада терма жамоамиз аъзоларига асосий рақобатни Жанубий Корея ва япониялик спортчилар туғдиришди. Мезбонлар полвони Же Мин Хо 366 кг. тошни ўзига бўйсундириб, кумуш медаль билан тақдирланган бўлса, Кунчиқар юрт вакили Тада Ёшихиро 355 кг. кўрсаткич қайд этиб, учинчи поғонадан жой олди. 

Аёллар ўртасида 58 кг. вазн тоифасида ғолибликка эришган Муаттар Набиева “Мусобақанинг энг яхши спортчиси”, деб тан олинди. 

О. ЛУТФУЛЛАЕВ.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn